قررت اجيب نيو لوجان و ابيع الكليو...محتاج نصايح

المدام معاها كليو موديل 2001 و بيسوقها سواق، بالرغم انها معايا من الزيرو و يدوبك عاملة 60 الف كم فقط علشان كنا مسافرين، الا انها ابتدت تتعب و تصرف قطع غيار بحكم السن + انها من ورا ضيقة و تكيفها ضعيف
فقررت من الناحية الأقتصادية و الراحة انى ابيعها و اجيب نيولوجان موديل 2015/2016 و محتاج نصائحكم:
- انا فكرت فى المانيوال لانها مع سواق، فالأتوماتيك ملهوش لازمة لانه أغلى و أعطاله أكتر من المانيوال
- بفكر فى الفئة الاولى لأن المشاوير 95% داخل الأسكندرية، فهى محتاجة قاعدة خافية واسعة و تكييف كويس و شنطة واسعة...غير كده مش هيفرق معاها حاجة
- اللون بفكر فى الأبيض أو الشامبين، هى مش عاجبها الأزرق و لا النبيتى و لا الأسود....يا ترى فيه ترشيحات أخرى؟
- أنا هحجز فى التوكيل و اعتقد الأستلام فى أغسطس، هخلى الكليو معايا لغاية ما استلم
و بالمناسبة، كليو 2001 موتور 1400 عامله 60 الف كم و الصاج بحالة جيده جداً و حالياً مفهاش اى اعطال تعمل كام
مستنى نصائحكم قبل ما احجز؟

تحياتى

لوجان تمام بس ليه حضرتك متجيبهاش اوتو و تسوقها هي اضمن من السواق
و بالنسبة للوجان الهاف ابشن بتاعتها فقيرة جدا ..

أنا لسه قاري إن رينو العالمية قررت تفتح مصنع في مصر عشان لاقت إقبل كويس في السوق المصري، رأيي لو حضرتك مش مستعجل استانة إنتاج المصنع المصري أوفرلك :))

بالنسبة للكليو أعتقد أنها ما تزيدش عن 40000-42000 لو هى تمام
ثانيا 60000 كيلو فى 15 سنة يعنى بتعمل فى حدود 4 ألاف كيلو فى السنة يبقى تمام كده أنت مش محتاج ألا اللوجان الفئة الأولى عربية واسعة من ورا و جديدة
ثالث أنا ما أعتقدش خالص أن رينو ممكن تفتح مصنع فى مصر لأسباب كتيرة قوى منها الحالة العامة للبلد و فيه مصانع قفلت زى مرسيدس مثلا

أنا أعرف واحد كان معاه الكليو ..باعها .مش أجل التجديد والتحديث ..ولإنها كانت برضه فتحت معاه في مصروف بحكم السن برضه ..إنطباعه بعد ما ركب النيو لوجان ..إنه إتصدم

اقتباس:

---

المشاركة الأصلية كتبت بواسطة m_m_sh_a

أنا أعرف واحد كان معاه الكليو ..باعها .مش أجل التجديد والتحديث ..ولإنها كانت برضه فتحت معاه في مصروف بحكم السن برضه ..إنطباعه بعد ما ركب النيو لوجان ..إنه إتصدم

---

بامانة والموضوع مش شخصي خالص ده من متابعة تعليقات حضرتك عن العربية اللوجان "حضرتك اكتر واحد كاره اللوجان في العالم :) " .... مش عارف ليه ؟!

اقتباس:

---

المشاركة الأصلية كتبت بواسطة askarfeps84

بامانة والموضوع مش شخصي خالص ده من متابعة تعليقات حضرتك عن العربية اللوجان "حضرتك اكتر واحد كاره اللوجان في العالم :) " .... مش عارف ليه ؟!

