الموضوع: هل هناك نزول فى سعر السيارات بسبب الازمة العالمية

المشاركة الأصلية كتبت بواسطة pendodo2002

بس نزول اسعار ... مفـــــــــــــــــيش

انا عايز حضرتك تقرا اللينك ده..بالنسبة لسكودا
http://www.radio.cz/en/article/109675

اللينك مكتوب فيه ان سكودا نزلوا اسعار موديلاتهم 20000 كرونا يعني حوالي 4700 جنيه عشان يسايروا الاوضاع في اروبا

في مصر بيقولوا احنا اخر عربة في القطار واللي بتكون اقل تأثراً بالتصادم يعني بالعربي بيقولوا هنغلي يعني هنغلي والعالم اللي برا دول يولعوا ومالناش دعوة بيهم واحنا كل حاجة عندنا تمام، وفي رأي الشخصي التجار في مصر بيلعبوا قمار خاسر ومعتقدين انهم ممكن يتحملوا شوية بطئ في السوق ولا يستجيبوا لمتغيرات السوق العالمي عشان تخفيض الأسعار حيكون فيه تقليل هامش ربح (وليس خسائر خدوا بالكم) ولكن سيفاجئوا ان الاسعار في مصر أصبحت بفرق كبير وواضح بينها وبين الأسعار العالمية (اللي احنا كل يوم بنسمع عنها) وانهم مضطرين يخفضوا تخفيضات كبيرة عشان يرجعوا يشتغلوا تاني وساعتها هتكون الخسائر الفعلية غير مسبوقة.

ودي عادتنا في مصر ان احنا منتحركش إلا لما الدنيا تبلبل فوق رؤوسنا، يعني الفهلوه المصرية ممتدة لكل شيء.

فقط الشركات الذكية زي أوبل وفيات وسكودا واللي عندهم إدارة صح عرفوا انهم لو ابتدوا تقليل الأسعار من الآن سيكون التأثير عليهم اكثر اعتدالاً من الشركات الغبية الأخرى اللي مازالت بتعافر وانهم سيستطيعوا البقاء في السوق برغم من كل الصعوبات.

قيمة اسهم الشركات الكبيرة بتنهار في البورصات العالمية

شوفو سعر سهم العظيمة تويوتا:


شوفو العظيمة نيسان:


شوفوا العظيمة جنرال موتورز:


فولفو:



ودي مجرد امثلة، واحنا قاعدين....

يا جماعة خلينا موضوعيين وخلينا واقعيين، طول عمرنا مقلدين وليس لدينا شيء اسمه اقتصاد منظم أو محصن للأزمات ولولاش ربنا سبحانه وتعالى اختص مصر بالذكر في كتابه وبرحمته كان زمانا زي الدول الأفريقية اللي فيها مجاعات وحروب عرقيه.

ومش عايز أكون بكرر نفسي بس تأكدوا ان اي ارتفاع في الأسعار سيصيبنا في بيوتنا وسيؤثر على سعر الطعام وقطع الغيار والكهرباء والمياه والصحة والدواء والانتقالات والمصنعيات، وخلي بالكم انه اساسا 60% من الشعب المصري يعني أكثر من 52 مليون مصري تحت خط الفقر وان اي اي طفرة في بيع السايرات دي طفره كاذبة واحنا احوالنا متحسنتش فعلياً دي كلها فلوس بنوك وقروض وديون وفوائد.

انا مش بطالب بتخفيض أسعار السيارات وبس، لأ ده لازم كل حاجه تنزل عشان الناس تعرف تعيش ويخف الضغط النفسي والعبء اللي على كل رب أسره المطحون في مواصلات وكسوة ومدارس وأكل وشرب وعلاج ودروس ولازم نبطل أنانية ونفكر في الجار والأخ وزميل العمل والمفتقر للموارد في أي حته في مصر ومنخليش امتلاكنا للسيارات والموبيايلات 3.7G ينسينا نفسنا.

يا جماعة انا اسف والله بس مش فاهم كل ما حد يجيب سيرة تخفيض أسعار كأنه بيتكلم في حاجة عيب ولا حرام مع انه دي حاجة المفروض اننا كلنا نسعى ليها.

أنا عندي سيارتين وقيمتهم السوقية النهارده خسرانه حوالي 12ألف جنيه ومش زعلان وربنا معوض.

اللهم اصلح حال مصر ... اللهم آمين.

الاسعار ممكن تنزل في حالة واحدة او حالتين انهيار اسعار العملات الاجنبية كالدولار واليورو والين اليباني او ارتفاع قيمة الجنيه وده مستحيل طبعا و الحالة التانية والمستحيلة بردو ان الجمارك تتخفض علي السيارات وده مش هيحصل لانها مورد اساسي لخزينة الدولة يبقي العربيات ترخص اذاي معتقدش اننا ذي البلاد المنتجة البتخفض

الاسعار ممكن تنزل في حالة واحدة او حالتين انهيار اسعار العملات الاجنبية كالدولار واليورو والين اليباني او ارتفاع قيمة الجنيه وده مستحيل طبعا و الحالة التانية والمستحيلة بردو ان الجمارك تتخفض علي السيارات وده مش هيحصل لانها مورد اساسي لخزينة الدولة يبقي العربيات ترخص اذاي معتقدش اننا ذي البلاد المنتجة البتخفض قيمة المنتج احنا بنفوق عليها اننا مستوردين والمستورد محكوم بسعر الدولار وقيمة الجمارك لكن الممكن يحصل حالة ركود هتجبر التوكيلات وصالات السيارات علي تخفيض قيمة هامش الربح واعتقد انه ده تائثيره ضعيف يعني ممكن الف او الفين للعلم التويوتا الياريس زادت عشر الاف بسبب ارتفاع الين الاوكتافيا زادت 1500 جنيه بالرغم من انخفاض اليورو

الكلام السابق صحيح وهذا الكلام عقلانى وانا بستغرب على صاحبنا اللى بيقلى
عشرومييت الف مرة ان الاسعار مش هتنزل وكأن لو نزلت الاسعار هو هينضر
ولكن يا اصحابى المؤشرات كلها تتجة الى انخفاض الاسعار وهيكون فى اول
ثلاثة شهور من السنة الجديدة هو صحيح ان الامريكان متفائلين باوباما بل
كل العالم ولكن اصلاح الاقتصاد العالمى مش هيكون فى يوم واحد على الاقل
نكون احنا اشترينا عربية فارهة بسعر رخيص وشكرا

[quote=shankosi;514553]
قيمة اسهم الشركات الكبيرة بتنهار في البورصات العالمية

شوفو سعر سهم العظيمة تويوتا:

بس خلى بالك اوى
ممكن الاسهم اللى نازله دى تطلع فى ثانيه
واسعار العملات مجنونه
زى الين كده ولا ايه
وبعدين ما تحكمش على الموضوع من منظور سعرى
اقرا الوضع الاقتصادى واربط عناصره مع بعض
ده برنانك بس لو اشار لخفض سعر الفائده - وحصلت مليون مره - العمليه تقلب
180 درجه