ذي العنوان لو مسافر دوله عربيه و زميل طلب منك تجيب معاك شنطه فيها لحوم و مجمدات هل تخدها و لا ترفض بطريقه كويسه؟ طبعا المواقف دي بتحصل كتير و احنا مسافرين.
طبعا الموضوع عادي لو حد قريبك جدا وانت عارفه كويس لكن السؤال لو زميل ليك في الشغل بتعمل ايه؟
عرض للطباعة
ذي العنوان لو مسافر دوله عربيه و زميل طلب منك تجيب معاك شنطه فيها لحوم و مجمدات هل تخدها و لا ترفض بطريقه كويسه؟ طبعا المواقف دي بتحصل كتير و احنا مسافرين.
طبعا الموضوع عادي لو حد قريبك جدا وانت عارفه كويس لكن السؤال لو زميل ليك في الشغل بتعمل ايه؟
لو هتضايقني أو هتحملني فوق طاقتي أو هتسببلي مشاكل هعتذر بطريقة لطيفة
لو لأ ف ليه لأ
لازم افتحها و اشوف اللي فيها و لو هو مش موافق يتفلق
و بعض الدول العربية ممنوع دخول الطيور فيها ..... اتاكد ممنوع و لا لأ
الاهم من كل ده ..... هو ليه لسه فيه ناس عايشة في جو ان الدول العربية دي صحرا و مفيهاش اكل؟؟؟؟؟؟ ما فيها لحمة و فراخ و كل حاجة ......
اعتذر بطريقة لطيفة لو فيها اى ممنوعات تبقى مشكلة
دلوقتي انا كنت بعمل سيرش علي النت اشوف اذا كان الحجات دي ممنوعه لقيت مواضيع كتير عن تهريب حشيش وترمادول داخل اللحوم المجمده و ناس كتير اتقبض عليها بسبب المواضيع دي و هي بريئه قلقت بصراحه... بعدين دي لحوم مجمده يعني حتي لو فتحت الشنطه مش حعرف لو كان في حاجه متخبيه جوا اللحوم لانها مجمده، و مش حتبان الا علي جهاز ال x-ray ايه الجو الرعب ده! انا عايز ارفض و في نفس الوقت محرج جدا لانها لناس خدموني كذا مره و ناس كويسه طبعا مش بتاعه الكلام ده بس انا مقلق من اللي قريته فبرجاء النصيحه
تقريبا الطيور ممنوعة مستوية فما بالك بالمجمدة
ثانيا مش هتقدر تطلع بيها الطيارة فلازم هتحطها في وسط شنطتك وهي مجمدة فهتبوظلك حاجتك في الشنطة تماما وده لو معاك مكان ووزن أصلا..
هو بصراحة فيه فرق بين لحوم مصر ولحوم الدول العربية
وطبعا فيه طيور في مصر مش موجودة في الدول العربية بس مش متأكد لأني مش كييف
ولكن محبكتش يعني...لما ينزل أجازة يبقى يجيب وياكل اللي هو عايزه وخلاص الأجازة قربت أهي ومادام حاجة مش ضرورية بلاش أحسن
قوله إنك بحثت لقيت إن فيها مشاكل وبيهربوا فيها مخدرات فبيشتبهوا في أي حد مسافر بيها
وإن مش معاك وزن كفاية ومش هتقدر تطلع بيها الطيارة (أعتقد مش هيطلعوها أصلا لأن السوائل ممنوعة ودي ممكن تسيح وتعمل سوائل وبتوع مطار مصر ميتوصوش)
وقوله كمان إن الطيور بتتمسك في مطار الدولة العربية لو مستوية وبتترمي في الزبالة لأن ممنوع دخولها
اقسم بالله الموضوع دا حصل ادامى
واحد صحبي مراته جاية المملكة لجوزها .. فاواحد من بلده قال لمراته معلش هبعت معاكى شنطة صغيرة فيها سوداني مش متقشر
وهى جايبه معاها سوداني لبيتها ونفس الحجم ونفس الكمية ونفس الشنطة بالظبط
المهم لما وصلت المملكة وعدت من المطار وتمام .. بعد فترة صاحبي دا بعد السوداني المطلوب للناس اللى مبعوتلهم وتمام خلص لخبطة بين الكيسين
وهوا جايبلي شوية سوداني ناكلهم مع بعض السوداني متعبي (( ترامادوووووووووووووووول )) مسكناه قشرناه بحاله طلعنا خمسين 50 حباية او اكتر .. بقينا نحمد ربنا إن مراته ما إاتمسكتش فى المطار .. كانت هتبقي قضية مخدرات وقتى
ومن ساعتها مافيش حاجة لابعتها ولا اجيب حاجة من مصر مع حد
و اساسا معلش يعني هو مفيش لحمة و فراخ في البلد اللي حضرتك رايحه ؟؟؟؟؟
و لو فيه و اغلى ؟ اغلى بكام يعني؟
هيافة المصريين دي بتفقعني ......... يبعت يجيب شنطة لحمة و فراخ من مصر عشان في الاخر يوفر 100 ريال و لا 100 درهم !!!
