الموضوع: لمادا لا تستطيع كل دولة طباعة ما تريد من المال

المشاركة الأصلية كتبت بواسطة forever.leo

طبعا القوة العسكرية الامريكية هي كلمة السر .. بعد الحرب العالمية الثانية اصبح الدولار عملة العالم اللي كل العملات الباقية مرتبطة بيها .. و كان وقتها الدولار مرتبط بالذهب .. فأي دولة هتقدم دولار لامريكا هتاخذ قصاده دهب .. ده لحد السبعينات بس ! .. لما نكسون غير قواعد اللعبة و كسر الارتباط بين الدولار و الذهب ! و بالتالي انهار الارتباط بالذهب عن كل عملات العالم اللي هي بالضرورة معتمدة على الدولار .. طبعا القوة العسكرية الامركية .. هي برضه اللي فرضت ان يكون الدولار هو العملة الوحيدة لبيع البترول !

ده اللى اقصده يا استاذ احمد كمال

الموضوع كان له مقياس تقدر تتعامل بيه لحد السبعينات وهو مقدار حيازه الدوله للذهب فالموضوع قبل السبعينات كانت كل دوله تشوف عندها ذهب قد ايه وتطبع بما يوازى قيمته ذهب وتتداول العملات دى جوه البلد وفى حاله التبادل التجارى كان يا يتم التبادل سلع مقابل سلع او مقابل ذهب وده كان المقياس العام للموضوع
الى ان حدث فى السبعينات عمليه نصب كبيره تم فرضها بالقوه للتأكيد على الزعامه والسياده مش بس العسكريه لا والاقتصاديه فامريكا جت فى السبعينات الغت التعامل بالذهب كمقياس للتعامل بين الدول وكقيمه لكم النقد داخل البلدان واستبدلت الذهب بعملتها الخاصه وبدأت تدى العمله دي قيمه للتبادل التجارى وبقت اساس للمعامله
وطبعا الذهب هو معدن ذا قيمه فى حد ذاته فكونه اساس للتعامل هو شئ عادل جدا ولكن بعد النصب الامريكانى وطبعا قهرا او رضاء قبول العالم بيه اصبح الدولار هو العمله الرسميه للتبادل التجارى والقروض الدوليه وده معناه ان العالم اعطى القوه لعمله ورقيه "المفترض" قيمتها داخل حدود دولتها وتحولت العمله دى لعمله ذات قيمه عالميه وبالتالى الدوله الوحيده اللى بتطبع العمله دى"صاحبه عمليه النصب" بقت عندها ميزه انها تقدر تشتري اللى هى عايزاه من اى بلد تانيه عن طريق زياده النقد بتاعها لانها المتحكم فى العمله الرئيسيه للتبادل التجارى

السؤال طيب وباقى الدول الغلبانه اللى كانت بتقيس عملتها بالذهب اخبارها ايه اقولك بقت متنيله بنيله لان التضخم بياكلها كلما اضطرت لضخ جزء جديد من نقدها وبقي لازم عليها تنتج كم كبير من المنتجات ذات القيمه مطلوبه من الخارج تستبدلها بالعمله الرئيسيه فى العالم ثم تاخد الدولار ده تشتري بيه ما ينقصها من منتجات من الخارج وهكذا وبالتالى كل الدول يقع عليها ضرر "التضخم وانهيار قيمه عملتها" لما تطبع نقد ليها جديد ما عدا امريكا كلما طبعت نقد جديد زادت قدرتها الشرائيه والسياديه بس هما بيلعبوا فى المشوار ده بالراحه علشان لو العالم تشبع من كم الدولار فيه حتبان عمليه النصب والدول تلاقى نفسها عندها كم من الدولار "الغير ذا قيمه فى حد ذاته " ملهوش لازمه فيحصل تضخم عالمى كبير وتبدأ الدول تدور على القيمه الحقيقيه "الذهب" فتلاقيه مش حيكفى احتياجاتها فينهار النظام العالمى
ومعلومه كده كنت قريتها من فتره ان مصر عنها فى البنك المركزى من ضمن الاحتياطى النقدى "الاجنبي" ما قيمته 3 مليار دولار ذهب والله اعلم من صحتها
وده فيلم وثائقى بيتكلم عن الموضوع
https://www.youtube.com/watch?v=hPkTAsJ_Ilw
وفى فيديو تانى كان بيتكلم فى موضوع نصبايه امريكا ححاول ادور عليه وانزله هنا
تحياتى .