دايملر الألمانية تعتزم الانسحاب من شركة مشتركة لتجميع السيارات فى مصر

**ali ashraf** · 24-04-2015 02:56 PM

أعلنت شركة دايملر الألمانية للسيارات اليوم الجمعة أنها سوف تنسحب من الشركة المصرية الالمانية للسيارات (إجا)، فى تأكيد لتقارير صحفية تواترت فى وقت سابق.

وكانت دايملر، وهى الشركة المصنعة لسيارات مرسيدس، تقوم من خلال الشركة المشتركة بتجميع السيارات فى مصر لتفادى الرسوم الجمركية المرتفعة.

ومن بين الطرازات التى تقوم الشركة بتجميعها فى مصر سيارات مرسيدس إس وسى وإى بالاضافة إلى السيارة الرياضية متعددة الاستخدامات من طراز (جي.إل.كيه).
الخبر منقول من جريدة اليوم السابع اليوم و ذيل التقرير بأن السبب هو توقع انخفاض الجمارك و السؤال هل هذا تبرير منطقى لأنسحاب شركة عريقة من السوق المصرى ؟ المنطق لا يتفق مع مثل هذا التبرير و الأوقع هو كارثة احتراق محركات سيارات ت المرسيدس بعد استخدام بنزين 92 و قد يكون السبب الثانى نقص الدولار.....المهم اعتقد ان الموضوع ده ستكون له توابع عديدة فى الفترة المقبلة

**MaZaGAngeE** · 24-04-2015 06:23 PM

اغلب الشركات العالمية بتقلل نشاطها او بتوقفه مؤقت او تلغيه بسبب الظروف الاقتصادية و السياسية ..

**dede_dodo88** · 27-04-2015 10:53 PM

موضوع منطقي جداً يتماشى مع خطة الدولة لتخفيض جمارك السيارات الاوروبية, فبالتالي ملهاش معنى ان العربية تتجمع في مصر طالما ممكن تستوردها كاملة على بعضها من اوروبا بنفس السعر..
الشركة مكملة عاااادي جداً في مصر, و مصر لمرسيدس تعتبر من الاسواق الناجحة و المربحة..
فالموضوع في حقيقته هو عكس كل الهري اللي الناس بتتكلم فيه عن تدهور الاحوال الاقتصادية و هروب الشركات الاجنبية و ما الى ذلك..
الشركة "ناتكو" نشاطها الرئيسي في مصر هو المبيعات و التوزيع, و ده مكمل بشكل طبيعي مع نشاط تصنيع قطع الغيار.. تجميع العربيات محلياً هو اللي هيتوقف..

**mo7a_mo7a** · 27-04-2015 11:14 PM

المشاركة الأصلية كتبت بواسطة dede_dodo88

موضوع منطقي جداً يتماشى مع خطة الدولة لتخفيض جمارك السيارات الاوروبية, فبالتالي ملهاش معنى ان العربية تتجمع في مصر طالما ممكن تستوردها كاملة على بعضها من اوروبا بنفس السعر..
الشركة مكملة عاااادي جداً في مصر, و مصر لمرسيدس تعتبر من الاسواق الناجحة و المربحة..
فالموضوع في حقيقته هو عكس كل الهري اللي الناس بتتكلم فيه عن تدهور الاحوال الاقتصادية و هروب الشركات الاجنبية و ما الى ذلك..
الشركة "ناتكو" نشاطها الرئيسي في مصر هو المبيعات و التوزيع, و ده مكمل بشكل طبيعي مع نشاط تصنيع قطع الغيار.. تجميع العربيات محلياً هو اللي هيتوقف..

100%
صح الكلام
الجمارك اتشالت جزئيا وحتوصل كلياً خلال 3 سنوات وبالتالي حجم الانتاج في اوروبا بيخلي التكلفة ارخص

ده السبب المنطقي
انما في ناس مبتصدق وتفتي ويقولك هروب الاستثمار ووضع البلد وحجات غريبة ما انزل الله بها من سلطان
طبعا كله جهل بابسط القواعد الاقتصادية وصيد في الماء العكر وخلاص
كل شركة بتدور علي الوضع الافضل لها اللي يوفرلها افضل تنافسية واقل التكاليف

مين المجنون اللي حيروح يشتري مرسيدس تجميع محلي ويسيب الالماني بنفس السعر؟؟
طبعا مفيش
وبالتالي مفيش داعي الشركة تكمل تجميع في مصر
انما البيع والاستثمار وقطع الغيار والخدمة مستمرة وفي زيادة
والاستثمارات بيتم اعادة توجيها في مجالات افضل واعلي ربحية

تحياتي

**mr_green** · 28-04-2015 04:12 PM

معلش مع إحترامى للجميع بلاش نتكلم بدون أرقام عشان يكون الكلام موضوعى و سليم

هاضرب مثال ب E250 سعرها برها يبدأ من 51.800 $ يعنى حوالى 400000 مصرى بتتباع هنا بداية من 738000 مصرى

ممكن حد يشرح جمارك إيه إللى قلت ؟؟

2015 Mercedes-Benz E-Class Specs, Price, Trim Levels, User Reviews, Photos & Buying Advice

Mercedes-Benz Cars: 2015 Mercedes-Benz Prices, Reviews, Specs

ممكن نراجع الروابط أعلاه فيها كل الأسعار و لمن عنده رأى آخر ياريت يشرح و يذكر مصدره !!

