حصلى موقف غريب اوى فى لجنة من اللجان

**D . a .\ AYMAN** · 12-11-2008 01:00 AM

مافيش حاجة طبعا إسمها كده زي ما الإخوة الأعضاء قالوا قبلي

بس كمان مافيش حاجة إسمها ان الضابط يخلي الناس اللى نمرها أسود يدهنوها أبيض !!!!! .... ده بيعمل مصيبة كده ... النمر دي بيبقى لونها مثبت في الملف بتاعها في المرور لونها ايه ولو حد غيره من تلقاء نفسه بيدخل نفسه في متاعات

يعني النمر السودة مكتوب في ملفها ان هية سودة وشكلها ايه كمان .. والنمر البيضاء برضه مكتوب في الملف بتاعها انها بيضاء وشكلها ايه

الظابط ده ياإما بيستعبط أو شارب حاجة أو مش ظابط أساسا ولا الأمين كمان

وللعلم النمر السودة دي هية النمر اللى كانت في مصر زمان قبل مايطلع قرار بإلغائها وتركيب كل النمر الجديدة بيضاء وسحب كل النمر السودة القديمة وقت الترخيص ... بس هية ممكن تطلع لغاية دلوقتي بالواسطة لأن آخرها بيبقى خمس أرقام بس ومعظمها بيبقى أربعة عشان كده في ناس بتحاول تعمل أي حاجة عشان تركّبها

**Osama_soliman** · 13-11-2008 12:42 AM

عادى خالص

انت فى مصر

**kingtefa** · 13-11-2008 08:19 AM

عادى خالص

انت فى مصر

عمار يا مصر

**Mido80** · 13-11-2008 08:48 AM

المشاركة الأصلية كتبت بواسطة kingtefa

وقفنى امين شرطة فى لجنة بيقولى الرخص و دار الحوار:
هو : رخصك لو سمحت
انا : اتفضل بس ليه
هو :حمولة زيادة
انا "باستغراب":هى ميكروباص و لا نقل "طبعا فى سرى" و البشوات اللى راكبين معايا ميتين من كتر الضحك رحت نازل من العربية و قولتلهم"يلا يا واد انت و هو انزلو مش مركب حد " كده تمام يا باشا "
هو : انت بعتهم فى ثانية
انا :و ابيع تيييييييييييييييييييييييي ييييييييييييييييييييت
هو : خلاص بس متعملش كده تانى
هو يا ترى الملاكى ليها حمولة معينة زى الاجرة و لا ايه ؟
و بعدين دول صحابى و بينين اوى اننا صحاب مش مثلا شايل عيال فى مدرسة و لا حاجة
بجد البلد دى محتاجة

:k41:

بس حضرتك غلطان انك نزلتهم من العربية..انت قلت في سرك " هي ميكروباص ولا نقل" كان المفروض توجة لو هو الكلمتين دول من غير ما تنزل اصحابك لان عساكر المرور دول بيستهبلوا علي الواحد بس لما بيلاقوة ناشف وواثق من كلامة بيخاف وبيحترم نفسة. هو طبعا تلاقية كان عاوز حتة بخمسة يشتري علبة سجاير ولا غيرة بس المفروض ما يكونش دة علي حساب الناس

**crazylambada** · 13-11-2008 09:52 AM

يا باشا بيهزر معاك
عادي و بتحصل معايا
مرة الراجل بتاع كمين السلام موقفني انا بس ليه متعرفش و بيقولي الرخص
وانا كل ما اعدي على الكمين لازم يوقفوني
قولتله يا باشا هو انا شكلي مجرم و لا حاجة
فبيقولي ليه
بقوله اصل كل ما اعدي على الكمين ده لازم توقفوني العربيات اللي قبلي ل و اللي بعدي لأ
قالي اصل انتا شكلك بيبي فاس
دا غير كمين بلبيس اللي الظابط شد ودن صاحبي
ههههههههههههههههههههههههه
و قاله متعملش كده تاني و احنا ميتين على نفسينا من الضحك

**R A N A** · 13-11-2008 10:51 AM

المشاركة الأصلية كتبت بواسطة crazylambada

يا باشا بيهزر معاك
عادي و بتحصل معايا
مرة الراجل بتاع كمين السلام موقفني انا بس ليه متعرفش و بيقولي الرخص
وانا كل ما اعدي على الكمين لازم يوقفوني
قولتله يا باشا هو انا شكلي مجرم و لا حاجة
فبيقولي ليه
بقوله اصل كل ما اعدي على الكمين ده لازم توقفوني العربيات اللي قبلي ل و اللي بعدي لأ
قالي اصل انتا شكلك بيبي فاس
دا غير كمين بلبيس اللي الظابط شد ودن صاحبي
ههههههههههههههههههههههههه
و قاله متعملش كده تاني و احنا ميتين على نفسينا من الضحك

بجد بجد بجد الموقفين دول خلوني اضحك بشكل غير معقول

صراحة موقفين في الجون بجد وااللي مالوش حل فعلا لما شد ودن صاحبك دي

طب ماكان يديلة مسطرة على ايده بالمرة

متزعلش مني انا بهزر بس بجد موقفين خلوني اغير المود بتاعي فعلا

لا بجد الضباط دول عليهم شوية حركات

بس برده ياجماعة مفيش مشكلة لو جت على الهزار او الإستظراف مش مشكلة يعني مبلوعة، اهم بني ادمين برده وبيكسروا الملل بتاعهم بالحركات دي

احسن من اللي يوقفك وهو مكشر في وشك ويفضل يتلككلك على الفاضية والمليانة وبرده ولما مايلاقيش حاجة يتلككلك عليها يديك كلمتين رزلين أو يتكلم بإسلوب بايخ

.

لا بس برده حركة جامدة بتاعة صاحب الموضوع انه يقول لأصحابه انزل انت وهو ومش مركب حد، الحركة دي خلت الضابط قلب التلكيكة دي افيييه وعداه :k41:

**crazylambada** · 13-11-2008 09:20 PM

هههههههههههههههههه
يا باشا ولا يهمك
ان كان احنا استلمناه تريقة طول السكة
اصل الحكاية انه خلى واحد صاحبنا يسوق و قبل الكمين كان موقف العربية و ساق مكانه و دخل الكمين
الظابط بقى شافه و طلب رخص شواقتنا احنا الاربعة
هههههههههههههههههههههههه
و كارنيهات الكلية اصل الساعة كانت 3 الفجر
و في الاخر بقى مسك صاحبي اللي معاه الرخصة
و عمل اللي عمله
بس هو اصلا الظابط كان دمه خفيف ازي و زي العسبل
ياريت كل ظباطنا كده
لو تعرف حد في الزقازيق اسال عن ظابط اسمه احمد ابو هاشم
الظابط ده متوقع انه حيتقتل فييوم من الايام
مفيش حد بيطيقه لا سواقين و لا حتى ظباط المرور ذات نفسيهم