مساعدة فى شراء سيارة!!!!!!!!!!!!

**memononos** · 11-11-2008 11:25 PM

سلام عليكم ورحمه الله
باختصار انا معايه 30 الف وناوى اشترى اول عربيه ليه اصلى لسه متعلم السواقه جديد وعاوز اجيب عربيه تكون كويسه فى حدود المبلغ المتاح ده
المهم انا عارف ان المبلغ الى معايه ضعيف بس هنعمل ايه بنهرب من قرف المواصلات
المهم انا معروض عليه الاتى
Bmw E30 Model 1987 معدله الى موتور 2500 صاحبها بيقول انه عاملها دوكو جديد والعافشه بتاعتها عاوزه تتشد بس على 37الف فهل السعر كده مناسب وكام متوسط سعرها الحالى
Fiat 132 Model 1982 2000 على 25 الف
ماذدا 323 1981 على 24 الف
وريجاتا
وطبعا حبيبه الشعب 128 موديل اوخر التمنينات بس انا شخصيا مش مرتحلها
يا ترى اختار مين فيهم وهل فى اختيارا افضل من دول فى حدود 30 الف؟
وهل اسعارهم مناسبه وبخصوص ال E30 ايه عيوبها ؟
وشكرا

**AboMaro** · 11-11-2008 11:34 PM

في رائيي خليك ف ال132 او المازدا 323
سيبك خالص من البي ام مشاكل كتير وصعوبة صيانه
فيه برده الريجاته كويسه وكمان الاونو فحدود نفس السعر بس الاونوضعيفه شويه في رائيي
وكمان بال 30 ممكن تجيب كيا برايد عصفوره عربيه ممتازه بمعنى الكلمه لا تتعب فصيانتها وحاجتها موجوده و معمرة وتستحمل وموفره جدا ف البنزين
وممكن كمان اوائل التلاتينات عندك الاكسيل حلوه
ده كله يتوقف على احتياجكك من العربيه ايه وتفيق ربنا ف الشراء اولا واخيرا

**link7200** · 12-11-2008 03:34 AM

بلاش تجيب بى ام من اولها علشان متكرهاش
انا فى رأى هات اى عربيه تانيه خبط فيها و خليها تخبط فيك علشان البى ام عايز حد فاهم شويه علشان ميدخلش فى دوامه

**memononos** · 12-11-2008 04:13 AM

يعنى E30 مش هتنفع معايه علشان مبتدا ولا هى وحشه عموما
وبالنسبه لل 132 فى ناس بتقولى انها بتحرق بنزين جامد ومش عمليه خالص
وبالنسبه للكيا العصفوره تنفع تتروش ويتركبلها تكيف وكده ولا لا
وعموما انا عاوز عربيه شبابى وفى نفس الوقت تكون بتستحمل علشان مش ناوى ارحمها هههههههههه

**link7200** · 12-11-2008 03:47 PM

هى ال e30 حمالة اسيه و قطع غيارها سعرها مش زى 132 بس معمره اكتر و مش اى حد يلعب فى العربيه راعى النقطتين دول فى البى ام و تركب عربيه نضيفه .. يبقى تمام
بالنسبه للى سمعته عن 132 انا برده سمعته
و الكيا برايد ممكن يركبلها تكيف بس اعتقد حيتقل المكنه فى السحب

**memononos** · 14-11-2008 01:33 AM

طيب انا معروض عليه سوزوكى سوفيت 95 ب35 الف
وسكودا فليشيا 92 ب35الف برضو
132 موديل 84 2000 ب25 الف
وال e30 موديل 87 معدله مكنه 2500 ب 37 الف
يا ترى مين الاحسن فيهم من حيث حجم الصالون والقوه فى الجرى واهم حاجه اهم حاجه انا مش عاوز عربيه تارفنى كل شويه اجرى بيها عند الميكانيكى يعنى مش عاوز ازور الميكانيكى كتير لو قطع الغيار متوفره وسعرها غالى شويه مش مشكله بس اهم حاجه مش كل شويه اروح للميكانيكى وشكرا

**shefa** · 14-11-2008 01:55 AM

عن تجربة أخى الكريم سكودا فيليشيا أحسنهم كلهم بس اللى معروضة عليك ب35 وموديل 92 دى غالية جداااااااااااا انا معايا 96 وكنت جايبها ب 32 رشة بره بس وممتازة وقطع غيار متوفرة ومعمرة وكمان شبابية واقتصادية فى البنزين وقول زى منتا عاوز بس عيبها الوحيد السخونة ودى للامانة لانها موتورها من الانتومنيا وربنا يوفقك للصواب

**link7200** · 14-11-2008 01:59 AM

والله انت و دماغك بس فى حاجه
سوفيت 95 ب35 الف لو 1600 سىسى و بحاله ممتازه
وسكودا فليشيا 92 ب35الف ممكن تجيب واحده بحاله ممتازه مو 95 او 96
132 دى غاليه خالص
وال e30 موديل 87 معدله مكنه 2500 ب 37 الف دى 30 الف علشان المكن الكبير بياكل بنزين بس فى نفس الوقت حتركب عربيه 190 حصان دا بالنسبه للموتور الاسود و 170 حصان للموتور الابيض

**the_wheel_man** · 15-11-2008 01:32 PM

المشاركة الأصلية كتبت بواسطة link7200

والله انت و دماغك بس فى حاجه
سوفيت 95 ب35 الف لو 1600 سىسى و بحاله ممتازه
وسكودا فليشيا 92 ب35الف ممكن تجيب واحده بحاله ممتازه مو 95 او 96
132 دى غاليه خالص
وال e30 موديل 87 معدله مكنه 2500 ب 37 الف دى 30 الف علشان المكن الكبير بياكل بنزين بس فى نفس الوقت حتركب عربيه 190 حصان دا بالنسبه للموتور الاسود و 170 حصان للموتور الابيض

هو اية الفرق بقا بين الموتور الابيض و الموتور الاسود عشان انا سمعتة كتير

و انا رأيي الصراحة هاتلك البي ام كفاية هتركب بي ام يعني
و فكك من ال 132 2000 كانت عندي دي كانت بتخرب بيتي في البنزين ايام مكنت بفول ب 50 جنية
بس من ناحية عملية هيا عاملة زي الجيب كدة بس سفاحة بنزين
فخليك في البي ام احسن

**link7200** · 15-11-2008 07:26 PM

الموتور ال6 سليند كلها 24 صباب
الاسود 2000 سىسى 170 و ال2500 سىسى 190 حصان ( ودا متطوره عن الابيض و احدث منه )
الابيض 2000 سىسى 140 حصان و 2500 سىسى 170 حصان ( دى بتنزل من موديل 79 الى 90 )