هل طبيعى حد يوصله احساس انه يكره والديه بسبب فقرهم و عدم اجتهادهم فى العمل مع القدرة على ذلك
هل طبيعى حد يكره والديه لأنهم سلبيين او كسالىاو محدودين الطموح او حتى جهلاء
الى اى مدى ممكن الشخص يقبل صفات سلبيه فى اهله و فى نفس الوقت يعاملهم كويس
عرض للطباعة
هل طبيعى حد يوصله احساس انه يكره والديه بسبب فقرهم و عدم اجتهادهم فى العمل مع القدرة على ذلك
هل طبيعى حد يكره والديه لأنهم سلبيين او كسالىاو محدودين الطموح او حتى جهلاء
الى اى مدى ممكن الشخص يقبل صفات سلبيه فى اهله و فى نفس الوقت يعاملهم كويس
حتى لو كانوا كفار لا يؤمنون بالله فربنا أمرنا نعاملهم بالحسنى وبالمعروف
فجواب السؤال لا طبعا مهما فعلوا فأفضالهم علينا لا ننكرها ومستحيل الموضوع يوصل إلى الكره
أيوة ممكن ننتقد حاجات وده شيء في كل البشر هما مش ملائكة واحنا برده مش ملائكة ولكن لا يصل الأمر إلى حد الكره وإلا كان عقوق
اعوذ بالله . مهما كان حب الوالدين ده فطرة طبيعية و كرههم اللي مش طبيعي . النظر في وجههم و صحبتهم بالدنيا و ما فيها. رضاهم و اسعادهم تجلب السعادة و البركة.قبل يدهم كل يوم لتبدا يومك ببركة دعاءهم. احزن عليهم اذا كانوا جهلاء او كسالي كما تقول لكن لا تكرههم !! ابدا
أدلة بر الوالدين في القرآن
في سورة الإسراء وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا
في سورة لقمان وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ
في سورة العنكبوت وَوَصَّيْنَا الْإِنْسَانَ بِوَالِدَيْهِ حُسْنًا وَإِنْ جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ
وقال النبي محمد : (من أرضى والديه فقد أرضى الله، ومن أسخط والديه فقد أسخط الله)
استعذ بالله من الشيطان الرجيم وصدقني احنا عايشين بدعاهم لينا !
العيب هو فى الشخص الذى يريد من اهله توفير الحياه المرفهه و المكانه الاجتماعيه له ...... بدون ان يتعب فى شيئ .. هذا تفكير شخص مادى و انانى
و طبعا ده موش طبيعى و طبعا ده شذوذ فى التفكير ....... و عليه ان يراجع مبادئه و فهمه للحياه و ما هو الهدف منهااقتباس:
هل طبيعى حد يكره والديه لأنهم سلبيين او كسالى او محدودين الطموح او حتى جهلاء
المعامله مع الاهل لا علاقه لها بالحب و الكرهاقتباس:
الى اى مدى ممكن الشخص يقبل صفات سلبيه فى اهله و فى نفس الوقت يعاملهم كويس
و ربنا عز و جل امرنا اننا نعاملهم كويس .. فى جميع الاحوال
كمان في سؤال
ليه الشخص اللي بيكره والديه علشان كسالى وفقراء ومش بيجتهدوا ميجتهدش هو وميبقاش كسول علشان يبقى غني ويقدر يوفرلهم حياة كريمة ويريحهم من المشقة والعناء والتعب ويريحهم في أواخر أيامهم ويردلهم جزء من جمايلهم عليه إنهم كبروه وخلوه بني آدم ومقصروش في تربيته حتى لو هو معتقد كده ؟
انا هاتكلم عن النقطة دى بالذات لانى شفتها قدامى فى اكثر من أسرة
فعلا" فيه اهل بيحبوا الراحه قوى و تلاقى الأب شغال موظف بيروح يقعد 4 ساعات فى الشغل و يرجع و قاعد قدام التليفزيون و ماسك الشيشة ولا السجاير طول اليوم و تلاقى ولاده مش لاقيين العيش الحاف او حتى لبس محترم يلبسوه.
الفكرة هنا انه مقتنع ان ده رزقه و ما بيحاولش يشوف اى مصدر رزق تانى.
لكن ارجع و اقول ان مفيش حد بيكره أهله لكن الانسان لما يكبر بيبقى حاسس ان الأهل ما عملوش اللى كان لازم يتعمل معاهم و هما صغيرين.
