الموضوع: ممكن حد يفيدني يكون عمل مقابلة في اي سفارة من سفارات اوروبا

اهم حاجه:
- كشف الحساب يكون فيه رصيد كويس وحركه مويسه(سحب وايداع)
-مفردات المرتب ووجواب الوظيفه في شركه محترمه ومرتب كويس
-
اهم حاجه في الموضوع كله؟؟
ايه التأشيرات اللي اخذتها قبل كده؟

هم بيترعبوا من حاجه اسمها اول مره يسافر



هو حضرتك ناوي تسافر سياحه فعلا؟؟ ولا ناوي تخلع؟؟

فعلا لو باسبورك مليان تأشيرات قديمة بيبقي الموضوع سهل .

الموضوع غير كده خالص.ولا تاشيرات ولا بتاع.الموضوع هو ان اوراقك تكون متظبطه صح وفي المقابله(اذا وجدت)لازم تقدم اجابات مقنعه للشخص اللي بيعملك المقابله.صحيح اي تاشيره بتعزز موقفك لكن مش اساسيه اوي.الاهم من كده النصيب و لو اخدت التاشيره(ان شاء الله تاخدها)في المطار في ايطاليا (اي مطار)لازم ترد علي اسئله ال immigration officer بذكاء وسرعه و ثقه لان في ناس كتير بتفتكر انها اخذت التاشيره يبقي ضمنت دخول البلد المسافر اليها لكن الحقيقه ان اصغر موظف في الجوازات له الحق في الغاء التاشيره.وعموما الطلاينه متساهلين شويه.بالتوفيق
bemo,ire

اه نسيت اقوللك مره كنت رايح اوثق ورق من سفاره ايرلندا في الزمالك ولقيت واحد محترم اوي وشيك جدا عمال يناقش الموظفه هناك(مدام شهيره)ويقولها ليه ما اخدتش التاشيره والراجل وراني جواز سفره والله ملغم تاشيرات هولندا علي المانيا علي اليونان وبرده ما اخدهاش.قول يا نصييييييييييييييييب
bemo,ire

المشاركة الأصلية كتبت بواسطة ahmodium

اهم حاجه:
- كشف الحساب يكون فيه رصيد كويس وحركه مويسه(سحب وايداع)
-مفردات المرتب ووجواب الوظيفه في شركه محترمه ومرتب كويس
-
اهم حاجه في الموضوع كله؟؟
ايه التأشيرات اللي اخذتها قبل كده؟

هم بيترعبوا من حاجه اسمها اول مره يسافر

+ جواب التأمين بالمدة اللى ناوى تقعدها هناك

فيه كذا شركة بتعمل الوضوع ده
" توماس كوك - اليكو - ...... "

+ حجز الفندق اللى نازل فيه هناك + حجز الطيران

أنا حصلي موقف مش كويس

رحت السفاره وأنا هناك إكتشفت إن كشف الحساب العظيم البنك كان مطلعه مش مظبوط.

أنا رحت السفاره يوم 15/2 مثلاً، وكنت عامل كشف الحساب يوم 14/2 ولما رحت السفاره إكتشفت إن البنك العظيم كان مديني كشف حساب لحد شهر 11 بس!!!!!!!!!!!

مع إني طبعاً كنت طالب كشف حساب لحد تاريخه

فا نصيحه راجع كل الورق مره وإثنين قبل ما تروح السفاره

شكرا علي الردود
المشكلة ان انا اول مرة اسافر
سافرة مرة واحدة بس قبل كده السعودية وكمان بغير الباسبور وهطلع الجديد فا هيكون فاضي مفهوش ولا تاشيرة
وكمان بصراحة انا طالع و هخلع او مش هخلع انا خالي هناك وقالي اول ماتيجي انا هظبطلك ورقك وهو اللي هيبعتلي حجز الفندق من هناك
بالنسبة للوظيفة انا سجلت نفسي في شركة سياحة بتاعت واحد صاحبي مسئول مبيعات بس مستني جواب التامينات
حساب البنك عندي كويس وفي حركة سحب وايداع كويسة بس انا سمعت ان لازم يكون الرصيد النهائي كبير يعني مايقلش عن 50 الف مثلا
وطالبين مني كريدت كارد عملته بس مستني استلمه وربطتله وديعة ب 10 الاف
وحجز الطيران سهل عمل برينت بنفس توقيت حجز الفندق
بس بالنسبة لو سالوني في المطار مش عارف هرد ازاي وانا مابعرفش اتكلم ايطالي !
بصراحة انا قلقان ونفسي اسافر من زمان والمشكلة ان خالي زنقني في الوقت جدا قالي لازم اكون هناك ان شاء الله قبل 20 ديسمبر
انا اتخنقت من كمية الورق اللي بعملها ده غير المصاريف
ادعولي بقي انها تعدي علي خير

بص يا عم العيون البني

-لو مكتوب لك انك تسافر هاتسافر
لو مش مكتوب مش هاتسافر