E Mofta7 منتج مصري من نايل موتورز لتأمين سيارتك ضد السرقه والتثبيت

**Karim_Monir** · 26-04-2015 04:51 PM

السلام عليكم ورحمه الله
اعلنا قبل كده عن اطلاق اول جهاز لتامين السيارة بضمان نايل موتورز
الحمدلله تم تجربة الجهاز على اكثر من سيارة
كما تم اضافة العديد من الخصائص المختلفة
الجهاز برمجه وتصنيع وتقفيل مصري بالكامل بانتاج مشترك بين معمل اتقان لاب ونايل موتورز
بضمان نايل موتورز واسمه

E Mofta7

الجهاز عبارة عن وحدة فصل للعربية مابتدورش الا لما تحط كارت نفس حجم البطاقة الشخصية قدام وحدة قراءة مثبتة في مكان مخفي بالعربية
تاخد اشارة وتدور غير كدة متدورش
بتركب وحدة الفصل علي طلمبة البنزين او وحدة الكهرباء الرئيسية
الاهم في الجهاز انه فيه نظام امان ضد التثبيت بالعربية
لو اتثبتت ونزلوك منها بمجرد فتح الباب هاتبطل العربية بعد دقيقتين فقط
بعد دقيقة هايديك صوت تنبيه خفيف تحط الكارت عشان لو فتحت الباب وقفلته لاي سبب
لو انت مش صاحب العربية ومحطتش الكارت هاتبطل
وتاني ميزة العربية مبتدورش طول ما في باب مفتوح نهائي
تالت ميزة ممكن توصل الجهاز علي سارينة او كلاكس السيارة لو فشل في وضع الكارت تضرب سارينة عشان تفضح السارق
التركيب اما في ورشة نايل موتورز بالحرفيين او اي كهربائي يركبهولك زيه زي اي جهاز انذار
وبضمان نايل موتورز لمدة سنة لو فيه مشكلة يتغير الجهاز
وتكويد الكروت هايكون بمعرفتنا ايضا

طريقة توصيل الجهاز

سعر الجهاز 400 جنيه شامل ضمان لمدة عام ضد عيوب الصناعه
الجهاز يمكن تركيبه علي اي سياره ومفيش تعارض بينه وبين الامبلويزر لانه مكمل للايموبلايزر
لان اهم حاجة فيه فصل السياره في حاله دورانها وسرقتها غصب عنك
الجهاز كمان بيديلك مهله 10 ثواني لو فتحت الباب وقفلته لاي سبب ميبطلش العربيه لكن لو اتفتح الباب اكتر من 10 ثواني السيستم هايشتغل

**
في ناس سالتني لما نزلنا الديمو ايه الفرق بينه وبين الجهاز الصيني اللي ب 300 جنيه
اولا ده معاه ضمان لمدة سنه ولو ضاع منك مفتاح او عايز تغير التكويد هايكون من عندنا
ثانيا والاهم دهبيفص بعد دقيقتين بس ولو فتحت لباب 10 ثواني تعمل حاجة مش هايبطل غير كدة هاتبطل العربيه
ثالثا كل مكونات الجهاز مشرينها من مواقع الكرونيات امريكي بالموصفات الامريكيه
رابعا اللي كاتب الكود مهندس زميلنا وده شرف لينا كلنا ان اخيرا مصريين قدرو يعملو حاجة
خامسا الهاز بضمان اسم نايل موتورز واول منج رسمي من نايل موتورز وانتظرونا في الجديد باذن الله
يمكن تركيب الجهاز بورشه نايل موتورز بلوك 20 الحرفيين بجوار مدرسه عمار ابن ياسر
مقابل 50 جنيه للكهربائي اللي هايركبه
تليفون محمد سراج الشخص المسئول
01003634939
تحياتي

ملحوظه :
يمكن الشحن لاي محافظة بسعر شحن ثابت 20 جنيه للقاهرة والاسكندريه
ومتغير سعر الشحن حسب بقيه المحافظات
يمكن تحويل النقود بفودافون كاش علي رقم
01015777761 وارسال الجهاز لاي مكان بعدها
الجهاز معاه طريقه التركيب وهي بسيطه جدا لاي كهربائي زيه زي اي انذار
حجم الجهاز مثالي جدا وصغير وبيتخفي ميبانش نهائي

