كراسى و كنصولة جراند شيروكى 98

السلام عليكم

ربنا وفقنى و اشتريت كرسيين كهرباء جراند شيروكى 98 علشان استبدلهم مكان الكراسى القديمة الى فى عربيتى و ده شكل الكرسى مقارنة بالكرسى القديم
http://7rea.com/d/1429902904381.jpg

عندى بعض المشكلات البسيطة ....

1- تعديل الكراسى لتناسب ارضية العربية المستوية ( اقتراحات )
http://7rea.com/d/1429902904532.jpg

2- عرفت الفردة الموجب و السالب الى فى الفيش .... بس فيه فرد كهرباء تانية ... دى بتاعة ايه ؟


جبت كمان كنصولة علوية بتاعة نفس العربية

حد يعرف ازاى اعرف اشغل الساعة ؟؟؟ انا عرفت اشغل الاضاءة .. بس مش عارف اشغل الساعة .. و مش مهم البوصلة و عداد درجة الحرارة

http://7rea.com/d/1429902904563.jpg

الف مبروك ياهندسة والله ينور عليك .
بالنسبة للكراسى هل فيها المجرة ولا من غير المجرة لأن المفروض المجرة بتبقى متثبته فى الارضية بمسامير وبيتبقى المجرة اللى متثبته فى الكرسى والمجرة المتثبه فى الارضية عاملين زى دكر ونتاية - وبعد كده تثبت المجرة فى الارضية بأى شكل وتشحمها وتركب الكرسى بالمجرة بتاعته .
بالنسبة للكهربا اعتقد الطرف التالت ده ياإما بيبقى للمفتاح أو السويتش - أوممكن يكون كهربا بتاعة حركة تانية للكرسى زى مثلاً فوق وتحت ( الكرسى بيبقى فيه كذا حركة كهربا قدام وورا وفوق وتحت وساعات بيبقى فيه كمان حركات للضهر) - والاحتمال التالت انه يكون للحزام علشان ينور فى التابلوة ، والله اعلم
بالنسبة للكنسولة : الساعة بتبقى عاوزة طرف واحد موجب ومستمر بدون انقطاع يعنى ماتاخدلهاش من الولاعة ممكن من النور بتاع الصالون - والله أعلم برضه :)
البوصلة بتبقى عاوزة سينسور تاخد منه الاتجاهات - درجة الحرارة كمان بتبقى عاوزة سينسور يقيس الحرارة وينقلها للعداد اللى فى الكونسوله - ممكن تجرب صباع حرارة بتاع اى حاجه مثلا صباع حرارة ميه بتاع اى عربية وتربطه فى اى حته وتوصله للعداد اللى فى الكونسوله وتشوف حيقرا صح ولا لأ وحيعوز كهربا ولا العداد بس هو اللى حيعوز كهربا .
والله ياهندسة باحاول افكر معاك بصوت عالى وربنا يسهل الحال

ربنا يباركلك يا باشمهندس احمد على الشرح و المساعدة ....

الدوائر الصفراء الى فى الصورة دى لنقاط تثبيت المجرى ... و عذرا .. المفروض كنت صورت ارضية العربية عندى و رفعتها
و كمان صورت الفيش .... ملحوقة ان شاء الله

انا معنديش جراند شيروكى ... و باين جدا ان الجراند فيها كنترولات و حساسات كتييييير .. انا عاوز اركب الحاجات دى فى شيفروليه بليزر موديل 1980

فيشة الكرسى فيها 8 اطراف !!!! بعد بحث و تجربة .... عرفت 3 اطراف ... 2 بيتوصلوا بارضى .. و واحد بيتوصل بالكهربا ..... و وجدت صندوق صغير مكتوب عليه memory module فاعتقد ان بقية الاطراف لأوضاع حفظ الذاكرة بالنسبة لوضع الكرسى ... و الله اعلم

بالنسبة للكنصولة ... الفيشة فيها 6 اطراف ... عرفت منها 2 .. واحد بياخد كهرباء و واحد بيتوصل بالارضى .. و دول بينورا النور

و جربت اوصل بقية الاطراف بطرق مختلفة ... منها انى اديت الاطراف 5 فولت و 12 فولت و مفيش فايدة