---

هو حضرتك المفروض تقول ..أكتر واحد كاره النيو لوجان ..خلي بالك من حتة النيو دي ..النيو لوجان مش اللوجان..أنا على فكره معجب جدا باللوجان القديمه ..وفكرة إنها نزلت في الأول باتنين وخمسين الف وبعدين سعرها علي لما ثبتت وجودها كانت حلوه برضه ..بس أنا بقى مشكلتي مع النيو لوجان ..طبعا هي وجهات نظر ..بس هي فعلا عربيه سعرها كتير عليها من حيث التقفيل والخامات ..عارف بتفكرني بالهيونداي i10 وبتفكرني بالألتو الجديده وبتفكرني بالتيجو ..ما دي كلها بالنسبه لي عربيات فلوسها كتير عليها ...

أتمنى بس متزعلش مني ..وتعتبر الموضوع كله رأي خاص بيا أنا بطرحه ..

اقتباس:

---

المشاركة الأصلية كتبت بواسطة m_m_sh_a

هو حضرتك المفروض تقول ..أكتر واحد كاره النيو لوجان ..خلي بالك من حتة النيو دي ..النيو لوجان مش اللوجان..أنا على فكره معجب جدا باللوجان القديمه ..وفكرة إنها نزلت في الأول باتنين وخمسين الف وبعدين سعرها علي لما ثبتت وجودها كانت حلوه برضه ..بس أنا بقى مشكلتي مع النيو لوجان ..طبعا هي وجهات نظر ..بس هي فعلا عربيه سعرها كتير عليها من حيث التقفيل والخامات ..عارف بتفكرني بالهيونداي i10 وبتفكرني بالألتو الجديده وبتفكرني بالتيجو ..ما دي كلها بالنسبه لي عربيات فلوسها كتير عليها ...

أتمنى بس متزعلش مني ..وتعتبر الموضوع كله رأي خاص بيا أنا بطرحه ..

---

طبعا ما حدش يزعل من حد أنا برضه شايف كده لكن اللوجان القديمة بمبيعاتها اللى فاقت 7 مليون عربية و يمكن أكتر و بأنتشارها على شكل نيسان أبريو و رينو لوجان و داتشيا لوجان لكن المصنع اللى طلع التصميم بتاع النيولوجان هو نفسه اللى طلع اللوجان القديمة أعتقد أنهم خفضوا التكاليف قوى مما أثر على جودة الخامات فى السيارة أنا ما بقتش عارف حاجة عايزين واحد يكون معاه الأتنين و يشوف الأتنين و يقارن بينهم فى السحب والثبات وفى الصاج ماعدا الكماليات ونشوف ساعتها علشان بيقى حكمنا تمام و أنا قلت قبل كده أن العربية اللوجان القديمة بتصميمها و بأدأئها الجيد و رخص ثمنها و أنتشار قطع غيار لها فلتة قلما تتكرر عارف لما يقوللك العربية دى علمت فى السوق أهى كده بالظبط نفس الحكاية

اقتباس:

---

المشاركة الأصلية كتبت بواسطة m_m_sh_a

هو حضرتك المفروض تقول ..أكتر واحد كاره النيو لوجان ..خلي بالك من حتة النيو دي ..النيو لوجان مش اللوجان..أنا على فكره معجب جدا باللوجان القديمه ..وفكرة إنها نزلت في الأول باتنين وخمسين الف وبعدين سعرها علي لما ثبتت وجودها كانت حلوه برضه ..بس أنا بقى مشكلتي مع النيو لوجان ..طبعا هي وجهات نظر ..بس هي فعلا عربيه سعرها كتير عليها من حيث التقفيل والخامات ..عارف بتفكرني بالهيونداي i10 وبتفكرني بالألتو الجديده وبتفكرني بالتيجو ..ما دي كلها بالنسبه لي عربيات فلوسها كتير عليها ...

أتمنى بس متزعلش مني ..وتعتبر الموضوع كله رأي خاص بيا أنا بطرحه ..