لو حاجة بسيطة ووزن خفيف ماشي. لو كتير مش هتكسف اقوله لااااااااا زي ماهو ماتكسفش علي دمه
إيه جو عدم الثقه والسابنس اللي بقى مالي عقول الناس ده ................بصراحه ..معاكوا حق ..أنا لو مكانكوا كلكوا كده ..مش هفكر غير زيكوا برضه ..بس برضه يا جماعة ..هي العملية تقدير ..يعني لما يبقى واحد مثلا صاحبي ..كنا شغالين مع بعض في مصر في مكان واحد قبل ما نسافر وسافرنا وإشتغلنا مع بعض بره ..أو مثلا واحد إتعرفت عليه بره وطلع بلدياتي ..مثلا إسكندراني زيي..أو مثلا طلع من حي شبرا زيي ..مثلا يعني ..والراجل وهو نازل ياما شالني ..وهو راجع ياما شالني ..وبعدين صاحب المشاركه بيقول يا ما خدموه ..متهيألي يعني دي المفروض يبقى فيها حتة تقدير شويه لصاحبه ..وياسيدي ممكن مثلا يتفق معاه يقوله بص ..إنت آخرك معايا مثلا حاجه تعملها بتاع خمسة كيلوا كده ..آه ..وأبص عليها بنفسي .آه ..وممكن يكون الكلام في سياق هزار وضحك ..هي بصراحه حاجه ترجع لتقديره بقى للراجل ده ..أكيد يعني صاحبه اللي شغال معاه بره عارف نظام المطار بيسمح بدخول الطيور ولا لأ ..مش شغال معاه في نفس البلد ..وممكن يكون صاحبه ده شاله برضه في حاجات أكل كان جايبها معاه من مصر ..أنا طبعا معرفش الناس أو صاحبه اللي هو بيتكلم عليه ده شاله في إيه ..بس هي برضه ترجعله هو ..هو يقدرها كده ويشوف
ارفض باي طريقه ,بعض الدول تمنع دخول مأكولات وممكن يتفرض غرامه او انذار .متعرفش كويس اوي اوي ايه في الشنطه ومش هتعرف ,فيه حاجات مبيكشفهاش غير سكانر .واحد سعودي ظريف طالب بعت لفة بمب في شنطة زميله ورطته .ناس بتبعت ادويه ممنوعه ومتعرفش وكل دا لسه في حسني النيه ما بالك بالممنوعات .اجراءات المطارات اتغيرت .متورطش نفسك شنطته يصرف فيها
لو إستثنينا الشكوك أساسًا دا تصرف مش طبيعي
الواحد في السفر يخليه خفيف بقدر الإمكان هاند باك فيها أهم المهم والضروري من اللبس اللي بتدخل الطيارة .. لو مفيش أسرة معاه
وكل حاجة موجودة فأي مكان فيه بشر
وشوف سياسة الدولة اللي هتروحها نظامها إيه
فيه تشديد على المأكولات وخصوصًا اللحوم ولو تم السماح بيكون بكميات محددة
و الطبيعي الشخص مابياخدش أكل معاه وهوا مسافر حتى لنفسه
فلو مقدرتش تقولهم لاء ومحرج جدًا ممكن تاخدها منهم وتسيبها وتقولهم أخدوها في المطار أو منعوها ولما تروح جيب لقريبهم هدية تساويها من اللحوم
إعرف أنواعها و وزنها وتمنها وجيبله زيها وزيد
لكن ماتخدش الشنطة دي معاك تحت أي سبب
واحد اعرفه و مراته مسافر امريكا و نظرا لطول الرحلة و الترانزيت كانوا واخدين 4 سندوتشات و علبة عصير و الراجل نسى يكتبهم فى الاستمارة بتاعت الاكل و الادوية
