عرض للطباعة
سلام عليكم ورحمة الله وبركاته
باختصار علشان وقتكم ... الحمد لله على كل حال العربية الفلوينس عندي حصلت لها حادثة ورجاء المساعدة في الاماكن اللي ممكن اجيب منها قطع الغيار وياريت مكان مركز صيانة محترم اعمل فيه العربية ... وياريت كبداية حد يعرفني ازاي ارفع صور العربيه على الموقع علشان تقدروا تفيدوني في تقييم الاضرار .. وشكرا مقدما
تحديد الاضرار بالصور مش هايبقى دقيق
يعني الصورة هاتبين الاجزاء الخارجية : الصاج , اكصدام , رفارف اه ولا لأ , كبوت اه ولا لأ , كاوتش اه ولا لأ , فوانيس اه ولا لأ , لو الاكصدام الامامي متشال هايبان سربنتينة التكييف , لو العربية بطنها على الارض يبقى فيه كلام في مقص واحد على الاقل
لكن ده مش بيبين كل حاجة , لازم المعاينة المباشرة
ممكن حضرتك تتواصل معايا على الخاص , اظن و الله اعلم ممكن ادل حضرتك على مكان تجيب منه قطع غيار اصلية او ماركات محترمة بأسعار احسن من التوكيل
فى القاضى اللى فالحرفيين
ممكن تجيب من عنده استيراد...ناس محترمة وأسعارة كويسة
وفى المصطفى اللى فى صقر قريش......بس ابتدى بالقاضى أفضل
الف شكر للاهتمام يا جماعه
ا . تامر للاسف مش ح اعرف اتواصل معاك على الخاص علشان مشاركاتي اقل من 50 :)
ياريت لوتقدر تبلغني بالمعلومات يبقى كتر الف خيرك
وشكرا yalahwy2010
شكرا للكل
بس ولو من باب الفضول ازاي ارفع صور في موضوع؟؟؟:,:
طب هابعت انا لحضرتكاقتباس:
المشاركة الأصلية كتبت بواسطة mado-301
ا. تامر .................... ياباشا الف شكر على الاهتمام
وانا لحد دلوقتي ما اشتغلتش في العربيه ولا قررت ح اعملها فين علشان كدا لوتعرف مكان كويس خاصة في شغل السمكرة يبقى كتر خيرك
واكيد بإذن الله لما تتحدد الحاجات المحتاج ليها ح اتواصل معاك
وان كان ظاهريا بالنسبة لي في حاجات عرفت احددها لو تقدر تستفسر عنها او تدلني على الراجل استفسر انا يبقى كتر خير
اكصدام امامي كامل بكل مشتملاته (حوالي 13 قطعه )
فانوس امامي يمين - فوج (نور شبورة) يمين
صدادة الحديد خلف الاكصدام
طقم تبريد كامل
صدر
طارة (دركسيون بالبلونة ومفجر الحزام الطقم على بعضه بيجي مع بعض)
والف الف شكر لللاهتمام
العربية الشكل القديم ... والف شكر
تقدر تشرفنا في ورشه نايل موتورز في الحرفيين وعملنا فلوينس كتير وحاجتها فعلا موجودة في الحرفيين كتير
https://www.facebook.com/media/set/?...2387279&type=3
https://www.facebook.com/media/set/?...2387279&type=3
https://www.facebook.com/media/set/?...2387279&type=3
https://www.facebook.com/media/set/?...2387279&type=3
https://www.facebook.com/media/set/?...2387279&type=3
https://www.facebook.com/groups/295578580457513/photos/
دي مجرد عينات من شغلنا وتقدر تشوف اللي موجود عالطبيعه بيتم فيه ايه
وده موقع الرفع بتاع نايل موتورز اللي ترفع عليه الصور
مركز تحميل نايل موتورز
أ. كريم
شاكر جدا للاهتمام يا باشا
اكيد طبعا ورشة نايل موتورز في بالي من الاول لكن الواحد بياخد انطباع الناس اللي معانا علشان نوصل لافضل حل
وشكرا علشان موقع الرفع:grin02:
هو مبدئيا الاجزاء الخارجية يستحب انها تتجاب استيراد لأنه المفروض بيبقى ارخص من الجديد الاصلي و في نفس الوقت بيقضي نفس الغرضاقتباس:
المشاركة الأصلية كتبت بواسطة mado-301
عموما الطارة و الحزام و الكبسولة و الصدر و الصدادة مش هايبقوا موجودين جديد اصلا
و الاكصدام و الفانوس و طقم التبريد مفروض هايبقوا استيراد ارخص من اللي موجود جديد اصلي , و الحاجات دي يستحب تبقى اصلي فالاستيراد لو موجود هو افضل اختيار , عموما هاحاول اعرف لك اسعار الجديد ايه و ايه موجود اصلا للعلم بس حتى :)
تعبك معايا يا تامر باشا
باستثناء الطارة ومستلزماتها باقي الحاجات كلها موجودة جديد واستيراد والجديد في منه اصلي وتايواني او صيني