السلام عيكم،
انا عايز اعرف الاجراءات المطلوبة لتجديد رخصة القيادة (و ليست المركبة) مع تغيير محل الاقامة.
مع العلم انه تم تغيير محل الاقامة في البطاقة..
في بعض قاللي ان مرور السلام اصبح مرور الاميرية..
و البعض قال لا ده لسه النيابة في مرور السلام؟!
و بعض قاللي مرور مدينة نصر بقه في التجمع - انا من سكان مدينة نصر اول
انا مش عارف الاجراءات و كمان مش عارف اروح فين؟!
شكرا لوقتكم :)
مرور السلام بقى الاميرية من كذا شهر و ده للملاكى اما النقل فزى ما هو مرور السلام
السلام عليكم
تجيب
1-شهادة مخالفات ساريه حتي 30يوم
2-اصل الرخصه اذاكانت ساريه....او شهادة بيانات اذا كانت منتهيه
3-شهادة باطنه ونظر من اي مركز طبي
4- 2 صوره شخصيه
وتروح المرور الي في التجمع بجوار رابعه العدويه
هتقدم الورق هيعملك تصريح 3 شهور
شهادة بيانات
شهادة باطنه ونظر من اي مركز طبي
صور شخصيه
بس في حاجه تانيه مهمه لازم تلحق نفسك فيها ... انا كنت نفس الوضع بتاعك بالضبط بس مرور المنيا لما رحت طلبو مني شهادة البيانات
.... رحت المنيا طلبو ان تكون البطاقة صادرة حد اقصى شهر من تاريخه ؟؟؟؟؟؟؟؟؟؟؟ ليه مش عارف ومارضيوش يدوني شهادة بيانات ..
عملت ورق رخصة من جديد وامتحنت واخدت رخصة واشتريت دماغي :E_braces[1]:
ممكن سؤال ... انا من اسكندرية وباذن الله حشتري عربية من القاهرة ، ينفع اسجلها في القاهرة ولا لازم حسب محل السكن في البطاقة اللي هو اسكندرية؟ ولو كده حيتم الموضوع ازاي؟ ياريت لو حد عنده فكرة يقولي لو سمحتم
محمد
لازم محل الاقامة في البطاقة ... وفي ناس بتقول ينفع بعقد ايجار شقة في المكان التابع ليه المرور
شكرا ... الف الف شكر على الرد السريع
والله أعلم لأني جددتها من فترة ومش متذكر كل التفاصيل بس انت مش هتحتاج أكتر من شهادة مخالفات من المرور القديم اللي كنت تبعه ولو الرخصة منتهية هتجيب شهادات بيانات ومش هتحتاج ورق طبي لأني مش فاكر انهم طلبوا مني الورق ده
بعدين هتطلع على مرور مدينة نصر اللي في التجمع مش المرور اللي في رابعة لأن اللي في رابعة بتاع تراخيص المركبات لكن مرور التجمع لتراخيص القيادة وهتلاقيه قريب من مساكن شعبية كده ودي الخريطة
https://www.google.com.eg/maps/place...2885debf?hl=ar
طبعا متنساش تصور البطاقة والرخصة القديمة كام صورة احتياطا وتاخد معاك صورتين شخصيتين على الأقل برده
شكرا لكم لردكم السريع...
ما فهمته ان مرور السلام اصبح مرور الاميرية و ده للرخص الخاصة بالنسبة للقيادة و ملاكي بالنسبة للمركبات..
و في حالتي: محتاج شهادة مخالفات و بيانات (لان الرخصة منتهية من شهر تسعة اللي فات)
انا لسه مجدد بس مرور مدينة نصر و غالبا الاجراءت واحدة
هتحتاج كشف نظر و باطنه و عليهم صورتين دول في اي مستشفى ممكن تعملهم انا عملت في التيسير ب 70 جنيه
هتحتاج اخلاء زمة من النيابة بيكون في المرور اللي انت تابع ليه و لو مش عليك مخالفات بتدفع 15 جنيه و تاخد الشهادة
بعد كده بتشتري ملف تجديد من مكان التصوير ب 8 جنيه تملى الورق و تدخل تدفع الرسوم 68جنيه او 58 مش فاكر للامانه
هتسلم الورق في المكان المخصص و معاك صورتين للبطاقة و الرخصة القديمة و اصل البطاقة و تستنى اسمك يتنادى عشان تتصور و بعدها بعشر دقايق تستلم الرخصة