حصور الفيشة و ارفعها ان شاء الله

ممكن تشغل المواتير بتاعة الكرسى وتخليه يطلع لقدام ويرجع لورا بالكهربا عادى لأن اكيد قاعدة الكرسى من الجنب من ناحية الباب بيبقى فيها زراير تحريك الكرسى - بالنسبة للذاكرة مش مهم لان الموديول بتاعها مش موجود فى العربية وهى بس وظيفتها انها بتتبرمج لوضعين او اكتر حسب عدد مستخدمين العربية علشان تظبط الكرسى لكل مستخدم بيسوق العربية - كل اللى حاتعمله حتاخد تغذية للكرسى من الضفيرة وتعديها من ارضية العربية تحت الفرش بس تبقى واخد الكهربا بتاعة الكرسى على فيوز محمل حاشوفلك كام امبير وكمان السلك يكون محمل هو كمان -المهم نشوف رسمه للكهربا بتاعة الكرسى علشان نعرف التغذية حاتخش فين علشان تشغل المفتاح وباقى الدايرة اللى بين المواتير والمفتاح هى متوصلة جاهزة .

الكراسى لسة مركبتهاش فى العربية .... و بالفعل انا وصلتلها كهربا خارجية ... الكراسى اتحركت و كله تمام ...
ان شاء الله حاخد تغذية كهرباء بسلك 3 مم و حعمله وحدة فيوز بسيطة منفصلة لتغذية الكراسى و تغذية بقية الاكسسوارات

http://7rea.com/d/1429910287831.jpg

دى علبة فيوز فرعية

شغل ممتاز والله احب التعديل جدآ والتطوير يا ريت تفيدنا اشتريت الكراسي بكام والكنسول ومنين وبالتوفيق

ربنا يكرمك يا باشمهندس احمد فهمى ... الشغل الممتاز حيكون بمساعدتكم ان شاء الله

انا كنت عاوز ادور على كراسى المرسيدس الشبح .. او كراسى للبى ام دبليو ... واحد زميلى قالى ان كراسى المرسيدس مش حتكون كبيرة .. و حتكون غالية !!! و نصحنى انى ادور على كراسى للجيب

رحت الهرم لواحد بيبيع قطع غيار استيراد امريكانى ... دورت على كراسى لليوكن ... للبليزر ... للفورد اكسبيديشن ... مفيش .. و كسلت اروح الحرفيين

جبت الكرسيين دول من سوسو الى فى شارع الشربينى فى الهرم ب 1200 جنيه

الكونصول جبته من سيد و صابر .. تجار قطع غيار امريكى استيراد..... الدائرى قبل نزلة مسطرد ( نزلة ام بيومى ) .. و جبتها من سنتين ب 150 جنيه .. و كانت ضمن حاجات تانية جبتها من عنده

دى صورة فيشة الكرسى ...
http://7rea.com/d/1429990131483.jpg

و دى صورة الفيشة من الظهر .... السلك الاحمر بياخد كهربا و الاسود ارضى

http://7rea.com/d/1429990131494.jpg

اما عن الكنصولة ... دى صورة الاجزاء بعد ما فكتها

http://7rea.com/d/1429990131431.jpg

و دى صورة الاسلاك الستة ... الطرف الحمر الى فى الشمال بياخد كهربا .. و الاسود ارضى .. الباقى اوصلها بايه علشان الساعة تنور ؟

http://7rea.com/d/1429990131462.jpg

http://farm3.static.flickr.com/2682/...a828a324_o.jpg

http://farm3.static.flickr.com/2763/...c3ee7c09_o.jpg

اعتقد انها فيشة C329 ,شوف اللينك دا

ZJ Heated Memory Seat install into Laredo (writeup) - JeepForum.com

لا لا لا ... محلولة و سهلة كدة ؟! :018a1d~146:

ربنا يكرمك .. و لك عميق شكرى

التكنولوجيا حلوة يا جدعان

انا حفضل ازاكر الرسومات دى .. و ان شاء الله افهم حاجة
و بعدين الكراسى دى فيها تسخين ؟؟!!!
اعتقد اوضاع الذاكرة لازم تتوصل بكونترول العربية !!!

