الموضوع: تسويق وانتشار السيارات يرجع للمعرض ولا السياره !

:k20:السلام عليكم ورحمه الله وبركاته
ياجماعه ازاي العربيات بتتقيم في مصر
ازاي اقول العربيه دي حلوه او وحشه
حد يساعدني ويقنعني
يااما انا بفكر بطريقه غلط يااما في حاجه غلط في البلد دي
الموضوع باختصار
عاوز اشتري فيات لينيا 2009 اللي ب 103 الف
كل لما اسأل حد عن فيات يقولي ابعد عنها مع انه لا قعد في العربيه ولا جربها ولا اي حاجه
طيب ليه يقول كده والمشكله ان الشعب المصري غلبان والله العظيم
اول لما يقولك ابعد نبعد علي طول زي ما يكون هوا مجرب العربيه
طيب روحت معرض سيارات وخلاص انا ناوي اشتري
قالي ايه اول لما قعد
( انت ايه اللي رماك كده بس ) طبعا انا قلقت من العربيه
اسأله انت ليه مش عاجباك العربيه دي ؟
يرد يقولي قطع غيارها غاليا
سكت شويه ومن غيظي زعقت
طيب اثبتلي انها غاليا ؟
قالي عندك الالنترا
البوجيه 50
الفلتر الهوا ب 80
ومكملش الباقي ...!
قولتلو والفيات نفس السعر
ماردش عليا ( سكت )

طيب ايه تاني وحش
رد وقال اعاده البيع
قولتلو انت هاتبيع كمان قد ايه قالي مش اقل من خمس سنين
(حد عارف الغيب يمكن تغلي اوترخص )
طيب والالنترا انت ضامن انها تتباع من غير خساره ( سكت )
وبعد مقارنه طويله وفي نهايه الموضوع
لقيته رد وقالي الفيات عربيه حلوه ومحدش يقدر يتكلم عليها
والحمد لله حجزتها
طيب بالنسبه للناس اللي مش عارفه تشتري ايه تفتكروا لو سايبه دماغها لصاحب المعرض هل هتشتري حاجه عاوزاها ولا حاجه من وجهه نظر صاحب المعرض انها تناسبك
ياريت لو في اي شك في اللينيا حد يقولهولي
ونبدا نقارن مع بعض
لان للاسف اللي بيخالي العربيه كويسه في مصر هما التجار لانه بيمدح في ديه علي حساب ديه حسب الفلوس اللي طلعالو من العربيه
او عشان ياخد مثلا موزع معتمد ليها
ومن الاخر هوا مالهوش دعوه انت هتركب ايه المهم يبقي من المعرض بتاعه

واسف جدا للاطاله