كانت قصة و حكاية . و دى حاجتهم و سندوتشات مش لحمة و فراخ و كمان مش بتوعك
زى ماقلك الزميل المحترم ياترفض يا تجيب زيهم هناك
متشكر يا جماعه لكل واحد شارك برايه ... المفروض الناس تبعت حاجات مهمه مش لحوم مجمده و انا كنت حرفض من الاول بس قلت اخد راي الزملا الاول و واضح ان في اجماع علي ان الصح الرفض
طيب ايه الطريقه اللي ارفض بيها باسلوب كويس علما بان مش حينفع اقول معايا وزن زياده لان هو قالي حيدفعلي اي extra charge علي الوزن الزايد لو فيه
دي تشكك جدا بصراحة ...... مين هيدفع 150 دولار عشان يوصل شوية لحمة و فراخ !!! الخليج مليان لحمة و فراخ على كل شكل و لون و حتى لو اغلى مش هتبقى اغلى بالفرق ده
باقول لك ايه ..... قول له انا سالت في البلد هناك و قالوا لي بيعملوا مشاكل عالحاجات دي و انا راجل باخاف من المشاكل و عايز امشي جنب الحيط
لو قاوح اعتذر و اقفل
لو حتى هيزعل ........ احسن ما انت اللي تزعل أوي في الاخر .......
اولا بقا ممنوع دخول اللحوم ودة تجارب من ناس كتير وهتترمى فى زبالة المطار
ثانيا الخليج فى اكل وربنا
وبعدان الواحد يطلب شوية مش او فطير انما لحوم وانت عايش فى الخليج !
انا كمغترب اكتر حاجة باطلبها من اي حد (احيانا و بعض الحاجات دي مش كلها مع بعض)
1- اتنين كيلو لب و يشتريه هو بمعرفته عشان يبقى مطمئن من اي مقلة جنب بيته
2- دوا يكون غالي جدا برة بس مش جدول (مثال : مضاد حيوي مثلا زي الاوجمنتين بيتباع هنا ب 4 اضعاف سعره في مصر) و برضه باقول له اشتريه انت من العزبي او اي اجزخانة ديليفيري عالبيت ما تنزلش تجيبه
الخ ..... انما شنطة لحمة و فراخ دي اوفر اوي !!!!!!!
ا
انا بفترض ان الناس اللى اعرفها مش هتأذينى وتبعت ممنوعات والكلام ده بس بصراحه الطلب بايخ..هرفض بطريقه لطيفة
زيك بالظبط وبجيب للناس نفس الحاجات دي للي يطلب
الجديد بقى لقيت في الإمارات العيش المصري اللي كنت مفتقده جدا بس طبعا أحلى كمان من المصري ومبقتش أجيب الشامي ده خالص...مخابز مصرية بتعمله مع إني عشان أجيبه بروح مشوار 80 كيلو رايح راجع وبحطه في الفريز اسبوع او اتنين
ولقيت سمك مشوي كمان بلطي وبوري ونفس المشوار
الغريبة إني عرفت الحاجات دي بعد 4 سنين...الواحد لسه بيتعلم ويكتشف
ارفض بالطبع بأسلوب لبق ،،
ههههههههههههههههه
مفيش فايده معاهم .... الناس بيسافروا الى الخليج ومعاهم اللحوم والفراخ والبط والوز والحمام والبصل والتوم والمانجا والفطير وقرص الجبنة الرومى العسل الاسود والعسل الابيض والفسيخ والرنجه والمحشى واللب والسودانى .......... الخ وبيدفعوا طبعا وزن زائد
بحس انهم رايحين الصومال مش الخليج
وغالبا بيعدوا عادى فى المطارات مفيش مشكلة
المشكلة كانت ايام فوبيا انفلونزا الطيور فقط