مش عارف اخلص منهم

بما ان الناس هنا كلها ما شاء الله كبيره وفهمه الوضع اكيد هلاقي عندهم النصيحه الصح
انا متابع المنتدي من زمان وكان عندي يوزر هنا بس نسيته
المهم انا عندي مشكلة وهي ان عندي 3 بنات و2 ستات متجوزين بيحبوني وكل واحده عيزاني اتجوزها الا واحد من الاتنين المتجوزين
انا عندي 25 سنه
الاولي دي اتعرفت عليها من ايام الثانوي ودخلنا الجامعه كانت معايا اخدت رقم تليفونها عشان ايام الامتحانات وسيفته عندي وهوب اول ما اشتريت الاندرويد موضوع ان اي حد يكون عندك يبعلتله طلب صداقة ودي رشقة وبعد طلب الصداقة بشهرين من الكلام قالتلي انها بتحبني :stink[1]: قمت قايلها انا مبتجوزش تقولي انا مش عيزاك تتجوزني قولتله همشي معاكي في *** لا طبعا امال ايه خليك معايا طيب
وتعدي ايام وسنين واعمل حظر وتعمل اكونت تاني واخر لما زهقت من كتر الحظر فكيت عن الاكونت الرئيسي بتعها
نيجي للتانية
بنت دلوعة في جامعة خاصه وكدا وحاجه فري شوية قعدت تكلمني فتره وبتاع وشوية بحبك ومعجبه بيك "الهانم شافتلي بوست حلو علي بيدج لزقت" قمت رزعها حظر كان معاها الجي ميل بتاعي قامت مكلماني جوجل مسنجر ولحد دلؤقتي منوراني في الفيس
التالته بقئ كانت مدام واطلقت
وبعد لما اطلقت بشهر لقيت طلب صداقة جيلي
مين دي واحده كنت متعرف عليها في العريش وهوب دخلت في حب والمشكله انها رفضة انها تتجوز حد غيري مع ان قبل ما تتجوز معرفتهاش غير اسبوع
الاتنين المتجوزين
واحده متجوزه وعيشه مع جوزها وراجل محترم الا ربع اي نعم حكتلي عنه حجات زفت
المهم دي دخلت في حب ازاي
بتكلمني بقولها انتي متجوزه بتقولي اه قولتلها مش خايفه جوزك يعرف قالتلي انا مامنه نفسي كويس ازاي اصلي عامله حسابين حساب بتاع العيله وحساب تاني اتكلم فيه برحتي اول ما قالت برحتي عرفت انها كسرة البوصله
من بعد لما قولتله مش خايفه جوزك يعرف وسألتني انت خايف عليه
قولتلها لا انا متنيل خايف علي بيتك وعيالك خصوصا اني مش هنفعك اتجوزك المهم فضلت تحكيلي تحكيلي عن جوزها واسرار البيت وحياتهم الزبالة
لحد وصل الموضوع لصور وفيديو كووول كنت ايمها عندي 21 سنه بس مشوفتهاش
المهم نيجي للاخيره
بحكم ان اهلي عيشين في احد الدول العربية فبسافر ليهم كل فترة
روحت المستشفي ايدي محروقه
المهم جت ممرضه فلبينيه هي زي القمر فا انا قاعد ودي بتلف في ايدي وبتاع
المهم بعدها بيوم لقيتها ببتصل جابت رقمي من الاستقبال وتسأل عني
دلؤقتي بعد القصه دي كلها انا عايز اخلص منهم لاني طفشت
مع العلم انهم كلهم بيدخلو الاكونت بتاعي كل يوم يتفرجو علي الصور ويطلعو كل واحده تقولك اصلها عجباني مع اني والله العظيم مش حلو زي لعيني خضره ولي ابيض ولي اي بتنجان دا ولي فيه حاجه مميزه
كل الموضوع اني مبعرفش مضحكش بحب الضحك زي عنيه
حد يساعدني والله كرهت نفسي
للعلم 5 حذفهم من عندي وكل يوم مكالمات ورسايل وحاجه تقرف والي تعرف اني هبعد عنها كل شوية تعيط تسبها تتفلق تلاقي بعدها باسبوع رسايل واكونتات تانيه بتكلمك وارقام غريبه مع اني بره مصر وشغال في شركة وبكون في اجتماع الرسايل تيجي ووالرن وحاجه تكسف

مفيش أدمن يشيل صاحبنا ده؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة ahmedsamir79

مفيش أدمن يشيل صاحبنا ده؟؟؟؟؟؟؟؟؟؟؟؟؟

---

ليه يعني يا بشمهندس احمد ؟؟؟ دي مشكلة عندي واتكلمت بصراحه

يا استاذ لو لك مزاج تخلص منهم هتخلص. اما بالرد الحازم بدون تردد او بانك تغير رقم موبايلك وتعمل اكونت ع الفيس تضيف عليه كل اصحابك المقربين بس مع ارسال رساله لهم تعرفهم انك فلان وانك عامل اكونت جديد الموضوع مس هياخد اكتر من اسبوع يعرف فيه اصحابك تليفونك الجديد

Miligy

سوال بسيط كدا ومش بعمل عليك شيخ والله انا عبد فقير لله زي زيك - وضعك ايه مع ربنا ؟

اقتباس:

---

المشاركة الأصلية كتبت بواسطة ahmedsamir79

مفيش أدمن يشيل صاحبنا ده؟؟؟؟؟؟؟؟؟؟؟؟؟

---

الراي والراي الاخر ياصديق !!

هو حضرتك من المحلة) الغربية(؟

قال رسول الله صلي الله عليه وسلم: ( كل أمتي معافى إلا المجاهرين، قالوا: من المجاهرون؟ قال الذي يفعل الذنب ثم يستره الله عليه ثم يصبح يتحدث به ....

رشدي اباظه مفيش كلام
ايه يامليجي اللي انت كاتبه ده

اقتباس:

---

المشاركة الأصلية كتبت بواسطة enayat

يا استاذ لو لك مزاج تخلص منهم هتخلص. اما بالرد الحازم بدون تردد او بانك تغير رقم موبايلك وتعمل اكونت ع الفيس تضيف عليه كل اصحابك المقربين بس مع ارسال رساله لهم تعرفهم انك فلان وانك عامل اكونت جديد الموضوع مس هياخد اكتر من اسبوع يعرف فيه اصحابك تليفونك الجديد

---

انا شوفت رد حضرتك امبارح وفعلا روحت سحبت شريحه جديده وقفلت الفيس وهقفل كل الحسابات القديمة
وشكرا لاهتمام حضرتك والنصيحه الغالية وربنا ييسر

اقتباس:

---

المشاركة الأصلية كتبت بواسطة unl0veable

miligy

سوال بسيط كدا ومش بعمل عليك شيخ والله انا عبد فقير لله زي زيك - وضعك ايه مع ربنا ؟

---

الحمد لله بعمل عمره كل فترة وبصلي الحمد لله رب العالمين

اقتباس:

---

المشاركة الأصلية كتبت بواسطة unl0veable

الراي والراي الاخر ياصديق !!

---

واحترم ردودكم الكريمة

اقتباس:

---

المشاركة الأصلية كتبت بواسطة 4fun14

هو حضرتك من المحلة) الغربية(؟

---

لا والله بس قريب منها شويتين

اقتباس:

---

المشاركة الأصلية كتبت بواسطة zadh

قال رسول الله صلي الله عليه وسلم: ( كل أمتي معافى إلا المجاهرين، قالوا: من المجاهرون؟ قال الذي يفعل الذنب ثم يستره الله عليه ثم يصبح يتحدث به ....

---

دي مش مجاهره بالمعصيه دي نصيحه واولا دا لاسمي ولي حسابي دا حساب عملته جديد وثانيا لو مجاهره بالمعصيه يبق الناس الي بتحكي مشاكلها علي فتاوي مجاهره بالمعصيه بردو انما انا بستعين بيكم مش فرحان اني متنيل علي عيني واعرف بنات

اقتباس:

---

المشاركة الأصلية كتبت بواسطة hugan

رشدي اباظه مفيش كلام
ايه يامليجي اللي انت كاتبه ده

---

معلش والله لاني مش لقلهم حل

بصراحة مش عارف حضرتك عاوز ايه وبتاخد رأى الناس فى أيه
حضرتك من سنك كما تقول عاقل وراشد والحلول كما ذكرت متاحة
ايه اللى الاعضاء المفروض انهم يقدموه من نصائح بعيدة عن المنطق الطبيعى كحل لمشكلتك سوى عمل حسابات وخطوط اتصالات جديدة ثم إتقاء الله بعد ذلك

أعتقد الموضوع ليس له داعى ... ورفقاً بنا لنفاذ الحبوب من على الجمل

الموضوع له ابعاد معينه والظاهر بعيد عن الباطن وردي على البشريه كلها بما فيهم صاحب الموضوع ان البنى ادم بيعمل اللى هو عايزو ويعمل له فتوه دينيه كمان لو حب حتي لو اللى عايزو غلط والنهايه القرار لك وحدك وانت متحمل العواقب وحدك ...

Hahahahaha

Tell us your secret

افضل حل تدخل الجيش فعلا حلك انك تدخل الجيش

عندى ليك وصفة ممتازة ومجربة وهى
( أرجع إلى الله )

انت بتحكي عنهما وبكلامك انهم كلهم مينفعوش زوجات ايه بقي اللى محيرك؟
عايز تعك يبقي ملوش لازمه تكتب الكلام دا هنا
عايز تبعد عنهم بلوك وغير كل اكونتاتك
عايز تعرفنا انك حسين فهمي مش محمود المليجي ادينا عرفنا :)

بص .. أنا عارف ان الموضوع مش سهل للدرجة .. بس هقول لك على حاجه و لو معملتهاش دلوقتي هتعرف معنى الجملة دي بعدين .. "لو لم تستطع أنا تتخذ القرار الصعب سيأتي يوم ستضطر أنا تتخذ فيه قرارات أصعب"
لو انت شايف ان صعب عليك انك تسيب الناس دي دلوقتي بدرجة .. فبعد كده الموضوع هيبقى أصعب عشر مرات .. فانت لازم تاخد القرار دلوقتي و تنهي كل العلاقات دي حتى لو الموضوع تطلب انك تغير رقم تليفونك .. صدقني الموضوع ده هيعمل لك مشاكل كبيرة جدا بعدين.

و طبعا الموضوع اللي انت فيه ده فتنة و اختبار و أذكرك بقول ربنا سبحانه و تعالى "أحسب الناس أن يتركوا أن يقولوا آمنا وهم لا يفتنون () ولقد فتنا الذين من قبلهم فليعلمن الله الذين صدقوا وليعلمن الكاذبين"

مش هتريق عليك و لا هشكك فى كلامك عشان شوفت فى حياتى ان ممكن يحصل حجات كتير مش منطقيه بس المشكله مش هما خالص المشكله انت و انك بتحس انك ظالمهم لما بيتحايلو عليك متبعدش ابعد بشكل نهائى و هترتاح و هتخلص منهم اذا كان فعلا هو ده الى انت عايزه من كل شىء فكر كده كل واحده بتوصلك ازاى و اعمل حسابات بديله فاس و ايميل و جى ميل و اخر حاجه تليفونات ابعت لكل واحده رساله ان حياتها هتبقى احسن و محترمه اكتر من غيرك

صدقنى هتحترم نفسك اوى بعديها

بص هو انا مش هشكك فيك او حاجه بس انا هقولك حجتين
الحاجه الاولًى لو انتا كلامك حقيقى و كل دول وقعين فيك فا لو انتا بالخبره دى اكيد هتعرف تخلع بمنتهى السهوله لان احنا شباب و عارفين الزتونه
اما لو انتا ليك خيال بقا مريض او ليك قرين او عندك فراغ فا نورت العنبر
تحياتى