ده غير إن سعر العمالة فى مصر و الضرائب و الكهرباء للمصنع أقل بكثيـــــر من أماكن أخرى بره مصر

**dede_dodo88** · 28-04-2015 11:24 PM

بعيداً عن الجمارك, مش بالضرورة انك تلاقي سعر اي سلعة متطابق في كل الدول.
كل شركة ليها سياستها التسعيرية الخاصة بالسوق اللي بتستهدفه..

**mr_green** · 29-04-2015 08:22 AM

المشاركة الأصلية كتبت بواسطة dede_dodo88

بعيداً عن الجمارك, مش بالضرورة انك تلاقي سعر اي سلعة متطابق في كل الدول.
كل شركة ليها سياستها التسعيرية الخاصة بالسوق اللي بتستهدفه..

المقصود من كلامى أعلاه إن سبب التصفية مش الجمارك إللى هاتنزل لأن هى بتنزل تدريجى 10% سنويا و بتزيد بدلها الضريبة :)

يعنى ال 10% بتوع السنة إللى جاية مش هاينزلوا العربية من 700 ل 500 ألف :)

ولو الجمارك كانت قلت برقم ضخم كده كان التجار إستوردوها و إتباعت ذى العربيات الخليجى على الأقل فرق 50 ألف لكن ده مش حاصل !!!

يبقى ليه بيصفوا ؟؟؟:b4_592:

**Abo_Mazen** · 29-04-2015 09:39 AM

المشاركة الأصلية كتبت بواسطة MaZaGAngeE

اغلب الشركات العالمية بتقلل نشاطها او بتوقفه مؤقت او تلغيه بسبب الظروف الاقتصادية و السياسية ..

المشاركة الأصلية كتبت بواسطة mo7a_mo7a

100%
صح الكلام
الجمارك اتشالت جزئيا وحتوصل كلياً خلال 3 سنوات وبالتالي حجم الانتاج في اوروبا بيخلي التكلفة ارخص

ده السبب المنطقي
انما في ناس مبتصدق وتفتي ويقولك هروب الاستثمار ووضع البلد وحجات غريبة ما انزل الله بها من سلطان
طبعا كله جهل بابسط القواعد الاقتصادية وصيد في الماء العكر وخلاص
كل شركة بتدور علي الوضع الافضل لها اللي يوفرلها افضل تنافسية واقل التكاليف

مين المجنون اللي حيروح يشتري مرسيدس تجميع محلي ويسيب الالماني بنفس السعر؟؟
طبعا مفيش
وبالتالي مفيش داعي الشركة تكمل تجميع في مصر
انما البيع والاستثمار وقطع الغيار والخدمة مستمرة وفي زيادة
والاستثمارات بيتم اعادة توجيها في مجالات افضل واعلي ربحية

تحياتي

إنبي يا شيخ تديني شوية تفاؤل من اللي عندك ده ...وخصوصا الحته بتاعة الإستثمارات بيتم توجيها في مجالات أفضل وأعلى ربحيه

بتجيبوا الكلام ده منين ..عايز أجيب منه ؟؟؟؟!!!!!

**ali ashraf** · 29-04-2015 10:20 AM

و تأكيدا على كلام " الرجل الأخضر" اليورو أنخفض فى الفترة السابقة و حققت المبيعات فى دولة زى فرنسا أعلى نسبة مبيعات منذ 2008 نظرا لأنخفاض سعر السلعة ( بما فيها السيارات) فى الدول المنتجة وتعتمد اليورو .......طب هل انعكس هذا علينا فى مصر.....يقولوا الدولار بيزيد .....نرد يا جماعة بنقول باليورو مش بالدولار و يكون الرد...كلها عملة صعبة ده بالذمة كلام.....

الموضوع: دايملر الألمانية تعتزم الانسحاب من شركة مشتركة لتجميع السيارات فى مصر

LinkBack

أدوات الموضوع

عرض

-

-

-

-

-

المواضيع المتشابهه

بي ام دبليو تشارك مع شركة سيارات صينية لفتح شركة فرعية مشتركة

أكثر من نصف السيارات الألمانية بها عيوب!

السيارات الألمانية فى الصدارة و السيارات اليابانية فى تراجع من حيث الإعتمادية

حد يعرف اى شركة مشتركة فى معرض الاهرام للسيارات

الكلمات الدلالية لهذا الموضوع

المفضلات

المفضلات

ضوابط المشاركة