الانفى: هو الوكيل مش مهتم بيها ليه ؟

حاجة غريبة انا لاحظتها في العربية الانفي انها مش متوفرة في المعارض وسعرها مش معروف ومكتوب علي كونتاكت كارز انها ب 84 والمعارض بتقول 79 او 80 ومش متوفرة كمان والوكيل لا حس ولا خبر عن العربية ولا دعاية ولا اي اعلان يتيم يوحد الله عن العربية هو ده ممكن يكون الوكيل هاينزل عربية تانية جديدة ف 2016 هو كان مهتم بال m11 و m12 اكتر من الانفي ولا هو مكتفي بالتيجو وخلاص ومش فارقة معاه الموديلات التانية ياريت لو حد عنده معلومة لاني مقبل علي الشراء ومحتار في الموضوع ده اوي ومتردد بشكل كبير ومش عاوز اجيبها وبعد كده اكتشف انها مش ماشية في السوق او موديلاها انتهي

هو مش مهتم بيها بس هو وكمان الام 11 و الام 12
اضف الى ذالك انخفاض حجم مبيعاتها لسنة 2014 نظرا لان ابو الفتوح بعد ما جمعها فى مصر لم يستطع منافسة السيارت الاخرى زى البى واى دى الارخص سعرا والايمجراند الاكثر فى المواصفات
يعنى مثلا الانفى غير مزودة بأية وسادات هوائية
كمان لحد هذه اللحظة لم يقدم منها موديل اتوماتيك
تقبل مرورى

هو مش مهتم باءي موديل
واضح انه واقع تماما
هايضيع التوكيل من ايده

أبو الفتوح على طول واقع في مشاكل قانونية وبالتالي مش متفرغ لأي تطوير أو ترويج للموديلات الموجودة.

كمان سمعت من بعض الأشخاص أن خط التجميع لإنفي متوقف من فترة وهو سبب انعدام وجود السيارات لدى الصالات وحتى التوكيل نفسه !!

كنت متوقع لها الفشل بعد ماجمعها ف مصر .. مع وجود الإيمجراند بعيوب تقفيل قليله ومواصفات ووكيل أقوى كان الحاجه الوحيده اللي ممكن أبو الفتوح ينافس بيها هو إن الإنفي مستورده .. لكن غباؤه خلاه جمعها ف مصر هي والتيجو .. والنهارده وقعت منه والتيجو كمانوقعن منه لصالح الشانجان .

انا علشان عدم الاهتمام ده بفكر في السينوفا وربنا يسهل بس انا محتار فيها وخايف وقلقان منها بس ربنا يقدر اللي فيه الخير