تحية لكل الجيزاوية ... على الموقف الإنساني
السلام عليكم ورحمة الله وبركاته
لظروف صحية خارجة عن ارادتي كان فيه فترة تغيب وبالصدفة كنت شفت الموضوع هنا .. وللاسف معرفتش اعلق وقتها ..
الاخ الكريم MoMO1000
نص موضوعه كان :
الحمد لله جت سليمة ... حادث بمدينة بورسعيد!!! احمدك واشكرك يا رب جت سليمة ............. زجاج خلفي وزجاج الجانب بالكامل...
واضح من كلامك في السطرين دول والي بدأت كلامك بأحمدك واشكرك يا رب .. أكيد على ان الخساير كانت في عربيتك مش فيك .. (حمد الله على السلامة)
القصة تبدا من يوم الاربعاء ليلا ... الساعه 3:30 فجرا في بورسعيد...
بعد وصولي هناك بحوالي ساعة....
كنت ماشي في شارع 23 يوليو .. واحد من اكبر واوسع وانظف الشوارع في بورسعيد.
ماشي بنغم بصوت العلبة والفلتر ومع نفسي .....
جه قدامي مطب وعندة عربيتين هوندا ...علي اليمين 98 هاتش باك حمراء الطلقة وعلي الشمال 98 كوبية فضي ... العربيتين ماشاء الله والا قوة الا بالله حاجة ولا الخيال ...كانوا ماشين مع بعض ( طلعوا قارايب )
رعشت بالنور عشان يوسعوا وعدين من بينهم .... ومن هنا ابتدي الكلام...
سمعت الرجالة سقطت غيارات ورايا وانا كنت متاكد تماما من انهم حيشدو معايا ...لان صوت العربية عندي مستفز جدا في موضوع الشد والجري ....
حضرتك كنت متأكد انهم هيشدوا معاك عشان صوت العربية بتاعتك المستفز .. فإنت لا حول لك ولا قوة عملت الي عليك ورعشت لهم وشديت .. واستفزيتهم .. قصدي العلبة الي استفزتهم .. مقدر والله يا باشا التضحية بتاعتك
واحد علي يميني واحد علي شمالي ... بدا الشد ... السرعه عدت 110 ..130....150... كلو صف واحد بالعرض...
يا ريت بس حضرتك تعرفني مكان ايه الي في شارع 23 يوليو ده الي تجيب فيه 110 130 150 والثلاث عربيات بالعرض (زيادة معرفة بس) ومتقلقش م الوصف انا بورسعيدي .. :)
فجاءة .... فيرنا تاكسي طلع من الشمال ... من ناحية السيفيك الفضي...
العبد لله في النص ... بأشد عزمي.... دوت فرامل سك... يعني بكل قوتي علي الاخر السرعة بالظبط 150 وداخلة علي 160 .....في نفس الوقت
السيفيك الفضي رمي علي يمينو وماحاولش يهدي ...طبعا انا كنت مش في النص لاني دوست فرامل .. وبالتالي رمي علي السيفيك الحمراء اللي علي يميني .... السيفيك الحمراء رمي علي يمينو برضة عشان يفادي الفضي ... لمس الرصيف رجع رمي علي شمالة ... لمس الفضي .. فجاءة العربيتين اختل توازنهم علي السرعة دي ... وعينك ما تشوف الا النور ....
أحييك على كم التركيز الرهيب ما بين الـ 150 و الـ 160 ومشاهدة الموقف والرصيف والعربية التاكسي الي كمان حددت نوعه .. والله حسيت اني تفرج على فيلم أكشن جامد جدا وحسيت بمستقبل السينما المصرية ..
العربيتين لفوا بسرعة خيالية ... وكل واحدة اتلبقت علي رصيف في صوت زي الانفجار ... وسحابة تراب رهيبة مصحوبة بصوت رهيييييييييب ....
العبد لله يا فكيك ...لان لو وقفت ممكن تحصلي مشكلة كبيرة في بلدنا الجميلة..
وبصراحه برافو عليك انك سواء غلطان او لأ انك جريت وانك كنت مشارك بجزء من الي حصل .. وعلى فكره عادى جدا انك تسيب ناس بتموت وتجري .. تصرف شجاع بصراحه
اختفيت في قرية علي البحر... اتصلت بحمادة غزي .... قالي غطي عربيتك وبكرة نشوف اية الاخبار...