اعتقد ان دى مش ساعة بس دى مركز معلومات بتاخد بعض البيانات من كمبيوتر العربية الاصلية ( الجراند) - عموماً إنت فى الأسلاك دى حتلاقى ٢ طرف كهربا الأحمر وفيه طرف تانى كهربا بالطلب يعنى على الكونتاكت أو مع الكاسيت يعنى مابيوصلش كهربا مستمرة زى التانى اللى فيه فيوز وواصل باستمرار ( أعتقد البنفسجى) - والباقى للحرارة والداتا بتاعة الكمبيوتر- متهيالى مش حايشتغل فيها غير النور ويمكن عداد الحرارة لو ركبت سينسور فى الشبكة الامامية بطرف ارضى وطرف توصله للكهربا إللى بالطلب مش الكهربا المستمرة

مش متأكد من توصيلة عداد الحرارة انسى الحتة بتاعتها :)

اقتباس:

---

المشاركة الأصلية كتبت بواسطة م/أحمد عبد الفتاح

مش متأكد من توصيلة عداد الحرارة انسى الحتة بتاعتها :)

---

انا كنت لسة حسألك عليها :)

مشكور يا باشا على المعلومة
المشكلة انى مليش فى الكهربا ... و مليش خالص فى الالكترونيات
بس عاجبنى شكل ساعة الكونصولة ... انا شفتها شغالة فى عربية تانية ... ذات اضائة خضراء منيرة ... و مش ال سى دى

اقتباس:

---

المشاركة الأصلية كتبت بواسطة ahmed_eng2001

انا كنت لسة حسألك عليها :)

مشكور يا باشا على المعلومة
المشكلة انى مليش فى الكهربا ... و مليش خالص فى الالكترونيات
بس عاجبنى شكل ساعة الكونصولة ... انا شفتها شغالة فى عربية تانية ... ذات اضائة خضراء منيرة ... و مش ال سى دى

---

تشغيل الشاشه دى يكاد يكون مستحيل لأنها مش شاشة حراره وساعه لا دى واصله بكنترول العربيه وبتقيس استهلاك البنزين وبيانات تانيه ومش متأكد ان ممكن حد يكون حافظ تقسيمه معينه يعمل ضفيره مخصوص للحراره او لا

اقتباس:

---

المشاركة الأصلية كتبت بواسطة احمد فهمى

تشغيل الشاشه دى يكاد يكون مستحيل لأنها مش شاشة حراره وساعه لا دى واصله بكنترول العربيه وبتقيس استهلاك البنزين وبيانات تانيه ومش متأكد ان ممكن حد يكون حافظ تقسيمه معينه يعمل ضفيره مخصوص للحراره او لا

---

ربنا يكرمك :)
حضرتك وضحت الصورة ... و كدة مش حينفع اشغل الساعة مستقلة .. اذن .. عليا البحث عن ساعة تانية و تكون مضيئة !!!

اقتباس:

---

المشاركة الأصلية كتبت بواسطة ahmed_eng2001

ربنا يكرمك :)
حضرتك وضحت الصورة ... و كدة مش حينفع اشغل الساعة مستقلة .. اذن .. عليا البحث عن ساعة تانية و تكون مضيئة !!!

---

سهل تلاقى ساعه مضيئه ﻷى عربيه وتحطها فنفس المكان ورا الباغه هتبان اصلي ان شاء الله

ناوى ان شاء الله اعمل كونصولة علوية من الخشب ...و كذلك كنصولة فى الوسط من الخشب و اكسيها جلد

فكنت بفكر اجيب اى ساعة لأى عربية و اركبها ... زى ساعة اللانسر .. او السيراتو .... و عجبانى ساعة اللانوس
و بفكر اشترى منبه ديجيتال صغير يكون مضيى ( مش ال سى دى ) و اركبه فى الكونصولة ان شاء الله


اكتشفت ان الكراسى ممكن تسخن الظهر !!!! فيشتين داخلين فى ظهر الكرسى .... ب اربع فرد كهربا .. اديت واحد منهم كهربا و التانى ارضى ... وجدت ان ظهر الكرسى سخن
ححتاج مفتاحين شكلهم حلو علشان اشغلهم منفردين يدويا

