حط الانسينيا و ال 508 ضمن أختياراتك
وأرشحلك ال 508 .. ﻷنها هتكون عمليه عن الأودي و قطع الغيار أرخص و هتكون متوفره أكتر مع موتور جبار وأداء عالي
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
السلام عليكم
ان شاء الله نويت اجيب عربيه جديده ولازم اقرر فى خلال 3 ايام و اقدم عرض سعر لشركتى ...
انا معجب جدا بالاودى عامه بالذات Q3 بس لﻷسف غاليه بالنسبالى .. ال A3 السيدان عجبانى جدا بالرغم من عشقى للهاتش باك بس بصراحه فى A3 السيدان اشيك و كمان فيها فرش جلد محترم جدا و الانتريور الجملى الرائع .. كمان حققتلى المعادله الصعبه اللى بدور عليها وسع داخلى كويس مع شنطه واسعه مع حجم خارجى مدمج .. غير اوبشنز و شكل خارجى مرضيين جدا ... وكنت اتصلت بالعضو المحترم falcon crest .. وصراحه حببنى جدا فى الاودى واداء الموتور ال TFSI اللى كنت فاكره ضعيف علشان 122 حصان بس اكدلى عكس ذلك ... على حسب علمى مفيش منها مشاكل مشهوره ... و نفسيا بحسها عربيه شبابيه و لكنها ليست مبهرجه .. ليها شخصيتها .. محكتش لحد عليها الا ويعجب بشكلها جدا ... كل اللى فات رائع بس نيجى للجزء التانى ..
بما انى تعبت على ما قدرت اجمع فلوس اقدر اشترى بيها عربيه استمتع بيها و الله اعلم هقدر اجمع مبلغ زى ده تانى علشان عربيه ولا ﻷ .... وكمان استهلاكى عالى حوالى 25 الف كم فى السنه ... بغير العربيه على الاقل كل 6 سنين ... مقيم فى اسكندريه .. فكانت مخاوفى من الاتى
... غلو مصاريف الصيانه
... عدم توافر قطع الغيار فى حاله حادث لاقدر الله والعربيه تقف لفتره
... علو العربيه عن الارض وده عامل مهم جدا بالنسبه لى ﻷنى فى اوقات كتير ببقى محمل معايا 3 وطرق
اسكندريه دلوقتى بقت مدقات ... فسألت واحد من المبيعات قالى ان السيدان 13سم و ده يعتبر قليل
فصرفت نظر عنها و دورت على عربيات تانيه لحد ما بالصدفه كلمت واحد تانى من المبيعات و قالة انها
15 سم وأكدت عليه تانى واكدلى المعلومه !!!!!!
... ليا زميل معاه A4 2007 شكرلى فى اودى جدا بس حذرنى من توكيل اسكندريه و قالى سئ جدا و
وياريتك تعمل صياناتك فى التوكيل الجديد بتاع ابو رواش و على حسب علمه انه مخصص ﻷودى فقط
... نقطه اعاده البيع .. من وجهه نظر حضراتكم اعاده البيع بعد فتره 6 سنين و عربيه عامله حوالى 150
الى 170 الف كم تقريبا هتكون كام فى حاله ثبات قيمه الجنيه ؟؟ .. حطيت تصور كده لقيته تقريبا
180 الف جنيه .. يعنى خساره سنويه تقريبا فوق ال 20 الف جنيه .. وبصراحه ده مبلغ كبير ..
ولتقليل هذه الخساره نوعا ما لازم العربيه تقعد مش اقل من 10 سنين ...ولا حضراتكم ليكم رأى تانى ؟
... ياريت حضراتكم تذكروا خبراتكم بالنسبه للناس اللى شغاله فى اودى قطع غيار و بودى و صيانه فى
القاهره و اسكندريه خارج التوكيل
ارجو من حضراتكم متبخلوش عليا بالنصيحه .. ﻷنى من كتر التفكير والزن من اللى حواليا بفكر اروح اجيب الاوكتافيا الهاى لاين اللى مع احترامى ليها بس بصراحه الاودى ليها رونق تانى ...
