محتاج مقارنة بين بيرسونا أتوماتيك 2015 و رينو لوجان فول أوبشن اتوماتيك 2015

محتاج مقارنة بين البرسونا الأتوماتيك 2015 و اللوجان الفول أوبشن الأتوماتيك 2015
من حيث الأداء و الإعتمادية و توافر قطع الغيار و وسائل الأمان

فى حد إستخدم العربيتين قبل كده أو حتى يقدر يقارن ما بينهم بيحيادية, ياريت تفيدونى بخبرتكم العملية و العلمية

بسم الله الرحمن الرحيم

اخى الفاضل

هذه مقارنة صعبه جداً و شاقة. على اى حال ساعطيك ما لدى:

1 - الرينو اوفر فى استهلاك الوقود

2 - الرينو اكثر رفاهية

3 - وكيل الرينو افضل من وكيل بروتون

4 - البيرسونا محرك اقوى

5 - ثبات البيرسونا لا يقرن باللوجان بل يقارن بالفلوينس

6- صاج البيرسونا اقوى من صاج الرينو

7 - الرينو اجمل من البيرسونا فى الشكل الخارجى و الداخلى (وجهة نظرى ولك الحق فى رفضها)

8 - الرينو سياره شبه صامته اذا ما قورنت بالبيرسونا (البيرسونا مزعجه بعض الشى)

9 - اعتمادية البيرسونا تتساوى مع اعتمادية الفلوينس فما ظنك باللوجان

10 - البيرسونا تصل لسرعات اكبر و لا تصل لها اللوجان

هداك الله لارشد امرك و اقومه

السلام عليكم و رحمة الله و بركاته

أنا متشكر جدا لرد حضرتك و إهتمامك بالموضوع
انا حاولت أقارن ما بينهم من خلال الكتالوجات و المواصفات الموجودة على النت
فى الحقيقة هما بنسبة كبيرة متساويين فى وسائل الأمان
أما بالنسبة للإعتمادية و الداء فدى حاجة متظهرش إلا بالتجربة
بس الواضح من خلال كلام حضرتك إن البيرسونا أكثر إعتمادية و ثبات
وفى الحقيقة ده شىء مهم بالنسبالى علشان أنا بمشى بالعربية يوميا ما يقرب من 150 كم