دى شوية افكار للكونسولة
http://i1383.photobucket.com/albums/...ps2icijeeo.jpg

http://i1383.photobucket.com/albums/...psrj4ltnoh.jpg

http://i1383.photobucket.com/albums/...psckos9w72.jpg

http://i1383.photobucket.com/albums/...psruhgdux1.jpg

http://i1383.photobucket.com/albums/...pstdjrtmfu.jpg


وده لينك لشوية صور للتعديلات والافكار للـ K5 تفتح اى صورة وتدخل للموقع اللى عارض الصورة تشوف تفاصيل اكتر
https://www.google.com.eg/search?q=k...w=1280&bih=672

نفسي فمكان يعمل الشغل ده فمصر

افكار رائعة ربنا يخليك .. انا عمال اتفرح على افكار الكنصولات الوسطى و العلوية كمان

ربنا يسهل و انزل وسط البلد بكرة اتفرج على ليدات اضاءة و ساعات مضيئة ... و ربنا يسهل

اقتباس:

---

المشاركة الأصلية كتبت بواسطة احمد فهمى

نفسي فمكان يعمل الشغل ده فمصر

---

مش حتلاقى حد يعمل الشغل ده لحد تانى للاسف ........ الصنايعية بتكون عاوزة تخلص علشان تشوف غيرك
ده غير ان اغلب الصنايعية بيعمل الى هو عاوزه ...... مش الى انت عاوزه
علشان كدة انا بحاول اعمل الحاجات دى بنفسى على قدر المستطاع

اقتباس:

---

المشاركة الأصلية كتبت بواسطة ahmed_eng2001

افكار رائعة ربنا يخليك .. انا عمال اتفرح على افكار الكنصولات الوسطى و العلوية كمان

ربنا يسهل و انزل وسط البلد بكرة اتفرج على ليدات اضاءة و ساعات مضيئة ... و ربنا يسهل

---

لو ليدات إضاءة داخلية إسال على الـ smd ده نوع بيستخدم دلوقتى فى الديكور فيه منه لون واحد زى الأبيض أو الأزرق أو الأحمر أو الوان تانية وفيه منه بيبقى rgb يعنى كل الألوان وبيشتغل بريموت - الليدات دى بتبقى شريط ٥ متر فيه ٣٠٠ ليد يعنى المتر فيه ٦٠ ليد وفيه منه ووتر بروف وفيه عادى - وممكن يتقص منه بس عند العلامات اللى فى الشريط - يستحسن تستعمل النوع اللى فيه ٣٠٠ ليد فى الـ ٥ متر وتعرفه انك حتلاقى ٣ ليدات فى الـ ٥سم - وبيشتغل على ١٢ فولت وموجود بيتباع فى مصر عادى عند بتوع الالكترونيات وتحت امرك فى اى سؤال لأنى غاويهم جداً

وبيتركب باللزق وهو فيه لزق منه فيه ثرى ام دوبل فيس

سألت عن الليدات دى فى باب اللوق .... وجدت نوع ابيض و سألت عن الازرق عرفت انه فى شارع عبد العزيز بس اعتقد ان الى فى شارع عبد العزيز 220 فولت .. محتاج نزلة تانية قريبا ان شاء الله

عديت على التوفيقية ...... الناس الى واقفة فى الشارع حاجتهم غالية و عاوزين فصال

دى صورة قاعدة الكرسى الامامية

http://gool.us/d/1430557080352.jpg

و دى الزاوية الى اتركبت

http://gool.us/d/1430557080291.jpg

وو تم تركيب كرسى السائق بصفة مبداية :)

تمام متنساش تصور الشكل النهاي وبالتوفيق

اقتباس:

---

المشاركة الأصلية كتبت بواسطة ahmed_eng2001

دى صورة قاعدة الكرسى الامامية

http://gool.us/d/1430557080352.jpg

و دى الزاوية الى اتركبت

http://gool.us/d/1430557080291.jpg

وو تم تركيب كرسى السائق بصفة مبداية :)

