زيوت BP Visco فى العمرانية + تعليق على اسلوب العامل
السلام عليكم
تم افتتاح بنزينة كار جاس عند منزل كوبرى العمرانية بجوار
المطافى فى ظهر جراج الشرقية للدخان ودى طبعا اقرب لسكان
الجيزة و الهرم والعمرانية وربيع الجيزى و البحر الاعظم انا
عديت عليهم النهاردة وكلمت مدير المحطة و قعد يشكر فى الزيت
ساعة وقالى على حوار عتعرفوا فى الاخر
حوار العامل انى راحت الاول بنزينة مصدق (مكنتش اعرف ان
العمرانية فتحت) المهم قولتله عاوز جركن 2000 للفيورا وبعد
ما بدء يحطه جه عامل ظريف قعد يفتى ويقولى الزيت ده مش
مناسب لعربيتك ومش هيكمل 1000 كيلو (عملى نفسه عالم
ذرة) وسد نفسى عن الزيت لحد دلوقتى المهم ان كنت طالع من
الكلية مخنوق وعندى مشاكل جامدة سيبته ومشيت جه وراى
وعمال ياكل فى دماغى رحت مزعق فيه راح الغبى مزعق فى
زميله اللى بعلى الجركن ال2000 المهم الحوار طلع ان كار جاس
منزلة زيت اسمه visco NGK ومن كلام مدير بنزينة
العمرانية ان الشركة بتضغط على العمال علشان يقوله للناس ان
الزيت ده للعربيات القديمة وان الزيت ده سوقه واقف وانا مسكت
جركن لاقيت مكتوب عليه مصنوع خصيصا لسيارات الغاز الطبيعى
