تعويم في الفرونتيرا ؟

**silverhand** · 28-04-2015 04:25 AM

عندي فرونتيرا موديل 2001 من حوالي 6 سنيين وفيها مشكلة قرفاني من يوم ما جيبتها . معرفش المشكلة دي في الفرونيرا عامة ولا خاصة بعربيتي . المشكلة بتتلخص في ان العربية بتعوم بشدة على اي طريق اسفلت مضعضع , عجلة الدركسيون بتتحرك على حسب تموجات الأسفلت وبتاخد مني مجهود كبير جدا في السفر لما كرهتني في السواقة , مع العلم انها ما بتحدفش في اي ناحية على الطريق العدل. كشفت عليها كتير وكل مرة أغير حاجات كتير من غير تأثير , يا ريت الي عندهم فرونتيرا يفيدوني هي العربية أصلا كده ولا ممكن تكون ايه مشكلتها . علما باني من المنصورة .

**Abo_Mazen** · 28-04-2015 02:56 PM

حالة الإسكاترا إيه معاك؟؟؟؟ ..الإسكاترا عموما من بيضات طرف لغيره ...حالة المقصات إيه معاك؟؟؟...بس هو الشك في الإسكاترا ..إيه حالتها الفنيه ..والميزان عندك إيه ظروفه؟؟؟ ..وكاوتش الميزان ؟؟؟؟وإيه اللي حضرتك غيرته ؟؟؟...معلش أنا مشاركتي كلها أسألها بس عشان أعرف حضرتك غيرت إيه وباقي إيه ونستبعد إيه

**silverhand** · 28-04-2015 06:31 PM

شكرا جزيلا لاهتمامك .. الي انا غيرته كان بيض الدركسيون وبيض المقصات على ما أذكر بالاضافة للمساعدين الكلام ده من حوالي 8 شهور والأيام دي ركبتلها مساعد دركسيون والمناول . بالنسبة بفى للاسكترا فانا معرفش حالتها ايه بس ملاحظتش هز ولا دبدبة في الدركسيون ومفيش عفشجي قالي عليها حاجة , بالنسبة لكاوتشة الميزان فدي معرفهاش بس ميتهيأليش الي عندي ده بسبب كاونشة ولا ظبط زوايا , التعويم مع الطرق المكسرة بس وبشكل كبير

**احمد فهمى** · 04-05-2015 01:26 PM

هتحتاج تروح لمركز زوايا كبير وفي فنيين بتفهم الاول تشوف فى ترحيل عندك او اي حاجه بعدها تقرر تتحرك ازاي الموضوع محتاج حد حافظ العربيه

**م/أحمد عبد الفتاح** · 04-05-2015 11:40 PM

أول حاجه تشوف الباور كويس ولا ضعيف ـ الزيت بتاع الباور ممكن يكون ناقص أو عاوز بتغير (خصوصاً لو لونه معكر مش لون أحمر شفاف)
تانى حاجه تكشف على صلايب الدركسيون وفى الغالب حتلاقيها عوزة تتغير
تالت حاجه تكشف على التياش ( وبارات الدركسيون )