صف تاني

**Amr_Moh** · 11-11-2008 06:38 PM

تعمل اة لو نزلت اصبح لقيت عربية اوتومتك افلا عليك؟

ما هو التصرف المحترم مع شخص غير مبالي

**dr_abooody** · 11-11-2008 10:32 PM

المشاركة الأصلية كتبت بواسطة Amr_Moh

تعمل اة لو نزلت اصبح لقيت عربية اوتومتك افلا عليك؟

ما هو التصرف المحترم مع شخص غير مبالي

العربيات الاتوماتك فيها وضع المور يعني ممكن تتزق دة لو صاحبها كان محترم و خلاها على المور اصلا

**HeMa_LanCeR** · 11-11-2008 10:36 PM

بجيب القلم الدوكو المحترم بتاعي واكتبله قصيده شكر علي الزجاج
ولو كنت مستعجل ها احركها بأي حاجه حتي لو بعربيه نقل من بتوعنا

**ZOZ** · 11-11-2008 10:39 PM

المشاركة الأصلية كتبت بواسطة dr_abooody

العربيات الاتوماتك فيها وضع المور يعني ممكن تتزق دة لو صاحبها كان محترم و خلاها على المور اصلا

يا ريت تبقى المشكله فيه حكاية ان الاتوماتك بيمور فيه عربيات اتومااتك ما ينفعش تحطها على وضع n وتشيل المفتاح لازم تحطها على p علشان تشيل المفتاح وانسى بقى الناس التانيه اللي انت راكن قدامهم صف تاني انا لو بدالك لو لقيت واحد كده اعمله اي حاجة في عربيته اخدشها احكها بحيث وديني لاحرق دمه عليها

**sherif_84** · 11-11-2008 10:54 PM

انا حصل معايا الموقف ده كنت رايح الشغل الصبح ولقيت واحد قافل عليا بعربيته ستروين اكسارا وقدامها عربية ووراها عربية يعنى من الاخر اتفقوا انى ماطلعش بعربيتى
فارحت الشغل مواصلات عشان ماتأخرش اعمل ايه بس بجد كنت متضايق جدا وقلت فى نفسى حسبى الله ونعم الوكيل

**sab3aawy** · 12-11-2008 12:20 PM

لو عربية من اللى فيها زرار يفك اللوك هكتفى بكسر القزاز الجانبى بتاعها وافك اللوك وامشيها

لو مافيهاش زرار يفك اللوك هحوال ادور على صاحب اى عربية من اللى جنبى يخرجنى وبعد ما اخرج بعربيتى من الزنقة، حسب المود باه، لو االمود كويس هاكتفى بأنى اكتب له رسالة شكر باسبراى دوكو على جنب العربية، لو مودى وحش شوية زيت موتور على الكبوت واولع له فيهم علشان ابوظله البوية بتاعة الكبوت وهو نصيبه باه،تمسك فى باقى العربية او تتلحق قبليها

**Samir Elshahawy** · 12-11-2008 02:09 PM

مرة كنت في سيتي بنك اللي في عمارات العبور و لما جيت أطلع لاقيت واحدة راكنة ورايا و قافلة عليا تماما , بصراحة اتغظت جدا بس لحسن الحظ العربية اللي جانبي صاحبها كان معايا في البنك و طلع و قدرت اطلع بعربيتي بس حاكيت لها الرفرف الخلفي بتاعها بالمصد اللي راكب علي الاكصدام بتاعي علشان اسيبلها تذكار مايتمحيش :k16: