من وجهة نظر كل واحد في المنتدى ايه احسن عربية في التلاتة من حيث قوة الموتور و التكيف و الثبات و العفشة و الشكل؟
عرض للطباعة
من وجهة نظر كل واحد في المنتدى ايه احسن عربية في التلاتة من حيث قوة الموتور و التكيف و الثبات و العفشة و الشكل؟
الموتور تويوتا ثم فلوانس ثم كروز
و التكيف تويوتا ثم فلوانس ثم كروز
و الثبات كروز ثم تويوتا م فليوانس
و العفشة فليوانس ثم كورولا ثم كروز
و الشكل؟ ازواق
فروق بسيطة جدا
افضل صفقة اللى معاه 190 الف كورولا
170 الف فليوانس
150 كروز
انا من راى كورولا احسن كشكل والشكل ازواق طبعا والموتور قوته حلوه مفهاش حاجه ولسه راكبها اول امبارح مع قرايبى والوسع الداخلى ملحوظ جدا كبير وهيا مفهاش فتحه سقف ولا فيها ليدات خلفيه فيها اماميه فقط بس هيا عفشتها ناعمه وحلوا وتكيف لايعلى عليه وبس القرار قرارك
http://www.nilemotors.net/Nile/464788-2015-cruze.html
الكروز الجديدة اقوى واسرع من الكورولا والفلوينس ومتجربة والعفشة اقوي كتييير من الترزيع بتاع الفلوينس والكورولا
قد تتفوق اياً منهما على الفلوينس. . . لكن تظل الفلوينس الحل الوسط و الامثل
رينو فلوانس مش عاجبنى فيها حته التابلون وعدادات البنزين لو تتحدث وتتعدل موديلاتها تبقى تحفه عربيه بس نعمل ايه هيا فرنساوى بقى
من حيث اعاده البيع:
يبانى
كورى
فرنساوى
كورولا فى رائ
مقارنة صعبة لكن طبقا لربعى(المجتمع الذى اعيش به الان) كورولا طبعا
هنا بيبهدلوا السيارات و البيئة صعبة فالسيارة التى تثبت وجودها تبقى اعتمادية
لكن انت عاوز الاعتمادية ام الامان ام الاوبشنز مفيش حد كامل
الامان ممكن تراجعه من اختبارات التصادم
و الاعتمادية التويوتا مشهوره به سياراتهم موديل التسعينات بتجرى حتى الان فى شوارع الخليج(جودتهم تراجعت كثيرا لكن لا زال موتور تويوتا هو الافضل و ده مش رأيي لوحدى)
عندى حالة نفسية من الفرنساوى و دايمات حاسس زى ما قال احد اعضاء المنتدى اخرهم يعملوا فساتين
الامريكان(مع ان الكروز كورى) مشهورين بسيارات تجرى بس على المدى البعيد تخرب و تعلمك الميكانيكا(انطباع خليجى ايضا)---مع العلم الكروز عندنا 1800 سي سي و الجميح و كيل شيفرولية بيدلل عليها عشان حد يعبرها
لماذا لم تضم للمقارنة النترا و سيراتو
النترا هى المنافس الحقيقى للكورولا عندنا و ربما تفوقت فى مبيعاتها على الكورولا
http://www.nilemotors.net/Nile/data:...fvNcpUqA//2Q==http://qosasa.com/images/2015-03-29/alyaum/178.jpg
http://www.nilemotors.net/Nile/data:...fvNcpUqA//2Q==
تويوتا كوروﻻ
ملكه السيارات في فئتها
يليها مباشره سيراتو
في رأيي المتواضع الكورولا أكثرهم اعتمادية و ديه نقطة مهمة لأي حد بيفكر يشتري عربية (في مصر) ... الفلوانس أكثرهم كماليات و أحسن عفشة و لكن أوحش سحب و تكييفها ممتاز ... الكورولا عربية overrated جداً و واخدة أكتر من حقها بكتير و ده واضح في سعرها العالي جداً و لكن سياسة السوق كدة و طول ما التجار بيقولوا أسعارهم الخيالية و في نفس الوقت بيلاقوا مشتري هيفضل سعرها عالي مع العلم إني من عشاق الكورولا لأنها عربية محترمة جداً و أحسن تكييف فيهم ... الكروز من العربيات المهدور حقها بجد لأنها عربية شكلها حلو و كمالياتها ممتازة و ثباتها معقول و لكن يعيبها توكيلها مع العلم إن سعرها ممتاز
أنا حكمي محايد جداً بدون أي تحيز لأي عربية فيهم و كلامي عن تجربة مع العلم إني ماجربتش الكروز الجديدة (2015) و لكن جربت (2014) و أعتقد الفروق بينهم طفيفة
خلاصة القول : أحسن صفقة فيهم كقيمة مقابل سعر هي الفلوانس و أحسن واحدة كسعر إعادة بيع و سرعته أكيد كورولا ... أنا لو هأشتري يبقي فلوانس و آسف للإطالة