---

حلو حلو ,عاوزة رشة بريمر وورد سوسته عشان ديما مسامير الكراسي عاوزه تحل. دي مسامير رباط الزاويه في البودي مسدس 17 ?? وطبعا الصموله تحت عاوزه اتنين يركبوها.
شفت البرشام المقلوظ دا ,يبرشم ع البودي وتربط عزوم

https://d2t1xqejof9utc.cloudfront.ne...40f/medium.jpg

https://encrypted-tbn3.gstatic.com/i...22dda1eOhARcDQ




http://www.thorintl.com/Enlarged%20F...s-Rivkle-3.jpg

http://www.avkfasteners.com/images/p....partspecs.jpg

جميل جدا موضوع البرشام المقوظ ده .... جارى ابحث عنه

مفيد البرشام ده جدآ وسهل تربط فى

دا نزل في شاسيهات النقل والكابينه وحل صداع كتير .وابتدا يتصنع after market وريح الناس من لحام الصواميل او مسمار وصموله وورده

اقتباس:

---

المشاركة الأصلية كتبت بواسطة احمد فهمى

نفسي فمكان يعمل الشغل ده فمصر

---

سمعت عن راجل شهير سكندري غاوي عربيات vintage اسمه ميشيل احد .اكيد له ناس حريفه بتضبط الشغل دا.

اقتباس:

---

المشاركة الأصلية كتبت بواسطة ahmed_eng2001

سألت عن الليدات دى فى باب اللوق .... وجدت نوع ابيض و سألت عن الازرق عرفت انه فى شارع عبد العزيز بس اعتقد ان الى فى شارع عبد العزيز 220 فولت .. محتاج نزلة تانية قريبا ان شاء الله

عديت على التوفيقية ...... الناس الى واقفة فى الشارع حاجتهم غالية و عاوزين فصال

---

كل الالوان ١٢ فولت

تم بحمد الله تعديل قاعدة الكرسى القلاب على الكراسى الثابتة ....

دى صورة مجرى الكرسى ... فيه مسمار نجمة فى منتصفها ... لما فكيته امكننى ان اسحب المجرى لأسفل

http://gool.us/d/143172523611.jpg

و دى المجرى السفلية

http://gool.us/d/1431725236122.jpg

و تم استعدال الودن الامامية ... مرة على البارد و مرة على الساخن

http://gool.us/d/1431725236143.jpg

تم تركيب خوصتين من اول المجرى لأخرها ... مع عمل خرمين للتثبيت 10 مم .. و دى حتكون نقطة الوصل بين الكرسى و بين القواعد

http://gool.us/d/1431725236164.jpg

تم لحام قطعتين حديد بالعرض علشان القاعدة تحمل عليهم مع عمل خرمين 8مم للتثبيت مع القاعدة

http://gool.us/d/1431725236185.jpg

و تحقق ما كنت اخشاه .... الكرسى مرتفع عن مستوى ارضية العربية قرابة 50 سم !!!! ده غير حوالى 10 سم ارتفاع قاعدة الكرسى نفسه لوجود مواتير الحركة .... راسى خبطت فى السقف :(

http://gool.us/d/1431725236216.jpg

الحل فى تقصير القاعدة ..... اما بالقطع .. و ده حل انا مش موافق عليه ... او عمل قاعدة جديدة قصيرة .. و دى قصة طويلة شوية .. و بالفعل ... هذا ما تم عمله

http://gool.us/d/1431725236227.jpg


و دى صورة الفرق بين القاعدة القديمة و الجديدة

http://gool.us/d/1431725236248.jpg

و ده الكرسى فى التجربة الاولى للتركيب ... و لله الحمد نتيجة مرضية جدا بالنسبة لى

http://gool.us/d/1431725236259.jpg

القاعدة اتفككت كلها و بدهنها برايمر و لما ينشف .. تدهن اسود ان شاء الله

الله ينور عليك ياهندسة ياجامد:plusone2:

اقتباس:

---

المشاركة الأصلية كتبت بواسطة م/أحمد عبد الفتاح

الله ينور عليك ياهندسة ياجامد:plusone2:

---

و عليك يا باشمهندس :grin02: بنستفيد من حضرتك :)

