اي استفسار عن شنجان cs35 تحتامر الجميع

**yasserlab** · 25-04-2015 12:58 AM

الموضوع كما بالعنوان
تحياتي للجميع yasser lab sinai

**ahmedsl** · 04-05-2015 02:42 PM

السلام عليكم ورحمة الله وبركاته
فى البداية اشكر سيادتك على اهتمامك بزملائك فى المنتدى وعرضك المساعدة على غيرك
اسئلتى هى:
من هو وكيل السيارة فى مصر؟ وان امكن ارقام تليفوناته
ايه اخبار قطع الغيار من حيث الاسعار والمصنعيات ونوافر قطع الغيار من عدمه؟
ايه اسعار صيانات السيارة؟
ممكن صور من سيارة حضرتك للتابلوه والشنطة؟ وده للوقوف على الشكل الفعلى اللى نازل مصر
اشكر لك اهتمامك
اخوك
م/ احمد غريب

**hugan** · 04-05-2015 04:32 PM

ياريت لو في تقرير شامل مصور عن العربيه

**yasserlab** · 28-05-2015 12:03 AM

المشاركة الأصلية كتبت بواسطة ahmedsl

السلام عليكم ورحمة الله وبركاته
فى البداية اشكر سيادتك على اهتمامك بزملائك فى المنتدى وعرضك المساعدة على غيرك
اسئلتى هى:
من هو وكيل السيارة فى مصر؟ وان امكن ارقام تليفوناته
ايه اخبار قطع الغيار من حيث الاسعار والمصنعيات ونوافر قطع الغيار من عدمه؟
ايه اسعار صيانات السيارة؟
ممكن صور من سيارة حضرتك للتابلوه والشنطة؟ وده للوقوف على الشكل الفعلى اللى نازل مصر
اشكر لك اهتمامك
اخوك
م/ احمد غريب

الوكيل سعودي جروب مودرن موتورز (نيسان سوزوكي شنجان ليفان )
الاسعار اعلى من التيجو واقل من الفي فايف بريليانس
التوفر متوفر
الصيانات ممتازة جدا
والوكيل بيحاول يرضي الملاك
حتى الان مافيش عيوب ظاهرة من اي حاجة
استهلاك الوقود 9.5 كل مائة كيلو وده طبيعي لسيارة 1650 ماس ويت

**yasserlab** · 28-05-2015 12:08 AM

المشاركة الأصلية كتبت بواسطة miam0502788391

لو سمحت ممكن تنقل لنا انطباعك عن العربية
هل قمت بصيانة دورية فى التوكيل
ايه اخبار الخدمة فى التوكيل

العربية تعتبر افضل suv صيني في مصر
الكنترول من بوش
الفرامل الا ايه بي اس من بوش
الفيتيس تربتونيك ياباني بالكامل من ايسين
4 اير باج اتنين امامي واتنين في المقاعد الامامية بالجنب
جلد طبيعي
مثبت سرعة
سينسور بارك
مالتي فانكشن في التارة
عدسات في الفوانيس تعدل يدويا من الداخل
مرايات ضم
فتحة سقف
اشارات في المرايا
6 سماعات هاي فاي
4 بالابواب
2 بالقائم الامامي تويترز
جنوط 17 باستثناء الاستبن 16
ثابتة بشكل محترم على الطريق
خاماتها الداخلية لا تفرق باي حال من الاحوال عن الكوري والياباني
واسعة من جوة جدااا
يعيبها ضيق حجم الشنطة فقط

**yasserlab** · 28-05-2015 12:10 AM

جميع صياناتي في التوكيل والاسعار للصيانة الدورية ممتازة
واهتمام بمجمل السيارات كأنها سيارة واحدة
واستماع وانصات جيد للملاحظات
ومحاولة تلافي العيوب
ومن الاخر
هو وكيل عايز يسوق المنتج بشكل جيد والمنتج مساعده جدا
لان شنجان اسم لا يستهان بيه في الحكومة الصينية

**matrux** · 06-09-2015 06:25 PM

السلام عليكم استاذ ياسر انا اشتريت الشنجان cs35
وكان عندي استفسار ممكن حضرتك تحطلنا جدول صيانتها بالاسعار لو موجود
وحضرتك بتعمل الصيانة في انهي مركز خدمة ؟؟؟
اخبارها مع حضرتك لغايه دلوقتي عامله ايه ؟
وشكرا