انا برضه شوفتها شوفت موظفين الحكومة و شوفت حتى مهندسين معندهومش نوع من الطموح و عندهم رضا شنيع عن مستواهم المادى ياسيدى مش عايز تشتغل ما تشتغلش بس ساعتها ما تخلفش عيال و تقول اجيبلكم منين .....و فى الاخر تورثهم الفقر
الفرق مش بالتعليم انا الحقيقة اعرف ناس عن قرب مهندسين و شغالين فى شركات كبيره بس مش حامل هم بكره و الى جاى على قد الى رايح و اعرف ناس فى مهن اقل من كده بكتير و عندهم طموح ا فيه بيبتدى بواب و يبقى صاحب عمارات و فيه الى معاه تعليم عالى و عايز يقعد على مكتب ياخد ملاليم و خلاص انا تستغربت لما سمعت سواق التاكسى الى متعود يوصلنى المطار كل اجازة بيقول انه بيودى ابنه الى بيدرس فى كليه الالسن كورسات فى معهد جوتة
الحقيقه فيه ناس ما بتحبش تطور نفسها عايزه تعيش و تموت على ما بدأت بيه و النوع ده من البشر مكروه لأن واحده واحده بيلاقى نفسه فى القاع
الكره و الحب مشاعر لا إرادية .. منقدرش نقولك حرام تكره والديك لكن نقدر نقولك حرام تعاملهم معاملة غير لائقة
ولكن النقطة اللي المفروض الإنسان ياخد باله منها .. هل فعلًا فيه حد بيقدر يكره والديه لأي سبب ؟
يعني لو قدر يكرهم يبقى دا حالة غريبة
عمومًا
أنا مابحترمش حد يخلف كتير وخصوصًا لو فقير لإن دا هيزيده فقر وهيخلق جيل مايعلم بيه إلا ربنا
بالحد الأقصى طفلين عشان الأم والأب يقدروا ياخدوا بالهم منهم ويعرفوا يربوهم تربية سوية
لكن واحد يخلف 5 حتى لو مقتدر جدًا مش هيلحق يدي كل واحد حقه مابالك لو فقير !
فيه ناس بتتعامل مع ولادها زي مابتتعامل مع الفراخ.
على فكرة هية دى مشكلتنا فى تفكرنا كمصريين مع بعض
احنا لازم نتعلم نحب ونكره الصفات مش الاشخاص
لان مفيش حد كامل وكل واحد فية عيوبة
متقولش انا بكره والدى عشان ولكن قول انا بكره صفة الكسل فى والدى
الفرق كبير جدا
اعمي القلب
واضح ان الاراء مختلفه و كل واحد بيتكلم من تجربته الشخصيه او وضعه الحياتى اعتقد ان الافضل حذف الموضوع
الأخ صاحب الموضوع hitman235
ردى ببساطة ايون .... نعم ..... اينعم ... ممكن الواحد يوصل لدرجة انه يكره ابوه وأمه لأى سبب مما .... ولكن لما يوصلك الأحساس ده كل ماعليك انك تستغفر ربنا ولو قدرت قوم صلى ركعتين وأفتكر أن ربنا عز وجل أمرك ببرهم حتى لو مشركيين وكمان بيأمروك أنك تكفر ....
ايوه ببساطة ممكن تكرة أبوك أو أمك ....ولكن بنفس البساطة ربك عز وجل جعل رضاهم من رضاه
الفكره انك تكره دى كلمه كبيره اوى مبا بالك بالاب والام ولكن فكره انك تشوف سلبياتهم ده شئ عادى كل شخص فى صفات جيده واخرى سيئه بس المشكله ان فى صفات بتخللى الواح مش قادر يتعايش معاها ودى بتختلف من شخص للتانى وغالبا لما اى حد يلاقى صفات فى شخص مش قادر يقبله بيها بيسيبه ولكن المشكله هنا ان الاب والام والاخ صعب جدا تسيبهم فالحل خليك فى حياتك لان طموحهم القليل ليهم وطموحك ايا كان مقياسه فهو ليك برهم واحترمهم بس خليك فى حياتك واعلم يقينا ان مستقبلك انت اللى بتعمله مش والدك او والدتك طبعا حتلاقى صعوبه اكتر من غير مساعدتهم بس دايما افتكر ان فى ناس فقدت ابوها وامها وعائلتها بالكامل ومع ذلك حققوا ذاتهم .
انا اعرف ناس بالوضع ده بيروح الشغل ساعتين ويمضي ويروح بس خد بالك ان فى صنفين من الناس دى واحد بيكون بيعمل كده وهو مبسوط جدا وسعيد كده وحد فعلا مش لاقى نفسه فى شغله وحاسس ان العمر عدى علشان يبدأ من جديد
لو الاب من الحاله الاولى ده حبه بحالته دى واتعامل معاه عادى طالما مش بيعطل طموحك ولو بيعطلك بكل احترام فهمه ان حياتك الشخصيه انت اللى بتحددها ومش حابب حد يعطلك وهو غالبا حيتقبل ده وحياتك الاسريه خليها فى حدود البر والاحترام فقط
اما لو الاب من الصنف التانى فده اعرف انه غصب عنه وضعه بل بالعكس هو نفسه يشوفك بتحقق اللى هو محققهوش ويمكن احساسك بعدم طموحه هى نفسها مشكلته ناحيتك هو شايفك بتسلك طريقه وهو مش عايزك كده فبتعلى مشكلته اكتر
اخيرا محدش يقدر يوقف طموحك الشخصى وبالتالى انت متقدرش تغير طموح حد تقبل الوضع وكمل حياتك .
تحياتى.
ابويا ولا امي عمري ما اكرههم لو فيهم ايه
يا راجل اسف في اللفظ العاهره ابنها شايفها افضل ام في الدنيا