سؤال بخصوص شرم الشيخ

**cheburashka** · 28-04-2015 01:25 AM

ان شاء الله ناوى أروح فى أول شهر 6 و الفندق فى خليج نعمة بس المفروض هقابل ناس هناك و هما هيكونوا نازلين فى كورال بيتش ريزورت المنتزه الموجود فى "راس نصرانى" و أنا المفروض هروحلهم كل يوم فعايز أعرف المسافة أد ايه؟ و أرخص مواصله ايه؟ و بكام ؟ و شغالين لحد الساعه كام؟ لإن انا مروحتش شرم قبل كده و أسمع ان الأسعار نار هناك .
المسافة من خليج نعمة إلى راس نصرانى
سؤال تانى بخصوص أزايز المياه بكام فى خليج نعمة؟؟
و شكرا مقدما

**أحمد كمال** · 28-04-2015 06:00 AM

من نعمة باي لراس نصراني 10 كيلو حوالي ربع ساعة بالتاكسي

المية في نعمة باي في السوبرماركتات بالسعر العادي او اغلى حاجة بسيطة ..... في الكافيتيريات و الفنادق غالية طبعا

**Karim_Monir** · 28-04-2015 12:20 PM

في ميكروباصات بتلف شرم كلها وتقريبا ب 2 او 3 جنيه
الميه بالسعر العادي جدا في اي سوبر ماركات
مفيش حاجة هناك غاليه غير الفاكهه والسي فوود
عشان بتتنقل مسافات بعيدة وعليها اقبال من السياح
غير كدة كل حاجة بالسعر العادي
شهر 6 في شرم متوسط الحراره الضهر 45
البس ابيض او فواتح دايما لو ممعاكش عربيه مكيفه
وكاب على دماغك فاتح برضه

**A.Saad** · 29-04-2015 06:50 PM

المشاركة الأصلية كتبت بواسطة reda elgohary

محدش يعرف عروض ف فنادق ف شرم ، أنا عمرى ما رحتها .

booking.com

tripadvisor.com

هات حاجات ليها review اعلى من 7.5 او 8 علشان يكون مستوى كويس .

**أبو صلاح** · 29-04-2015 09:02 PM

المشاركة الأصلية كتبت بواسطة reda elgohary

محدش يعرف عروض ف فنادق ف شرم ، أنا عمرى ما رحتها .

الحجوزات اقضل طريق علشان تاخد عرض كويس شركات السياحة ودي كتير جدا
وفي موقع ترافل يالا عليه عروض حلوة
ممكن برضه تكلم الفندق نفسه وتلاقي في اسعار افضل

لوعايز تعرف ايه الفنادق الكويسة ومميزاتها وعيوبها يبقى زي ما قالك استاذ A.Saad