طبعا انتم عارفين اللي حصل في المفتاح بتاع الإشارات و اللمبة اللي اتحرقت و سيحته و كل القصة دي...
فضلت ماشي أعور فترة بتاعة 4 أسابيع كده...لحد ما قررت أعمل موضوع الكتاوت و اللمض الأعلي

نزلت التوفيقية جبت كتاوت ميكسو فرنساوي و 2 لمبة أوسرام ألماني 55\60 Watt و 80\130 CP

رةحت للكهربائي بتاعي ...و قعد يجرب حاجة في فيش اللمض...لحد ما قاللي الكتاوت ديه مش هاتنفع...لازم اللي فيها طرفين أرضي زيادة باين...

قمت نزلت على واحد بيبيع الحاجات دي في حلوان و ملاقيتش عنده غير التايواني...و الميكسو مش بينزل منها النوع ده...قلت خلاص تايواني تايواني...بدلت معاه و مدفعتش فرق...علي أساس اني جيبها من بره يعني

رجعت تاني للكهربائي و الموضوع أخد تركيب حوالي ساعتين و نص...بس اتعمل بنظافة جدا جدا...كأنها من ضفيرة العربية....طبعا اتحط أسلاك جديدة أتخن و حوار يعني

الفرق قبل و بعد التركيب....مش هاتكلم عليه!!!الصور أبلغ مني في الكلام:

بس خدوا بلاكم ان صور القبل كانت من غير اللمبة الشمال...بس ممكن تركزو علي اليمين عشان تشوفوا الفرق

الواطي قبل:


الواطي بعد:


العالي قبل:


العالي بعد:


ايه رأيكم

التكلفة:
2 لمبة أوسرام ألماني 12*2=24
كتاوت ميكسو=23
مصنعية=حسب الصنايعي و الشغل....انا بتاعي مغلونجي جدا و كنت تعبان و معرفتش أفاصل معاه أخد 100.بس ده متضمن الأسلاك و الكليبسات و الغطيان البلاستيك و الأفافيز و شريطين لحاام و كل الحاجات الصغيره دي.....

دي خلاصة تجربتي مع الكتاوت و أقر لأقول انها تستحق اضافتها للعربية