سؤال مهم جدا

**خالد الشاذلى** · 25-04-2015 11:43 AM

هو الانسان ممكن ينجح فى حياته من غير جواز ؟

ممكن يعرف هو عايش ليه من غير جواز ؟

يحس بالاشباع العاطفى والعائلى من غير جواز ؟

تصوروا الحياه من غير جواز وارتباط وحب ممكن ننجح من غير ده فعلا ؟

لأن لو مفيش جواز يبقى مفيش حد هيهتم ويسألى عليك وأولاد تروح الشغل علشان تصرف عليهم وتشبع الجانب العائلى والعاطفى عندك

**7oda** · 25-04-2015 12:24 PM

للأسف طريقة التفكير ديه غلط و هتخليك تحبط كتير فى حياتك
نصيحة متربطش سعادتك بشخص او ماديات او منصب

**a raafat** · 25-04-2015 12:59 PM

هينجح وهيبقى عنده طموح يوصل بسرعه و هيحقق زاته وهيبنى نفسه ويحاول يتقدم على كل اللى معاه فى العمل وده لانه معلهوش مسئوليه ولا فيه حاجه شاغله باله ولا تفكيره بالبلدى كده دماغه فاضيه ورايقه
لكن مع كل النجاح ده هيبقى دايما حاسس ان فيه حاجه ناقصه وانه محتاج حاجه مش لاقيها
محدثكم من قلب الحدث :(

**misry** · 25-04-2015 03:49 PM

فعلا مهما نجحت هتحس ان في حاجة ناقصاك

**4fun14** · 25-04-2015 06:47 PM

الاجابه لا.. عشان اكون دقيق:صعب جدا ولازم تباه انسان مكافح بدرجه مقاتل.. وزي ماقالوا الزملاء.. هتفضل حاسس بمشكله
من قلب الحدث برضه

**Karim Alaa** · 25-04-2015 06:50 PM

انا بصراحه شايف لا هحتاج حد احس معاه بالاستقرار و الاولاد نعمه و هفضل مضغوط و مش قادر اعيش بسعاده

**أبو آسر** · 25-04-2015 07:27 PM

أعتقد الاستقرار النفسي والعاطفي والمادي أيضا بيتحقق مع الجواز (على مشاكله ومساوئه) أكتر من تحققه مع العزوبية
الموضوع بيتوقف في النهاية على شريك الحياة نفسه لأن هو اللي ممكن يساعدك على الاستقرار وهو برده اللي ممكن يعمل العكس تماما لذلك احرص على اختيار الشريك المناسب ودور كويس ولو قعدت سنين ولا تتعجل
مهما حاولت تتغاضى عن موضوع الجواز لابد وهتلاقي حاجة ناقصة ومش هتشعر بالراحة زي ما بعض الناس بيعتقد انه هيبقى حر نفسه وموراهوش التزامات ولا ارتباطات
بالعكس وجود الأولاد في حد ذاته أكبر دافع لتحقيق مزيد من النجاح في العمل وفي الحياة لأن الأعزب هيجيله وقت وهيفكر هو أنا بعمل كل ده علشان خاطر مين ؟! مين هيستفيد في النهاية بالنجاح والشقى ده لما أموت ؟
دي وجهة نظري وقد يرفضها البعض ولكني مقتنع بها