صيانة الـ 5000 كم, + استفسارات

**Delli7** · 27-04-2015 02:52 AM

السلام عليكم,

الحمد لله عديت الـ 5000 كم,
تقريا داخل علي 6000 كم

فهل في مشكلة اني متأخر علي الصيانة؟
و هم هيعملو ايه بالظبط في صيانة الـ 5000 كم؟

---
استفسارات اضافية:

1. موضوع نقل الغيارات, مفروض انقل لما الـ rpm يوصل كام ؟
يعني مثلا ماشي علي التاني, انقل علي التالت لما الـ rpm يكون علي كام بحيث اني احافظ علي اداء الموتور ؟

2. موضوع غسيل العربية, هل فيه مشكلة علي الصاج او لون العربية ولا عادي؟

3. محتاج اغير كاسيت العربية, في انواع ايه تكون افضل منه و اسعارها معقولة ؟

تحياتي

**Delli7** · 28-04-2015 01:41 AM

???

**bassemali** · 28-04-2015 03:22 AM

إن شاء الله مافيش مشكله لو إتاخرت عن الصيانه بس يفضل إنك تلتزم بيها ف مواعيدها عشان لو ظهرت مشكله لاقدر الله تحتاج تدخل التوكيل مايبقاش ليهم عندك حاجه .. ثانيا الإيمجراند قريبه قوي لعربيتي ال 516 عشان تعرف تستفيد بعزم العربيه إنقل على 3.5 أر بي إم او أعلى شويه .. لكن ماتنقلش زي العربيات القديمه على 2 أو 2.5 هتلاقي سحبها ضعيف والموتور يكركر .. أما موضوع الغسيل فيفضل إنك تغسل العربيه في مغسله محترمه وإبعد عن فوطة البواب إو الفوط الزفره عموما لإنها بتنفخ البويه .. الكاسيت بصراحه ماقدرش أفيدك فيه لإني ماغيرتش كاسيت اللإسبرانزا بس كنت جايب لعربيت الكيا قبلها كينوود وقعد فيها سنين ممتاااااااااااااز وبدون أي مشاكل .

**Delli7** · 03-05-2015 01:30 AM

شكرا لردك,

بخصوص غسيل العربية,
مفروض اغسلها كل قد ايه ؟
و في حد قالي علي غسيل كيماوي, بيقول بيرجع العربية بالكامل اكنها لسة جديدة زيرو,
ايه رأيك فيه؟

بخصوص الكاسيت,
محتاج كاسيت يكون بشاشة ظريفة كدة و يكون بيشغل الفلاشات مباشرة بدون سلك,
لو حضرك او اي حد من الزملا يقدر يفيدني عن الانواع المتاحة و اسعارها

تحياتي

**bassemali** · 03-05-2015 02:48 AM

الغسيل الكيماوي مش على طول لإنه بيضر الفرش على المدى البعيد .. الغسيل الكيماوي ده انا عن نفسي عملته بعد سنتين ونص من شرا العربيه ..وخلي بالك كمان إنه بحوالي 150 جنيه .. خليك مع الغسيل العادي بجانب محافظتك على العربيه وإنت بتستخدمها .. ويفضل العربيه تتغسل كل شهرين ماعدا في الشتا عشان الميه والطين وكده يبقى كل شهر مره كويس غير كده خلي البواب يطوقها لك كل يوم الصبح بالفوطه الصفرا(قطن نظيف تمنها حوالي 10 جنيه ) وأبتعد تماما تماما عن فوطة البواب أو الفوطه الزفره .. أما الكاسيت فزي ماقولتلك انا جربت الكينوود فقط وكان ممتاز .. عربيتي الإسبرانزا بكاسيت الفابريقه وراضي عنه جدا .