---

عجبا !
لوجان سعرها كتير على مواصفاتها !
يعني افيو ولا نيو صني ولا الريو ولا ال 301 هي اللي افضل قيمة مقابل السعر !
انا شايف انها افضل من كل دول ابشنز و سيفتي و اتساع و ارتفاع عن الارض عارف حضرتك لوجان دي عربية 2*4 متنكرة في صورة عربية سيدان ..
و الدليل على نجاحها انتشارها و مبيعاتها ...

طيب أحنا بنتكلم فى أيه ده المهندس هانى سعد كبير الريناوية كلامى أنا ومداخلتى فى هذا الموضوع لا تعنى جديد

اقتباس:

---

المشاركة الأصلية كتبت بواسطة m_sallam

عجبا !
لوجان سعرها كتير على مواصفاتها !
يعني افيو ولا نيو صني ولا الريو ولا ال 301 هي اللي افضل قيمة مقابل السعر !
انا شايف انها افضل من كل دول ابشنز و سيفتي و اتساع و ارتفاع عن الارض عارف حضرتك لوجان دي عربية 2*4 متنكرة في صورة عربية سيدان ..
و الدليل على نجاحها انتشارها و مبيعاتها ...

---

إمممممم...أكيد حضرتك بتتكلم عن اللوجان القديم مش كده ؟؟؟وبعدين كل العربيات اللي حضرتك قايل عليها فوق دي ..مفيهاش ضفيره متقفله بطريقه مش حلوه ..ومفيهاش كبوت بيضعضع لما يتسند عليه ..ومفيهاش مفصلات كابوت باينه من الجنب ..مش بقول لحضرتك ..إنت بتتكلم عن اللوجان القديمه ...

اقتباس:

---

المشاركة الأصلية كتبت بواسطة adel_edrees

طبعا ما حدش يزعل من حد أنا برضه شايف كده لكن اللوجان القديمة بمبيعاتها اللى فاقت 7 مليون عربية و يمكن أكتر و بأنتشارها على شكل نيسان أبريو و رينو لوجان و داتشيا لوجان لكن المصنع اللى طلع التصميم بتاع النيولوجان هو نفسه اللى طلع اللوجان القديمة أعتقد أنهم خفضوا التكاليف قوى مما أثر على جودة الخامات فى السيارة أنا ما بقتش عارف حاجة عايزين واحد يكون معاه الأتنين و يشوف الأتنين و يقارن بينهم فى السحب والثبات وفى الصاج ماعدا الكماليات ونشوف ساعتها علشان بيقى حكمنا تمام و أنا قلت قبل كده أن العربية اللوجان القديمة بتصميمها و بأدأئها الجيد و رخص ثمنها و أنتشار قطع غيار لها فلتة قلما تتكرر عارف لما يقوللك العربية دى علمت فى السوق أهى كده بالظبط نفس الحكاية

---

انا كان معايا 2011 فل ابشنز و دلوقتي معايا 2015 هاي لاين
الموتور هو هو اللي اتغير فيه البوابه و طلمبة المية و طلمبة الزيت و الفشة حطولها استبلايزر
التغير فقط في الشكل الخارجي و الداخلي و الاوبشنز و السيفتي
لكن للامانة تقفيل الشكل القديم افضل بس برضو كان فيها عيوب زي الباب اللي ورا شمال في كل لوجان شكل قديم لازم يتهبد عشان يتقفل و كان في زرارا في الطابلوه تحس انه راكب غلط كمان كان فيها سوء تصميم في الرفارف الخلفية كل دة اتعالج في الشكل الجديد ...

اقتباس:

---

المشاركة الأصلية كتبت بواسطة m_sallam

انا كان معايا 2011 فل ابشنز و دلوقتي معايا 2015 هاي لاين
الموتور هو هو اللي اتغير فيه البوابه و طلمبة المية و طلمبة الزيت و الفشة حطولها استبلايزر
التغير فقط في الشكل الخارجي و الداخلي و الاوبشنز و السيفتي
لكن للامانة تقفيل الشكل القديم افضل بس برضو كان فيها عيوب زي الباب اللي ورا شمال في كل لوجان شكل قديم لازم يتهبد عشان يتقفل و كان في زرارا في الطابلوه تحس انه راكب غلط كمان كان فيها سوء تصميم في الرفارف الخلفية كل دة اتعالج في الشكل الجديد ...

