هل اوتو سمير ريان ضحكوا عليا؟!!! اشتريت عربية

**ram2020** · 29-04-2015 01:51 PM

لو مش مستريح ليها حقوق المستهلك انك تبدل او ترجع في 14 يوم

**acs** · 29-04-2015 02:26 PM

اكتر حاجة انت غلطان فيها ازاى العربية تدور بصعوبة وانت فى المعرض وتخدها وتمشى لو العربية لسة بتغيب 4فى الدوارة ارجع لسمير ريان وحاول تغيرها

**K_E** · 29-04-2015 02:56 PM

المشاركة الأصلية كتبت بواسطة ram2020

لو مش مستريح ليها حقوق المستهلك انك تبدل او ترجع في 14 يوم

بالظبط كده كلم حماية المستهلك من حقك ترجع اي حاجه خلال 14 يوم لو كان فيها اي مشكلة

**ali ashraf** · 29-04-2015 03:04 PM

يا أستاذ مصباح رجع العربية

**Omar Sarray** · 29-04-2015 11:45 PM

العربيه على ماا عتقد فيها مشاكل فى تخريزن والموتور لو انت شيكت قبل كل ده مكنش حصلك كده وانت ليه اشتريتها من سمير ريان

**ali ashraf** · 30-04-2015 08:37 AM

الاخ اللى كتب مشكلته بالنسبة لشراء سيارة جديدة وواضح ان ورائها مشاكل من سمير ريان....فوجئت فى اليوم السابع اليوم بالخبر ده و انا نقلته كوبى بست ..... """كرم بنك " الإمارات - دبى الوطنى"، "شركاء النجاح" من أكبر تجار السيارات فى السوق المصرى نظرا لمجهوداتهم فى التعاون مع البنك فى مجال تقسيط السيارات، وذلك بحضور قيادات البنك وكبار تجار السيارات، بالإضافة الى مجموعة من الصحفيين والإعلاميين لتغطية هذا الحدث الكبير.

واستطاعت شركة "اوتو سمير ريان " حصد المركز الأول لأعلى مبيعات للسيارات بالتقسيط من خلال بنك الامارات دبى الوطنى، وتسلم الجائزة المحاسب سمير ريان رئيس مجلس الإدارة، """" انتهى الكوبى بست.... الحقيقة الواحد مش قادر يصدق اى حاجة فى الاعلام اللى زى ما بيقولوا يعمل من الفسيخ شربات ...الحياة بالوضع ده بقت لا تحتمل الغش و التدليس على العملاء بيقى يكرموا

**A_H_M_A_D** · 30-04-2015 10:18 AM

واضح ان العربية كان فيها مشكلة و اتباعت قبل كده واللي اشتراها رجعها وطبعا كلام المندوب بتاع المعرض كله هجص عشان يبيعلك العربية و يخليك تمشي , لازم ترجعلهم و تعملهم مشكلة وتعرف ايه حكاية العربية اللي مش عايزه تدور دي

الضمير خلاص , انعدم عند معظم التجار و في سبيل انه يكسب جنيه زيادة ممكن يعملوا اي حاجه