الساعة كانت حوالي 4 الا حاجة بسيطة .. صوت الاسعاف والنجدة ..وانا اعصابي في رجليا ....
تقريبا مانمتش ... الصبح حاولنا نشمشم اي اخبار لكن مكنش في حاجة تقلق ....
مش عارف ازاي ميجيلكش نوم وانت ملكش ذنب في حاجه
خرجت باليل بالعربية جبت شوية حاجات وانا راجع في شارع البحر ...بدا الجزء التاني ....
اربع .. خمس ... ست عربيات ... حاصروني وقفوا قدامي ... مفيش مجال للهروووووووووووووب
شعب اتلم عليا انا واخوايا .. ( كان معايا بالصدفة البحتة)
كم بشر غير طبيعي وكلو ضرب ضرب ضرب مفيش شتيمة ....:gun_bandana:
محاولات مستميتة لانقاذ العربية من يد زغابة البشر دي .....
كن بموووووووووووت وانا بشوف الزجاج وهو بيكسر قدامي ....
والله العظيم يا جماعه انا مهما اوصف عدد البشر ... مش حقدر ...
وانا واخويا عاملين زي وائل جمعة واحمد السيد .. في محاولاتنا صد هجمات العدو....
غريبة والله .. بصراحه مش عارف ازاي ناس تعمل كده في عربيتك .. مع انك معملتش حاجه غير انك طنت طرف في مثلث تهور .. راح ضحيته عربيتين .. والاهم انك سبتهم ومشيت يعني منزلتش شتمت حد فيهم وهم مكسرين ومقلوبين ..
انا بتأسفلك بالنيابة عن الشعب البورسعيدي كله .. :K15:
لغاية الشرطة اما وصلت ... بعد ربع ساعة تقريبا ....
وهنا بدا الجزء التالت ....
طلع في محضر بالحادثة مذكور فية عربيتي انها متسببة في الحادثة...
حمادة غزي الله يباركلو دنيا واخرة ..... خلص الموضوع مع الحكومة.. جابلي نمرة العربية كانت اتسرقت في المعركة ... وساوي الموضوع مع كل الاطراف .....
والله العظيم يا جماعة انا بريء من اللي حصل للناس دي ...
يا ريت متحلفش بالله ..
وكفاية انك عارف انت عملت ايه .. زي ما كل الناس الي في بورسعيد هنا عارفين الي حصل كويس ..
انا زعلان عليهم وعلي اصابتهم الشديدة وعلي عربيتهم الجامدة ....بس انا والله مالياش ذنب ....
طبعا ملكش ذنب ..
انت مضربتش حد على ايده ..
بس فكر بس ولو للحظة لو انت مكان حد فيهم كنت تحب انه يسيبك ويمشي ولا ينزل يطمن عليك ؟؟
ولا لو كنت وقفت ونزلت تجيب الاسعاف ووقفت معاهم كان مين هيكسرلك حاجه ؟؟؟؟
وكفاية صحابهم واقارايبهم كسرولي العربية وكانوا حيموتوني ..
الحمد لله انها جت في زجاج وبس ... وربنا يحفظنا ويحفظكم ....
بس برضة لازم البورسعيدية يعرفوا ان الوحوووووووش الجيزواية مضرين بالصحة !!!!!!!!!!!!!!!
طبعا احنا عرفنا ان الوحوش الجيزاوية مضرين بالصحة فعلاااااااااااااااااااااا ااااااااااااااا ..
وعلى فكره السواقة أدب قبل أي حاجه ..
وبجد انا مستغرب انت بتتفاخر بإيه ؟؟؟ !!!!!
الحمد لله...دي صورة من الواقعه
http://img408.imageshack.us/my.php?i...7112008os9.jpg
يا ريت تكمل الالبوم عشان الذكرى الجميلة ..
واحب اشكر كل الاعضاء الي ردوا من غير ما يعرفوا ملابسات الي حصل اصلا .. وحكموا وبس .. وكمان شجعوا الاخ الكريم على تصرفه الحكيييييييييييييم النبيل
وفي النهاية احب أقولك .. انهم غلطانين زيك انهم شدوا في شارع جوا بلد مع العلم ان السرعه دي ولا تيجي جوا بورسعيد اصلا في الشارع ده .. ومع تعريض حياة ناس كتير للخطر ..
اعمل ما شئت كما تدين تدان
