الموضوع: لمادا لا تستطيع كل دولة طباعة ما تريد من المال

المشاركة الأصلية كتبت بواسطة karim alaa

هقولك ليه يا سيدى خلينى انا فى مصر فى 100 طن قمح و 50 طن سكر و مثلا خدمات زى كهرباء و مستشفيات بحوالى مليون جنيه و قيمه كل الى سبق ده مليار روحت طابع 100 مليار

هشترى بيهم كل الى فى السوق ة بقيت ال 99 مليار جنيه ملهومش اى حاجه تشتريهم بيها فيبقى ورق ملوش لازمه و لا قيمه له اصلا الورقه دى ملهاش قيمه لوحدها قيمتها فى السلع و الخدمات الموجوده جوه الدوله

و لو جيت تقول اشترى بيهم عملات اخرى محدش هيبعيلك عملته بورق مطبوع لانه عايز ياخد منك الجنيه و يخش مصر يشترى بيه سلع و خدمات و انت خلاص معندكش الى يكفى ده

فلو قعدنا نطبع فلوس قيمه الجنيه هتقل و ده احنا بنعمله اصلا عشان كده بقى عامل زى ال 10 قروش لانك هى هى نفس حجم السلع و الخدمات و حواليها ورق كتير مع الناس الكل بيحاول بيه يتشرى السلع و الخدمات الى هى محدوده اصلا فالنتيحه قيمه الجنيه تقل و تقل عشان كده بيطبعو بس بشويه حساب و المفروض متطبعش الا لما يزيد الانتاج القومى من سلع و خدمات تغطى الورق المطبوع

فى استثناء وحيد و شاذ هو امريكا لان الدولار لا يعود لامريكا يعنى هى بتشترى خدمه من الصين الصين بتشرى بيه خدمه من اليابان بدل متروح تشتشرى بيه من امريكا و هكذا فامريكا تطبع زى مهيا عايزه و هو اكبر سبب للتضخم فى الدول الصناعيه

و استثناء بسيط هى العملات الدوليه يورو و استرلينى و ين لان اقتصاد الدول دى ضخم جدا فتقدر تشترى عملات الدول الاخرى من غير مشاكل الى حد ما طبعا مش من غير حدود زى امريكا و لو كترو فى طباعه عملتهم و شرا عملات اخرى بيها هيروحو فى داهيه بس الى حد كبير احسن من الدول الى مش صناعيه

اتمنى اكون وصلتلك المعلومه

ده سبب استفادة امريكا من "دولرة" الاقتصاد العالمي


كل الدولارات اللي برة امريكا دي بمثابة دين على امريكا عمره ما هيتسدد

انت لو معاك 5000 دولار مثلا في مصر ....... دول لو رجعوا امريكا من حقك تشتري ما يساويهم سلع و خدمات


وبما انك مخليهم في مصر و هتبيعهم في مصر و ممكن زي ما انت شرحت تبيعهم لواجد مسافر السعودية و هو هناك يشتري بيهم من مجل حاجات و المحل يستورد من الصين و اليابان الخ الخ الخ الخ