المشاركة الأصلية كتبت بواسطة pendodo2002
انا متفق معاك ومختلف معاك
اولا متفق معاك في اللي بتقوله ده لما يكون شركه ملهاش وجود .. شركه بير سلم بالمصري ... عربيات او لابتوبات او غيره
اما شركه كمبيوتر زي ديل او اتش بي او ايسر ليها توكيل و توكيل صيانه وضمان سنتين و احيانا تلات سنين و احيانا خمس سنين على الماذربورد...
اعتقد مفيش شركه محترمه زي ديل او غيرها عندهم غباء لدرجه انهم ينزلوا منتج هيضرب كل "شهر" زي ما بيقول الاخ صاحب الموضوع وتروح تصلح عندهم كل شوية هارد ديسك ضرب او ماذر بورد اتحرقت او غيره ... مش معقوله هيدفعوا ليك صيانه في المقابل توازي اضعاف تمن اللابتوب ... لان المستورد المصري قال لهم هاتو ابو 20 دولار ...
اخ لينا في المنتدى كان ضرب عندو الماذر بورد قبل كدا ولابتوب اتش بي و راح التوكيل غيروه ليه ببلاش ... انا ضرب عندي الادابتر و الدي في دي روم و غيروه ليا ببلاش (مع ان الادابتر خارج الضمان خصوصا في مصر)... متقنعنيش ان العالم دي بتاجر في الخساره او احنا صعبانين عليهم
ملخص اللي عايز اقوله ... كلامك صح وسليم 100% بس ينطبق على الشركات الغير معروفه (كاميرات - ام بي ثري - ام بي فور - تلفزيونات - وخلافه )... اللي ملهاش توكيل في مصر ويادوب اي واحد صاحب شركه استيراد وتصدير بيبعت يجيب منها ... ويغرق بيها العتبه ومعلهاش ضمان...
لكن لا ينطبق كلامك ده على شركه ليها سمعه عالميه و الاولى على مستوى العالم في الكمبيوترات لان الحجات دي بيكون نازل عليها ضمان لفترات طويله نسبيا بتكشف اي عيب صناعه .. خاصه كمان ان اللابتوب من ضمن الحجات اللي بتبان فيها كويس العيوب بشكل واضح وبدون شك إذا كان عيب يوزر او عيب تصنيعي
بدل ما نهاجم الصيني وخلاص نفهم الاول