---

يعنى حضرتك كان معاك الأتنين ممتاز جدا أحنا مش حنسيبك النهارده غير لما نعرف الثبات لمصلحة مين
أنت قلت التقفيل للقديمة أحسن و الجديدة بعد ما حطولها الأستبليزر بقت أكثر ثبات و المهم ان العيوب اللى حضرتك ذكرتها لاتؤثر على العربية و على سيرها غير كده فى سؤال مهم جدا الفرامل فرقت أد أيه بعد الأيه بى أس

اقتباس:

---

المشاركة الأصلية كتبت بواسطة m_m_sh_a

إمممممم...أكيد حضرتك بتتكلم عن اللوجان القديم مش كده ؟؟؟...

---

لا يا باشا والله بتكلم على الشكل الجديد انا جابب الهاي لاين مانيوال ب 101 بالاوفر برايس فيها 2 اير باجز و abs - bas و مالتي فاكشن و نفيجيشن و سينسور بارك و اوتو لوك و مثبت و محدد سرعة و كمبيوتر رحلات و تكيف اوتو و تاتش و جنوط و مرايات فيها اشارات و كهربه و فيها سخانات كمان كل دة مش موجود في الريو مع انها مانيوال عاملة 117 و مفيهاش اي سيفتي و كذلك اكسنت ار بي و مش موجود في الافيو مع ان سعرها مانيوال وصل ل 95 الف
ولا موجود في الجراند اي تن اللي بتبدأ من 97 الف مانيوال و عندك كمان اوبشنز مش موجوظ في ال 301 مع ان سعرها 119 مانيوال و كمان مش موجود في النيو صني اللي بتبدأ من 107 مانيوال فين بقى اللي غالية علة امكانياتها !
حضرتك فيرنا مانيوال بتعمل 86 الف دلوقتي !

اقتباس:

---

المشاركة الأصلية كتبت بواسطة adel_edrees

يعنى حضرتك كان معاك الأتنين ممتاز جدا أحنا مش حنسيبك النهارده غير لما نعرف الثبات لمصلحة مين
أنت قلت التقفيل للقديمة أحسن و الجديدة بعد ما حطولها الأستبليزر بقت أكثر ثبات و المهم ان العيوب اللى حضرتك ذكرتها لاتؤثر على العربية و على سيرها غير كده فى سؤال مهم جدا الفرامل فرقت أد أيه بعد الأيه بى أس

---

شوف حضرتك الثبات مفرقش كتير اوي
لكن الفرامل فرقت كتير و للعلم تيل و طنابير مختلفين في الشكل القديم كانت الفرامل بتزحلق في الرمال او المياه خصوصا ان نوعية الكاوتش متوسطة و ليس جديد
شكل جديد نفس الكاوتش الباروم بس ما شاء الله تبارك الله ممتازة و مش بتزحف نهاااااءي و في المناورات رااااءعة بمعنى الكلمة
كمان في ناس بتقول ان شكل قديم كان تكيفها اقوى انا مش ملاحظ كدة ال 2 زي بعض
بالنسبة للتقفيل في ناس ظهر عندها مشكلة في علبة الدركسيون و توكيل بيغيرها مجانا انا عندي عيب صناعة فردي في ارضية العربية مش موجود عند حق و التوكيل هبغير الارضية isa و بعت يجيبلي ارضية كاملة من فرنسا
كمان مشكلة تأخير الدوارة اتحل خلاص بالسوفت الجديد

اقتباس:

