| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 5 من 5

  1. #1

    الصورة الرمزية TIMODAX

    رقم العضوية : 3442

    تاريخ التسجيل : 27Nov2007

    المشاركات : 361

    النوع : ذكر

    الاقامة : cairo

    السيارة: logan

    السيارة[2]: lada

    دراجة بخارية: لا يوجد

    الحالة : TIMODAX غير متواجد حالياً

    افتراضي التخسيس عن طريق الجراحه - Facebook Twitter whatsapp انشر الموضوع فى :

    hasad">

    السلام عليكم
    أنا تخين أوي عديت 180كيلوجرام و طولي 175 و سني 34 سنه متجوز و أعول
    و كنت ابتديت أروح الجيم بعد كام مره ضهري وجعني من عند القطنيه
    دكتور العظام حولني علي أخصائي العلاج الطبيعي المهم بأعمل عليه جلسات كماده سخنه و موجات وأشعه بس مافيش فايده.. عدي أسبوعين و مافيش تقدم ومابقاتش أقدر أمشي خمس دقايق علي بعض
    كل دكتور يقولي لازم تخس بالعمليه بتاعه البالونه في المعده اتنين قالولي كده لأني ماباستمرش علي ريجيم أكتر من أسبوعين
    بس أنا خايف من العمليات عموما ومن البنج خصوصا .. ايه خطوره البنج عليا
    هل صحيح مادام مافيش مشاكل في القلب و السكر يبقا تمام أتكل علي الله ولا ممكن يحصل مضاعفات
    حد عنده تجارب في الموضوع ده و يعرف دكاتره كويسين في القاهره و يتقوا ربنا في شغلهم ولو عندكم فكره عن أسعار العمليه عموما و لو حد عملها ممكن أتواصل معاه أسأله كام سؤال .
    هل بيجوعوا بعدها ؟
    هل صحيح بيعملوا عمليه بعدها يشيلوا البالونه.؟؟؟؟

    Our deepest fear is not that we are inadequate. Our deepest fear is that we are powerful beyond measure.


  2. #2

    الصورة الرمزية ali ashraf

    رقم العضوية : 162614

    تاريخ التسجيل : 13Jul2014

    المشاركات : 1,144

    النوع : ذكر

    الاقامة : القاهرة

    السيارة: نيسان صنى

    السيارة[2]: بيجو 508

    الحالة : ali ashraf غير متواجد حالياً

    افتراضي شافاك الله و عافك -

    بالسلامة و الخير و العافية ان شاء الله , الى ان يرد عليك شخص تعامل مع البالون بالمعدة يمكنك ان تدخل على جوجل و يو تيوب و تكتب بالعربى بالون المعدة و ستجد الكثير من المعلومات المفيدة ان شاء الله .


  3. #3

    الصورة الرمزية زوزو جبران

    رقم العضوية : 176199

    تاريخ التسجيل : 03Jun2015

    المشاركات : 1

    النوع : انثى

    الاقامة : الأردن

    السيارة: تويوتا كورولا

    السيارة[2]: bmw

    الحالة : زوزو جبران غير متواجد حالياً

    افتراضي -

    التخسيس بطرق طبيعية أفضل جرب هذا الرجيم:
    انا كيف - رجيم د. فادي .. اخسر من 20- 35 كيلو في 4 اسابيع


  4. #4

    الصورة الرمزية amr011111

    رقم العضوية : 92982

    تاريخ التسجيل : 31Mar2011

    المشاركات : 3,749

    النوع : ذكر

    الاقامة : Cairo

    السيارة: Fiat

    السيارة[2]: Fiat

    دراجة بخارية: لا

    الحالة : amr011111 غير متواجد حالياً

    افتراضي -

    بالنسبه للعمليات فيه عمليه بالون المعده وديه ميزتها انها بتتشال بعد فتره
    فيه عمليه تانيه ناس بتعملها وخست فوق الـ 90 كيلو اسمها تكميم المعده وهى عباره ان الدكتور بيشيل جزء كبير من المعده بس انا بصراحه مش بفضل ده
    اسعار العمليات اخر استهبال تكميم المعده بـ 35 الف جنيه

    لا اله إلا الله محمدُ رسول الله


  5. #5

    الصورة الرمزية egyplan

    رقم العضوية : 176105

    تاريخ التسجيل : 01Jun2015

    المشاركات : 248

    النوع : ذكر

    الاقامة : مصر

    السيارة: سكودا

    السيارة[2]: فيات

    الحالة : egyplan غير متواجد حالياً

    افتراضي -

    hasad">

    انا اعرف شخص كان زمان عمل عملية تدبيس المعدة ووزنه نزل جامد
    العملية دى بتتوصف للناس اللى وزنهم عدى رقم كبير فى معدل ال bim اى ان وزنه زائد عن حد معين وفقا لجدول يوضح العلاقة بين الطول والاوزن (دور عليه على النت وانت تعرف)
    فهى حل سريع لانقاص الوزن نظرا لصعوبة انقاصة طبيعى وانقاذ الشخص من الاثار المحتملة المترتبة على السمنه
    المهم فى الموضوع انك تقرء عنه كتير وتقرء تجارب الناس اللى عملت الموضوع ده وهتلاقيها مغرقة النت وتعرف منهم افضل الداكاترة واسعار العمليات وخلافة
    الموضوع مش صعب
    حاول تركز على موضوع البالونه ده افضل من عملة قطع جزء من المعدة لان مخاطرة اكبر
    لكن لاقدر الله لو عملية البالنونه فشلت هتشيل البالونه بعملية بسيطة

