مختصر العبارة.. للتهرب من دفع جمرك السيارة
صحيح متجيش الا على الغلبان ندفع من قوتنا تمن العربية اللى بنركبها انما يا بخت من كان النقيب خاله....موضة تنتشر الان بين المحاسيب و الفى أى بى فقط و هى استيراد سيارة بدون دفع جمركها و بالقانون....طب اذاى..؟ بسيطة جدا , شركات السياحة من حقها تدخل عربيات دون دفع جمارك و بتكون النمر مكتوب عليها سياحية و بعد 5 سنوات يدفع جمرك رمزى على اساس ان السيارة تكون استهلكت....الحاصل تأتى السيارة تبع شركة السياحة الفلانية و يتعمل عقد ايجار "مضروب" و يجدد تلقائيا باسم المحظوظ ابن المحظوظة صاحب الحظوة و النتيجة....مئات الملايين تضيع من خزائن الدولة و لا عزاء للشرفاء
مختصر العبارة فى التهرب من جمرك السيارة
للأسف العديد من الفنانين و كباتن الكورة و رجال الاعمال و خلافه.....كلهم شغالين على الموضة دى....بس لو فكرت حضرتك او حضرتى نعمل كده....هتلاقى بدل القانون الف قانون نزلين على دماغك ...آسف على دماغى و مش هتلاحق ....الله يرحمك يا عم صلاح جاهين قال من 35 سنه يا بلدنا يا عجيبة فيكى حاجة محيرانى....نزرع القمح فى سنين و يطلع القرع فى ثوانى.....انا قلت اللى فى نفسى بس بأسلوب اعتقد محترم و خالى من الأسفاف و ربنا يستر.
