كاسيت الالانترا بيفتح لوحده حد يفيدنى

**hano_elmorsy** · 11-11-2008 08:31 PM

حد يفيدنى ياجماعه انا عندى الكاسيت سىدى بيفتح ساعات لوحده فى المطبات ولو مشغل الراديو برضه فى المطبات يقوم مشغل السى دى لوحده
المشكلة انى مش على استعداد اروح لغبور تانى
ومركز خدمة المنصورة قاللى انه ممكن ياخد الكاسيت يوديه ويجيبه بعد كام يوم ايه رايكم اوديه ولا اطنش وخلاص خاصة انى مابمشيش كتير وانا قافل الكاسيت
على فكرة العربية فى الضمان عشان انا شاريها فى 7 / 2008 وعامله 10000 كم

**midnightman_74** · 11-11-2008 09:22 PM

واية اخبار العربية معاك بعد 1000 كيلو؟؟

مميزات وعيوب؟؟

**nasr-eldeen** · 11-11-2008 10:06 PM

أي حاجة تظهر في السيارة خلال فترة الضمان لا تتكاسل عن إصلاحها وخصوصاً في الكهرباء علشان الموضوع ما يكبرش ويأثر على الكمبيوتر أو أي أجزاء كهربائية أخرى .
وبعدين ناس كتير بتقول الألنترا بالذات محدش يعرف شئ عن الكهرباء فيها إلا التوكيل .
إستغل فرصة الضمان قبل ما تقول يارتني .
ده رأيي إتحمل مساوئ اليوم اللي هتشوفهم فيه أحسن ما تحس ان السيارة خنقاق بعد ذلك .
وعلى رأي المثل إللي ميرضاش بالخوخ يرضى بشرابه / ووجع ساعة ولا كل ساعة / ويا قافل السي دي ممكن يشتغل فجأة في وقت غير مناسب .

**Hassan Khalil** · 11-11-2008 10:28 PM

حيغيرهولك في التوكيل ...
لكن ..
احرص انك اول ما تستلم العربية بعد تغيير الكاسيت تاخدها تلف بيها لفة .. و تخش علي مطبات و حفر و حاجات كده ..لغاية ما تتأكد ان الكاسيت اللي خدته مظبوط .. بمعني اخر .. لاتغادر منطقة التوكيل الا لما تطمن علي الشغل ..
و متقلقش .. الموضوع ده بيحصل تقريبا لكل اللي معاهم الهيونداي .. في الكاسيت و الانذار

**eng_abdou** · 12-11-2008 10:56 PM

السلام عليكم

انا معايا نفس الكسيت فى النترا ... استلام 26/1/2008 . ولو شلت الاسطوانة منة مش هيشتغل لوحدة.
اعتقد ان دة عيب ... بس مش بيحصل كتير... زي ما انت قلت لو فى مطبات كتير او ملف جامد شوية.
شيل الاسطوانات فى حافظة احسن ليك عشان متزعلش ... ومصلحة ان الاسطوانات متشلش تراب كتير.

فى الاخر نصيحة .. ممكن واحد يفتى فيها ويبخربهولك اكتر ... ان اصدى ان مش مضمون 100%

السلام عليكم

**hshaqlouf** · 13-11-2008 05:41 PM

المشاركة الأصلية كتبت بواسطة eng_abdou

السلام عليكم

انا معايا نفس الكسيت فى النترا ... استلام 26/1/2008 . ولو شلت الاسطوانة منة مش هيشتغل لوحدة.
اعتقد ان دة عيب ... بس مش بيحصل كتير... زي ما انت قلت لو فى مطبات كتير او ملف جامد شوية.
شيل الاسطوانات فى حافظة احسن ليك عشان متزعلش ... ومصلحة ان الاسطوانات متشلش تراب كتير.

فى الاخر نصيحة .. ممكن واحد يفتى فيها ويبخربهولك اكتر ... ان اصدى ان مش مضمون 100%

السلام عليكم

والله معاك حق يلباشا وأنا عندي نفس المشكلة بس نسبة تكرارها قليلة و خايف أقول في التوكيل ليخربوه أكتر

**hano_elmorsy** · 14-11-2008 12:28 AM

بالنسبه لأداء العربيه الحمد لله ممتاز جدا ومفيش عيب ظهر الا دا وانا هاجرب اشيل السى دى من الكاسيت لما يبقى مطفى واشوف هايعمل ايه ومتشكر جدا ياجماعه على الردود