---

المشاركة الأصلية كتبت بواسطة m_sallam

لا يا باشا والله بتكلم على الشكل الجديد انا جابب الهاي لاين مانيوال ب 101 بالاوفر برايس فيها 2 اير باجز و abs - bas و مالتي فاكشن و نفيجيشن و سينسور بارك و اوتو لوك و مثبت و محدد سرعة و كمبيوتر رحلات و تكيف اوتو و تاتش و جنوط و مرايات فيها اشارات و كهربه و فيها سخانات كمان كل دة مش موجود في الريو مع انها مانيوال عاملة 117 و مفيهاش اي سيفتي و كذلك اكسنت ار بي و مش موجود في الافيو مع ان سعرها مانيوال وصل ل 95 الف
ولا موجود في الجراند اي تن اللي بتبدأ من 97 الف مانيوال و عندك كمان اوبشنز مش موجوظ في ال 301 مع ان سعرها 119 مانيوال و كمان مش موجود في النيو صني اللي بتبدأ من 107 مانيوال فين بقى اللي غالية علة امكانياتها !
حضرتك فيرنا مانيوال بتعمل 86 الف دلوقتي !

---

الثبات يا عمنا أخباره أيه

اقتباس:

---

المشاركة الأصلية كتبت بواسطة m_sallam

شوف حضرتك الثبات مفرقش كتير اوي
لكن الفرامل فرقت كتير و للعلم تيل و طنابير مختلفين في الشكل القديم كانت الفرامل بتزحلق في الرمال او المياه خصوصا ان نوعية الكاوتش متوسطة و ليس جديد
شكل جديد نفس الكاوتش الباروم بس ما شاء الله تبارك الله ممتازة و مش بتزحف نهاااااءي و في المناورات رااااءعة بمعنى الكلمة
كمان في ناس بتقول ان شكل قديم كان تكيفها اقوى انا مش ملاحظ كدة ال 2 زي بعض
بالنسبة للتقفيل في ناس ظهر عندها مشكلة في علبة الدركسيون و توكيل بيغيرها مجانا انا عندي عيب صناعة فردي في ارضية العربية مش موجود عند حق و التوكيل هبغير الارضية isa و بعت يجيبلي ارضية كاملة من فرنسا
كمان مشكلة تأخير الدوارة اتحل خلاص بالسوفت الجديد

---

تسلم ياباشا الله ينور عليك

اقتباس:

---

المشاركة الأصلية كتبت بواسطة adel_edrees

الثبات يا عمنا أخباره أيه

---

ثبات بصراحة بعد ال 130 بحس ان الهواء بيلعب بالسقف شوية بس مش في كل الاوقات و للعلم نفس الاحساس موجود لما بسوق الالنترا ال 2008 ..

اقتباس:

---

المشاركة الأصلية كتبت بواسطة m_sallam

ثبات بصراحة بعد ال 130 بحس ان الهواء بيلعب بالسقف شوية بس مش في كل الاوقات و للعلم نفس الاحساس موجود لما بسوق الالنترا ال 2008 ..

---

بس ده مش موجود فى اللوجان القديمة

اقتباس:

---

المشاركة الأصلية كتبت بواسطة adel_edrees

بس ده مش موجود فى اللوجان القديمة

---

لا كنت ساعات بحسه في الشكل القديم عشان للهواء بيبقى شديد ساعتها بس و على العموم كتر خيرها بالارتفاع دة و تبقى ثابتة بالشكل دة عندك نيو صني و افيو ثباتهم اقل كمات الفيرنا قريبة من الارض و ثباتها اقل فكتر خير لوجات يعني

اقتباس:

---

المشاركة الأصلية كتبت بواسطة m_m_sh_a

إمممممم...أكيد حضرتك بتتكلم عن اللوجان القديم مش كده ؟؟؟وبعدين كل العربيات اللي حضرتك قايل عليها فوق دي ..مفيهاش ضفيره متقفله بطريقه مش حلوه ..ومفيهاش كبوت بيضعضع لما يتسند عليه ..ومفيهاش مفصلات كابوت باينه من الجنب ..مش بقول لحضرتك ..إنت بتتكلم عن اللوجان القديمه ...

---

لا يا باشا 301 نفس النظام الكنترول مش متغطي و للتوكيل لسة عالج المشكلة قريبا جدا و قام بوضع غطاء للكنترول و شانجان sc35 نفس النظام برضو و شوف تمنها كام ! و للعلم في اعضاء قعدوا مع مسؤل رينو مصر و اتكلموا في النقطة دي و يارب التوكيل يستجيب و يعملها جراب ..
بالنسبة لمفصلة الكابوت يا ريت حضرتك تقولي ايه اضرارها او مأثرة على العربية بالسلب ازاي و للعلم شكل قديم نفس المفصلة مش متغطية ...

و بعدين حضرتك مسكت في المفصلة و الكنترول و سايب المصفحة اللي تحت الموتور هاتلي عربية في دول موتورها مصفح من الاسفل بالكامل حتى الفتيس زي اللوجان ! لا ريو ولا اكسنت ولا نيو صني ولا افيو فيهم !

أشكر الأعضاء المحترمين كلهم على هذه المشاركة المثمرة سواء بالنقض او المدح لأن كله هدفه الإفادة
أنا هفكر معاكم بصوت عالى شوية لو سمحتولى
أنا يهمنى فى العربية الجديدة الأتى:
- الشكل لأن للأسف شكل اللوجان القديم مش مميز على عكس شكل النيو لوجان بتوحى على طول بتصميم جديد و عصرى و نفس شكل الشبك الجديد المعتمد من رينو مع البادج الكبير المميز فى الوسط، طبعاً المدام مش قابلة خالص الشكل القديم لكنها معجبة بشكل النيو لوجان
- الميزانية المرصودة للسيارة 100 ألف جنيه
- أنا راجل بتاع تصليح توكيل و قطع غيار أصلية و فاتورٍة و دماغ مرتاحة، طيب إيه السيارات المتاحة فى نفس هذه الشريحة السعرية: فرنا و أفيو و لانوس و طبعاً مفيش أى وجه مقارنة ما بينهم و ما بين النيو لوجان سواء كعربية او شكل او أوبشن او توكيل بتعامل معاه من 2001.....إذاً نوع العربية محسوم بالنسبة لى
- أنا عايش فى مصر و ده سعر العربيات فيها حتى لو المفروض يكون سعر النيولوجان نصف هذا السعر، للأسف ده واقع يجب أن نتعايش معاه، و فى ضوء هذا الواقع تتفوق النيولوجان سعراً و إمكانيات ده إذا كنت عايز أشترى و أركب السنة دى، إيه ممكن يحصل بعد كده ده فى علم الله سبحانه و تعالى
- العربية دى عربية إقتصادية و تستهدف الدول النامية زى مصر و البرازيل و الهند و روسيا، لو بصتلها على هذا الأساس هتنبسط منها جداً إنما لو قارنتها بالفلوانس اللى معايا هزعل منها قوى و أنا بصراحة بقارنها بفئتها و شايف أنها أحسن قيمة مقابل المال فى ضؤ السيارات المتاحة الأقل من 100 ألف جنيه
- عملية التغيير هتفدنى بالأتى: الإرتقاء بالموديل 15 سنة للأمام و ده معناه كل الأجزاء حديثه و لها عمر أفتراضى أطول، عربية أوسع من الخلف، تكييف أقوى بكتير من الكليو و ضمان 3 سنوات مش هتدفع فيهم غير الصيانات الدورية و توفير تمن قطع الغيار و الصيانات للكليو فى تمن شراء النيولوجان و دول اكتر حاجات تهمنى، أما ثباتها فوق ال 130 فده شىء لا يهمنى لأن العربية مخصصة لمشاوير داخل البلد و فى السفر تستخدم الفلوانس كبديل أثبت و أأمن.
- أنا هدرس العربية و هفصصها بشكل جيد جداً قريباً قبل الإقدام على الشراء و هشاركم بإنطباعاتى، عملية تعويج الكابوت إذا حدثت من ارتطام الهواء بالسيارة على سرعات تعتبر عيب أما التعويج نتيجة أن حد قعد عليه او داس عليه او خلافه فده لا يعيبه لانه غير مصمم لكده و لا يتم اختباره لتحمل شخص يجلس فوقه او شىء ثقيل يرتطم به من أعلى.....يعنى لما صندوق يقع من فوق على عربية فرنا و نفس الصندوق يقع على عربية نيولوجان و الاقى الأضرار فى النيولوجان أكثر، ده لا يعنى أبداً أنها عربية أوحش....لأن الكبوت مش من مواصفاته انه يتحمل صدمات رأسية، و يبقى فرق التصميم بين السيارتين هو المقياس و ليس الجودة ( طول مساحة الكبوت و أماكن الأعصاب فيه و خلافه.....)
- فيه غلطات تقفيل ده أكيد و فيه عيوب تصميم برده وارد و لكن أشياء لا تغير قرارك بالشراء و انت و شطارتك مع التوكيل تكتشف الحاجات دى فى فترة الضمان و تغيرها لو امكن و تكون مبسوط من العربية
- العربية اللوجان/النيولوجان عامله زى طابع البوسطه فى سعرها، و ماسكه سعر بيع ممتاز....كمكنه و فتيس هما بتوع الميجان i و دول مفيهمش غلطة، كعفشة و إرتفاع ممتاز....بأكد اللوجان أحسن عربية بسعرها

أخيراً عايز حد يأكد لى هل اول فئة مانيوال فيها فرامل abs و لا لأ؟
و مساعدات بالنسبة للألوان المتاحة

تحياتى

ماشاء الله يااستاذ/هانى--كلام موضوعى اوافقك عليه تماما---ردا على استفسارك بخصوصabsفى الفئة الاولى مانيوال--الجواب لاتوجد ولكن موجودة فى كل فئات الاتوماتيك ---اما اللون فهى مسالة اذواق-لكن افضل النبيتى والابيض والازرق---نصيحة اخيرة--خليك فى الاتوماتيك افضل من كل النواحى(بالمناسبة انا حاجز الفئة الاولى اتوماتيك لون نبيتى بعد التغيير من شامبين) وبالتوفيق

اقتباس:

---

المشاركة الأصلية كتبت بواسطة Hany Saad

أشكر الأعضاء المحترمين كلهم على هذه المشاركة المثمرة سواء بالنقض او المدح لأن كله هدفه الإفادة
أنا هفكر معاكم بصوت عالى شوية لو سمحتولى
أنا يهمنى فى العربية الجديدة الأتى:
- الشكل لأن للأسف شكل اللوجان القديم مش مميز على عكس شكل النيو لوجان بتوحى على طول بتصميم جديد و عصرى و نفس شكل الشبك الجديد المعتمد من رينو مع البادج الكبير المميز فى الوسط، طبعاً المدام مش قابلة خالص الشكل القديم لكنها معجبة بشكل النيو لوجان
- الميزانية المرصودة للسيارة 100 ألف جنيه
- أنا راجل بتاع تصليح توكيل و قطع غيار أصلية و فاتورٍة و دماغ مرتاحة، طيب إيه السيارات المتاحة فى نفس هذه الشريحة السعرية: فرنا و أفيو و لانوس و طبعاً مفيش أى وجه مقارنة ما بينهم و ما بين النيو لوجان سواء كعربية او شكل او أوبشن او توكيل بتعامل معاه من 2001.....إذاً نوع العربية محسوم بالنسبة لى
- أنا عايش فى مصر و ده سعر العربيات فيها حتى لو المفروض يكون سعر النيولوجان نصف هذا السعر، للأسف ده واقع يجب أن نتعايش معاه، و فى ضوء هذا الواقع تتفوق النيولوجان سعراً و إمكانيات ده إذا كنت عايز أشترى و أركب السنة دى، إيه ممكن يحصل بعد كده ده فى علم الله سبحانه و تعالى
- العربية دى عربية إقتصادية و تستهدف الدول النامية زى مصر و البرازيل و الهند و روسيا، لو بصتلها على هذا الأساس هتنبسط منها جداً إنما لو قارنتها بالفلوانس اللى معايا هزعل منها قوى و أنا بصراحة بقارنها بفئتها و شايف أنها أحسن قيمة مقابل المال فى ضؤ السيارات المتاحة الأقل من 100 ألف جنيه
- عملية التغيير هتفدنى بالأتى: الإرتقاء بالموديل 15 سنة للأمام و ده معناه كل الأجزاء حديثه و لها عمر أفتراضى أطول، عربية أوسع من الخلف، تكييف أقوى بكتير من الكليو و ضمان 3 سنوات مش هتدفع فيهم غير الصيانات الدورية و توفير تمن قطع الغيار و الصيانات للكليو فى تمن شراء النيولوجان و دول اكتر حاجات تهمنى، أما ثباتها فوق ال 130 فده شىء لا يهمنى لأن العربية مخصصة لمشاوير داخل البلد و فى السفر تستخدم الفلوانس كبديل أثبت و أأمن.
- أنا هدرس العربية و هفصصها بشكل جيد جداً قريباً قبل الإقدام على الشراء و هشاركم بإنطباعاتى، عملية تعويج الكابوت إذا حدثت من ارتطام الهواء بالسيارة على سرعات تعتبر عيب أما التعويج نتيجة أن حد قعد عليه او داس عليه او خلافه فده لا يعيبه لانه غير مصمم لكده و لا يتم اختباره لتحمل شخص يجلس فوقه او شىء ثقيل يرتطم به من أعلى.....يعنى لما صندوق يقع من فوق على عربية فرنا و نفس الصندوق يقع على عربية نيولوجان و الاقى الأضرار فى النيولوجان أكثر، ده لا يعنى أبداً أنها عربية أوحش....لأن الكبوت مش من مواصفاته انه يتحمل صدمات رأسية، و يبقى فرق التصميم بين السيارتين هو المقياس و ليس الجودة ( طول مساحة الكبوت و أماكن الأعصاب فيه و خلافه.....)
- فيه غلطات تقفيل ده أكيد و فيه عيوب تصميم برده وارد و لكن أشياء لا تغير قرارك بالشراء و انت و شطارتك مع التوكيل تكتشف الحاجات دى فى فترة الضمان و تغيرها لو امكن و تكون مبسوط من العربية
- العربية اللوجان/النيولوجان عامله زى طابع البوسطه فى سعرها، و ماسكه سعر بيع ممتاز....كمكنه و فتيس هما بتوع الميجان i و دول مفيهمش غلطة، كعفشة و إرتفاع ممتاز....بأكد اللوجان أحسن عربية بسعرها

أخيراً عايز حد يأكد لى هل اول فئة مانيوال فيها فرامل abs و لا لأ؟
و مساعدات بالنسبة للألوان المتاحة

تحياتى

---

كلام حضرتك تمام وفعلا اللوجان حتى لو فيها عيوب هيه الأفضل فى العربيات فى نفس الفئه السعريه و ال Abs بتبدأ فى الفئه التالته مانيول انا معايا التانيه وبصراحه العربيه حلوه جدا وما شفتش فيها اى مشاكل الحمد لله حتى لو ظهر مشكله التوكيل بيتعامل معاها ودا اهم شئ

حضرتك لميت مشاركات الأعضاء كلهم في كلمتين ..وواضح إن حضرتك لميت الدنيا كلها بخصوص اللوجان .إن كان كده ..طبعا قرار حضرتك يرجعلك

ممكن حد مجرب النيو لوجان يقولنا اخبار العزل ايه وصوت الموتور ولو الفتيس بينتش فى الغيارات ولو ليه اى صوت وهل صوت الموتور بيعلى عاوى على السرعات ؟
وشكرا