    نصيحة :

    نظام غذائى + رياضة = تخسيس
    التخسيس ده مش بيحصل فى شهر واتنين ده نظام بيبتدى يعطيك النتائج بعد سته اشهر على الاقل
    والرياضة مش معنها جيم وشيل حديد والكلام ده
    الرياضة معناها مشي سريع لمدة نصف ساعة فقط خمس مرات اسبوعيا
    ولازم تحرض على شرب 8 اكواب مياة يوميا لانها تزيد من معدل حرق الدهون وتخلص الجسم من السموم
    ولازم تحرص على عدم شرب المياة الغازية واكل الحلويات وعدم الاكل بعد الساعة 7 مساءا وتنام الساعة 10 - 11 مساءا
    ولازم تاكل سمك مشوى على الاقل ثلاث مرات اسبوعيا ولا تاكل اى نشويات مع بعضها (لاتاكل رز مع مكرونة او مع خبز فى نفس الوجبة وكمية النشويات تكون قليلة ربع طبق رز)
    لاتاكل ابدا اى دهون حيوانية مثل جلد الفراخ او دهون اللحوم وخلافة
    لاتاكل اى اكلات كنتاكى وماكدونلدز وخلافة لانها بها طاقة عالية جدا وتتخن جامد جدا
    كل خضار وسلطة وفاكة زى مانت عاوز ماعدا ( البلح والخوخ وكل الفواكه زات السكريات العالية)
    لاتاكل الجزر والطماطم لا الطماطم تحبس السوائل فى الجسم والجزر يبطئ من عمل حرق الدهون
    كل كل يوم 2 الى اربع اكواب زبادى خالى الدسم

    القاعدة الذهبية : (الرجيم مش معناه تجوع - لو الجسم جاع هيحوش الاكل فى صوة دهون وهتتخن)
    لذلك..............
    لازم تاكل خمس وجبات يوميا ( ايوه خمس وجبات ) لكن الشرط انهم يكونوا فى مواعيد ثابته يوميا وبين كل وجبة والاخرى 3 ساعات
    ولابد شرط اساسى ان وجبه الفطار تكون كويسة لانها الاهم طوال
    الفطار مثلا الساعة 8
    الوجبة التانية بين الفطار والغدا الساعة 11
    الوجبة الغداء الساعة 2
    وجبة بين الغدا والعشا الساعة 5
    العشاء خفيف الساعة 8
    الوحبة الفرعية بتكون سناكس ( يعنى سلطة خضرا فقط أو حبتين فواكه أو مكسرات أو علبتين زبادى)
    بعد اسبوع جسمك هيتعود على هذا الجدول وهينظم مواعيد الحرق


    اقولك نصيحة جامده
    ادخل على اليوتيوب وابحث عن فيديوهات weight loss هتلاقى ناس كانوا اوزان جامدة ونزلوا فى خلال عام بالرياضة البسيطة ( مشى - جرى خفيف - تمارين بشد البطن) مع اكل صحى - هتديك دفعة وتخليك تحاول تجرب تخس
    وربنا يشفيك باذن الله
    مع التحية

    ------ اشهد ان لا اله الا الله - وان سيدنا محمد رسول الله --------



 

المواضيع المتشابهه

  1. شاي التخسيس
    بواسطة abo_lamar في المنتدى المنتــــــدى الاجتمــاعى
    مشاركات: 1
    آخر مشاركة: 10-01-2014, 02:42 PM
  2. هسهس التخسيس
    بواسطة khaloooda في المنتدى المنتــــــدى الاجتمــاعى
    مشاركات: 3
    آخر مشاركة: 21-10-2013, 07:11 AM
  3. اختبارات التخسيس
    بواسطة WalidAdel في المنتدى المنتــــــدى الاجتمــاعى
    مشاركات: 2
    آخر مشاركة: 23-02-2012, 11:19 PM
  4. حبوب التخسيس
    بواسطة megamoudy في المنتدى المنتــــــدى الاجتمــاعى
    مشاركات: 19
    آخر مشاركة: 02-04-2011, 04:28 AM
  5. حـــزام التخسيس
    بواسطة ahmed elsherif في المنتدى المنتــــــدى الاجتمــاعى
    مشاركات: 4
    آخر مشاركة: 01-10-2010, 04:02 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2