اخر حاجة ناس كتير سالتنا لو في جراج او توكيل بيعمل صيانه الجهاز هايكون مزعج وانا مش عايز حد يعرف مكان الجهاز وطريقه تشغيل العربيه
حضرتك تقدر تعمل (ايقاف) للسيستم كله عن طريق كارت تالت لما بتحطه قدام الجهاز مره بيلغي عمل الجهاز ومره تاني يعيد تفعيله

**misoalex** · 26-04-2015 05:18 PM

مش كنت تعمله بدرى شويه قبل عيد ميلاد نايل موتورز كنت كسبت منه واحد :))

**aminibrahim** · 26-04-2015 06:03 PM

طبعا الف مبروك ودا يعتبر فحخر لينا كلنا

لكن ليا ملحوظه فترة الضمان سنه قليل مع منتج جديد زي ده والعمليه فيها تكويد وبطاقه وغيره فلو كان يبقي اطول من كده ها يدي ثقه اكتر في الجهاز

وتقبلو مني ومعذرة علي الملحوظه

**unl0veable** · 26-04-2015 06:22 PM

والله ياكريم انت فرحتني بالخبر دا

تسلم ايدين الرجاله بجد

حاولوا تظبطوا الكلام بقى لاخواتكوا فى اسكندرية

**hal71** · 26-04-2015 10:02 PM

هل يصلح هذا الجهاز لسيارة دوجان موديل 1994 و شكراً

**abo3mmar2005** · 27-04-2015 10:04 AM

الف الف مبروووك

**abo3mmar2005** · 27-04-2015 10:05 AM

عايزين مكان في اسكندريه يركب الجهاز

**Karim_Monir** · 27-04-2015 01:52 PM

المشاركة الأصلية كتبت بواسطة aminibrahim

طبعا الف مبروك ودا يعتبر فحخر لينا كلنا

لكن ليا ملحوظه فترة الضمان سنه قليل مع منتج جديد زي ده والعمليه فيها تكويد وبطاقه وغيره فلو كان يبقي اطول من كده ها يدي ثقه اكتر في الجهاز

وتقبلو مني ومعذرة علي الملحوظه

الاجهزة المماثله بدون ضمان نهائي وعشان الكلام اللي بتقوله ده عملنا الضمان سنه
ولو عايز تشتري ضمان ممتد لسنتين كمان ممكن مقابل زيادة لكن مفيش اكسسوارات لعربيات بتنزل بضمان نهائي احنا بننزله بضمان عشان ضامنين المنتج والحمد لله ولو فيه اي مشاكل فعليه هاتظهر خلال 3 شهور مش سنه
تحياتي

**Karim_Monir** · 27-04-2015 01:54 PM

بالنسبه لاسكندريه اي كهربائي يقدر يركب الجهاز زيه زي اي انذار ولو عايز دليل
عدي علي اي كهربائي قوله تعرف تركب جهاز فصل سياره هايبصلك بسخريه لانه حاجة بسيطه جدا جدا وتقدر توريله مانيوال التريكب هايقولك مش محتاجه

-

الموضوع: E Mofta7 منتج مصري من نايل موتورز لتأمين سيارتك ضد السرقه والتثبيت

LinkBack

أدوات الموضوع

عرض

E Mofta7 منتج مصري من نايل موتورز لتأمين سيارتك ضد السرقه والتثبيت - انشر الموضوع فى :

-

-

-

-

المواضيع المتشابهه

مقاس ضغط كاوتش ديجتال وشاحنusb-اول منتج من نايل موتورز

امان 1-منتج مصري من نايل موتورز لتأمين سيارتك ضد السرقه والتثبيت

لتامين العربيه ضد السرقه والتثبيت على الطرق السريعه برجاء المشاركه

ابتكار لحمايه السياره من السرقه.هديه لشباب نايل موتورز!!

الكلمات الدلالية لهذا الموضوع

المفضلات

المفضلات

ضوابط المشاركة