وان شاء الله هحجز تيست درايف ليها وربنا يوفقنى للى فيه الخير .. وفى انتظار نصائح حضراتكم
رقم العضوية : 159290
تاريخ التسجيل : 24Apr2014
المشاركات : 1,938
النوع : ذكر
الاقامة : luxor
السيارة: لا يوجد
السيارة[2]: Octavia A5
الحالة :
حط الانسينيا و ال 508 ضمن أختياراتك
وأرشحلك ال 508 .. ﻷنها هتكون عمليه عن الأودي و قطع الغيار أرخص و هتكون متوفره أكتر مع موتور جبار وأداء عالي
D R . A D N F A L C O N
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
متشكر جدا لحضرتك على الاهتمام بالرد .. فعلا ال 508 رائعه .. بس بصراحه انا بحب العربيات المدمجه و فى نفس الوقت تكون واسعه من جوه .. وده علشان تكون عمليه فى ركنات فى وسط البلد و غيره .. اسكندريه دلوقتى بقت فظيعه قى الزحام و البحث عن مكان تركن فيه لو نازل مشوار ... اما الانسيجنيا فكذا واحد من زمايلى اشتراها و قابل شويه مشاكل .. زى استهلاك البنزين العالى .. رجه فى الموتور .. تغيير تيل و طنابير على كيلومتر قليل .. بس ده ميمنعش انها عربيه رائعه و انا بحبها جدا .... شكرا مره تانيه على نصيحتك
رقم العضوية : 174631
تاريخ التسجيل : 22Apr2015
المشاركات : 896
النوع : ذكر
الاقامة : الجيزه
السيارة: Kia Cerato 2016 Top Line
السيارة[2]: Mercedes c180 2017 AMG
الحالة :
اودى اى 3 سيدان 2015 حلوا وجميله بس قطع غيارها شويه غاليه ولو ميهمكش اسعار قطع غيار صلى صلاه استخاره وشوف الى يناسبك وتوكل على الله ومتنساش فئات السيدان بقت عربيات كتير واوبشنز كتير وزحمه عليها زى اودى وبى ام وتويوتا وكيا وهوندا وعربيات كتير دخلت فى الزحمه دى شوف انت قرار الى يناسبك وتوكل على الله عربيه شكل داخلى وخارجى جميله جدا والمازدا 3 الى عندى واخدين الشكل داخلى من اودى اى 3 على فكره وربك المستعان
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
متشكر جدا ﻷهتمام حضرتك .. وبالمناسبه المازدا كانت من العربيات اللى فكرت فبها .. شكل داخلى و خارجى رائع و اوبشنز رهيبه و سعر مناسب .. كانت مشاكلى معاها بس الموتور والفتيس الاربع سرعات .. و علوها لو قيسته على الموديل اللى كان قبلها وهو مع صاحبى و هيا واطيه معاه .. لكن الجديده معرفش ... ربنا يبارك لحضرتك فيها و يديم فرحتك بيها
رقم العضوية : 174631
تاريخ التسجيل : 22Apr2015
المشاركات : 896
النوع : ذكر
الاقامة : الجيزه
السيارة: Kia Cerato 2016 Top Line
السيارة[2]: Mercedes c180 2017 AMG
الحالة :
الله يخليك حضرتك ويدك الخير والامان يارب انت فكر وقرر شوف ايه الى انسبلك والاودى اى 3 جميله اوى بس سعرها 280 الف جنيهه يعنى لو تقرر شويه حتعرف تختار عربيات كتير فى فئتها تحياتى ليك
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
رقم العضوية : 174631
تاريخ التسجيل : 22Apr2015
المشاركات : 896
النوع : ذكر
الاقامة : الجيزه
السيارة: Kia Cerato 2016 Top Line
السيارة[2]: Mercedes c180 2017 AMG
الحالة :
يارب يكون اخترت الصح حضرتك وبشرنا بلخير استقريت على العربيه وله ايه
رقم العضوية : 5955
تاريخ التسجيل : 18Feb2008
المشاركات : 801
النوع : ذكر
الاقامة : ALEXANDRIA
السيارة: جيلى باندا اوتو 2012
السيارة[2]: بروتون جين2 2009 .. اوكتافيا 2015 اليجانس
دراجة بخارية: لا
الحالة :
ربنا يبارك لحضرتك على اهتمامك .. باعجوبه قدرت امد المهله مع شركتى ﻷخر الاسبوع ده ... وهسافر ان شاء الله اتفرج على الاودى واشوف علوها عن الارض و مصاريف صياناتها ... عجبتنى كان بها .. منفعش يبقى و انا فى القاهره ان شاء الله .. اما اروح ارتوك اوتو احجز الاوكتافيا الاليجانس .... او التيجوان .. وربنا يهدينا للى فيه الخير جميعا ان شاء الله .. تحياتى لحضرتك
رقم العضوية : 150464
تاريخ التسجيل : 23Oct2013
المشاركات : 1,878
النوع : ذكر
الاقامة : القاهرة
السيارة: بيجو 406
السيارة[2]: فيات128 - بيجو504
الحالة :
أنا مش فاكر قلت لحضرتك و لا حد تانى على السكودا Yeti و لا لأ
ما دامت ناوى اسكودا و فتيس بفتيس
المفضلات