السلام عليكم يا شباب
طبعا كلكوا عارفين ان الصيف دخل والجو بقى حر وكلنا محتاجين التكييف
السنة الى فاتت شحنت التكييف وكان شغال بشكل معقول لا هوه تلاجه ولا هو سئ وعملته عند واحد حسيت انه نصب عليا ومشحنش التكييف كويس المهم ساعتها انا قررت انى هاشحن التكييف بنفسى
من كام شهر كده كنت فى شارع شارع كلوبيه بشترى عده وقطع غيار فلقيت رجب اخوان قدامى رحت شارى عبوه 134a واحد كيلو ب50 جنيه وجبت طقم عدادات بالخراطيم ب 90 جنيه وطقم كليبر علشان يركب على البلف بتاع العربيه ومعاهم ابره شحن ب30 جنيه وجبت بكره تيفلون من عند السباك وظبط الخراطيم والعدادات وكبستهم ومفيش تسريب والحمد لله
يبقى كده العده تمام وجاهزين على الشغل
المهم انشغلت ومعملتش حاجه فى التكييف و صرفت الفلوس وركنت العده :)
طبعا اليومين دول الدنيا حر بزياده التكييف مش بيسقع يدوب بيطلع هواه بارد
قولت طيب هاشحنه روحت فكيت الطبتين بتوع العالى والواطى ولقيت البلفيين بينفسوا رحت قافل الطبتين تانى و قولت ضاعت فلوسك يا صابر
فأنا دلوقتى عايز اعرف منكم ياشباب المفروض اعمل ايه البلفيين دول بيتصلحوا ولا ايه النظام
هو ده سبب ان التكييف مش بيسقع جامد ولا ايه ؟؟؟
المفضلات