ملاحظات صغيرة من وجهة نظرى فى الشغل ... ( اتمنى التعليق و التصحيح )

1- لو حنركب مسامير 10 مم ... الاخرام تكون 11 مم او 10.5 مم علشان المسامير تدخل مرتاحة

2- ضرورة استخدام بنط ذات جودة عالية ... البنط الرديئة و الرخيصة بتبوظ على طول

3- استخدام الصاروح ال 5 بوصة اكثر امانا و التحكم فيه اكبر ... بس بياخد وقت اطول ( واخد بالك يا باشمهندس ميكا ؟ )

4- تنظيف مكان اللحام قبل عملية اللحام ... كنت بستخدم زيت للمساعدة فى عملية الثقب .. و الزيت كان مطرطش فى كل حتة .. و اضطريت انضف بالتنر قبل اللحام

5- عمل بنط ( لحام ) تحديد فقط قبل اتمام عملية اللحام النهائية ... علشان لو الحديد مظبطش ... يكون من السهل تفويره


6- ساعات كتير .... الشغل البلدى بيجيب نتائج كويسة

تحياتي لك بجد

اقتباس:

---

المشاركة الأصلية كتبت بواسطة احمد فهمى

تحياتي لك بجد

---

تحياتى لحضرتك ايضا :)

اخر التطورات ....

الكراسى بعد شغل السروجى

http://gool.us/d/1432834920461.jpg


و النهاردة بعمل العزل باستخدام الصوف الزجاجى

http://gool.us/d/143283492052.jpg

و ده غير تنظيف تانك البنزين .. و ده اخد يوم كامل

اقتباس:

---

المشاركة الأصلية كتبت بواسطة ahmed_eng2001

تم بحمد الله تعديل قاعدة الكرسى القلاب على الكراسى الثابتة ....

دى صورة مجرى الكرسى ... فيه مسمار نجمة فى منتصفها ... لما فكيته امكننى ان اسحب المجرى لأسفل

http://gool.us/d/143172523611.jpg

و دى المجرى السفلية

http://gool.us/d/1431725236122.jpg

و تم استعدال الودن الامامية ... مرة على البارد و مرة على الساخن

http://gool.us/d/1431725236143.jpg

تم تركيب خوصتين من اول المجرى لأخرها ... مع عمل خرمين للتثبيت 10 مم .. و دى حتكون نقطة الوصل بين الكرسى و بين القواعد

http://gool.us/d/1431725236164.jpg

تم لحام قطعتين حديد بالعرض علشان القاعدة تحمل عليهم مع عمل خرمين 8مم للتثبيت مع القاعدة

http://gool.us/d/1431725236185.jpg

و تحقق ما كنت اخشاه .... الكرسى مرتفع عن مستوى ارضية العربية قرابة 50 سم !!!! ده غير حوالى 10 سم ارتفاع قاعدة الكرسى نفسه لوجود مواتير الحركة .... راسى خبطت فى السقف :(

http://gool.us/d/1431725236216.jpg

الحل فى تقصير القاعدة ..... اما بالقطع .. و ده حل انا مش موافق عليه ... او عمل قاعدة جديدة قصيرة .. و دى قصة طويلة شوية .. و بالفعل ... هذا ما تم عمله

http://gool.us/d/1431725236227.jpg


و دى صورة الفرق بين القاعدة القديمة و الجديدة

http://gool.us/d/1431725236248.jpg

و ده الكرسى فى التجربة الاولى للتركيب ... و لله الحمد نتيجة مرضية جدا بالنسبة لى

http://gool.us/d/1431725236259.jpg
http://image.made-in-china.com/4f0j0...Cam-Clutch.jpg
القاعدة اتفككت كلها و بدهنها برايمر و لما ينشف .. تدهن اسود ان شاء الله

---

12000lb Electric Winch Toughest Gears Key Way Cam Clutch

https://encrypted-tbn0.gstatic.com/i...1_YXlGVhTIyGHZ

الرابط


https://www.google.com.eg/url?sa=i&r...52664502135257

:angelwings::angelwings::angelwings::angelwings::a ngelwings::angelwings::angelwings: