الموضوع: حسبي الله وهو نعم الوكيل

مش كان يقدر يحذرك زى ما بنشوف من الادارة بالاحمر
و لا هو بيعمل حظر و خلاص عشان يبقى بيشتغل
و موضوع العربية اللى بتشخر انا كنت قرفان منه جدا و بالذات بعد التعليقات الكتير
و تلاقيه هيعملى حظر انا كمان عشان رديت
و مشكلتك يو ما قرتها انا زعلت جدا عشانك و الله

وكان لسه فيه صديق بدا يتواصل معايا راح شاطب حتي رد الصديق

انا اللى رديت على موضوعك ..

و انا كمان اخذت اسبوع وقف بسبب ردى على سؤالك !! ؟؟ و انا حتى اصلا موش كاتب الموضوع !! مجرد رديت بس على الموضوع !!

انا قدمت شكوى للاداره .. و محدش رد علي فيها الى الان

و لا حتى ظهرت فى قسم الشكاوى ؟؟ ما اعرفشى وصلت لهم و لا ضاعت فى الطريق ؟؟

انا عضو جديد و لا اعرف الاجراءات .. بس قدمت الشكوى على هيئه موضوع جديد فى قسم الشكاوى

و فى انتظار رد من الاداره .. الشكوى بتاريخ 20 \ 4 \ 2015

اللى حصل معاك ده غريب جداً جداً بصراحة المهم لازم الاول تشوف سبب وصول المية للفتيس ايه وتعالجه انما هتفضل تحط زيت وتغير مش حل ابداً طبعاً شوف ميكانيكى تاني يكون خبرة ف فتيس النوبيرا بالذات يشوفلك التسريب ده منين

المشاركة الأصلية كتبت بواسطة dbabis8

مش كان يقدر يحذرك زى ما بنشوف من الادارة بالاحمر
و لا هو بيعمل حظر و خلاص عشان يبقى بيشتغل
و موضوع العربية اللى بتشخر انا كنت قرفان منه جدا و بالذات بعد التعليقات الكتير
و تلاقيه هيعملى حظر انا كمان عشان رديت
و مشكلتك يو ما قرتها انا زعلت جدا عشانك و الله

الصديق dbabis8

اولا اشكرك لشعورك والصراحه انا فوجئت ان حضرتك قريت موضوعي لانه ملحقتش
اعرف رائ اصدقاء كتير في مشكلتي هو بس الصديق tasaka اللي لحقني وكان زي القشايه
اللي كنت متعلق بيها وياعيني هو كمان خد اسبوع ايقاف
وعلي رايك كان شطب واحد من المشاركه وساب لي التاني اقدر اتواصل مع
الاصدقاء فيه .. لكن ها تقول ايه الواحد مايقدرش يفتح بقه هنا في المندي حتي لو اعترضت
باحترام وده حقك تتوقف نهائي وتخسر اصقاء مخلصين هنا
اشكرك مره تانيه

المشاركة الأصلية كتبت بواسطة tasaka

انا اللى رديت على موضوعك ..
و انا كمان اخذت اسبوع وقف بسبب ردى على سؤالك !! ؟؟ و انا حتى اصلا موش كاتب الموضوع !! مجرد رديت بس على الموضوع !!
انا قدمت شكوى للاداره .. و محدش رد علي فيها الى الان
و لا حتى ظهرت فى قسم الشكاوى ؟؟ ما اعرفشى وصلت لهم و لا ضاعت فى الطريق ؟؟
انا عضو جديد و لا اعرف الاجراءات .. بس قدمت الشكوى على هيئه موضوع جديد فى قسم الشكاوى
و فى انتظار رد من الاداره .. الشكوى بتاريخ 20 \ 4 \ 2015

الصديق tasaka

الحمد لله اني لقيتك انا قعدت ادور علي اي موضوع ليك علشان اكملك اللي حصلي
وعرفتش اوصلك والحمد الله علشان انا نيتي خالصه لقيت حضرتك لانه كان مهم اني
الاقيك. ..
اولا انا اسف جدا لانك اتوقفت بسببي معلش ماينوب المخلص الا تقطيع هدومه
ارجوك تقبل اعتذاري...

ثانيا: اديني فرصه بس الاول ارد علي الاصدقاء اللي بعتولي وها اوافيك بكل اللي
عملته في العربيه الاسبوع اللي فات بالتفصيل الممل في رد منفصل

ثالثا: ها ستاذنك انه حضرتك تروح للبريد بتاعك هتلاقي الرد اللي انت كتبته لي
في الموضوع اللي اتشطب في الرساله اللي المراقب اياه بعتهالك علشان
يقول لك سبب الوقف ايه من فضلك اعمل كوبي لردك وحطه هنا وان شاء الله
تكمل هنا في قسم الدايو هنا فيه مراقبين مخهم كبير ..
واسف مره تانيه علي ايقافك

المشاركة الأصلية كتبت بواسطة ahmed_moeaz

اللى حصل معاك ده غريب جداً جداً بصراحة المهم لازم الاول تشوف سبب وصول المية للفتيس ايه وتعالجه انما هتفضل تحط زيت وتغير مش حل ابداً طبعاً شوف ميكانيكى تاني يكون خبرة ف فتيس النوبيرا بالذات يشوفلك التسريب ده منين

الصديق ahmed moeaz

اشكر ليك مداخلتك
لغايه دلوقتي انا مش عارف سبب اللي حصل وايه اللي خلي
سربنتينه التبريد اللي في الردياتير تضرب وتبهدل الدنيا وها تستغرب لو عرفت انه عربيتي
ما بستخدمهاش كتير ومحافظ عليها جدا ...هو بس زيت الاوتوماتيك مغيرتوش خالص
لانهم في التوكيل مرضيوش يغيروه ابدا ...

المشاركة الأصلية كتبت بواسطة pepo2011

هارد عليك وامري لله حتي لو عملي حظر لان دا واجبنا اننا نساعد بعض
طالما عمل طحينة لازم تغسل الفتيس ودورة التبريد كلها لانه مهما نزل الزيت القديم بيبقي في باقي من الطحينة في اماكن في الدورة لازم غسيل دورة بزيت عادي تمشي ببيه 1 كم مثلا حتي مش موبيل طبعا اي حاجة رخيصة امشي بيها كيلة وارجع فضيه تاني وتغسل دورة الميه طبعا بس الاهم انك تعرف السبب وتعالجة عشان مايتكررش تاني
وبعدين تحط تاني زيت رخيص وتجرب بيه مشوار اطول شوية 5 كيلو مثلا وتقرص عليه وبعدين تشوفه لو تمام ومفيش طحينة يبقي تنزله وتحط الموبيل وانت مطمن لو طحن تاني يبقي لسة عندك مشكلة لازم تتحل ولو احتجت اي حاجة كلمني علي طول وتحت امرك اي وقت والله المستعان

الصديق pepo2011

تعرف انك خلتني اضحك وانا في ازمتي دي لما قريت اللي انت كاتبه

(هارد عليك وامري لله حتي لو عملي حظر )

انا افتكر ساعتها الفيلم بتاع يوسف وهبي وعماد حمدي ومديخه يسري والبنت اللي شايله قزازه الدوا.... الفيلم اللي التلفزيون ديما يجيبه في عيد الشرطه
بتاع ياحمد اوعي تشرب من القزازه.. الزجاجه فيها سم قاتل
اانت اديتني فكره هاعمل اعلان فوق الموضوع
الي الاصدقاء ...الموضوع بتاعي فيه سم قاتل ...اياك والمشاركه ... اللي ها يشارك ها يتوقف
اسبوع...
اشكرك جدا لعرضك الكريم بالمساعده وتابع معايا اللي انا عملته علشان
اققدر استفيد من خبرتك وشايلك لعوزه ها كلمك طبعا...

...