السلام عليكم
عربية سيراتو 2011 فابريكه بره جوه اللون أسود جنوط 15 كاوتش جديد من شهر عداد 33000 كم إشارات مرايات شفتات في الطارة من تانى يد فيها رخصة سنتين. صاحبها عايز يخلص على 117500. هل العربية كده غالية ولا تستاهل
عرض للطباعة
السلام عليكم
عربية سيراتو 2011 فابريكه بره جوه اللون أسود جنوط 15 كاوتش جديد من شهر عداد 33000 كم إشارات مرايات شفتات في الطارة من تانى يد فيها رخصة سنتين. صاحبها عايز يخلص على 117500. هل العربية كده غالية ولا تستاهل
١١٧ الف !! خليه يشيلها للشتا الجاي ، اهي تدفيه
وقتها لما كنت بشتري ، الهاي لاين الخليجي (ماعدا البصمه) كانت ب ١١٨ الف زيرو زيرووووو
لو تخلص على 90 الف حلو او اوى او 95 الف غير كده لا طبعا سعر مبالغ فيه بصراحه ومتنساش دى مستعمله يد تانى وياعالم ايه الى حصل فيها يعنى
شوف انا قلتلك لو تخلص على 95 حلو اوى كفايه عليها
الشكر لله وحدو وانا معنديش ولله حد يفيدك وانا حدورلك نوعيه كويسه كورى او يابانى لو حابب على 95 او 100 مستعمل نضيف لو لقيتلك حكتبلك هنا تمام كده
علشان نعرف نقولك العربيه تستاهل السعر ده ولا متستهلش نحتاجين نعرف هى العربيه فيها
فتيس 6 سرعات
فتحه سقف
فرامل abs
تكييف تاتش بشاشة ديجتال
فوجات
cd -usb-aux
مسند يد خلفى
مساند رأس خلفيه
اكر داخلية نيكل
اكر خارجية نيكل
مفتاح بصمه
عدادات رياضية الى بتكون لونها احمر
طارة مالتى
بلوتوث
ايرباج واحده ولا اتنين ايرباج
نور صالون امامى
نور فى المرايات
مثبت فى الرخصة فامية
ممكن تفيدنا بالكماليات الموجودة من دول علشان نعرف نقيم السعر صح
معلش اللى يخليك تدفع 117 الف جنيه فى عربيه مستعمله والله اعلم ايه اللى فيها الافضل تشوف اى عربيه زيرو بنفس سعرها خاصة ان السيراتو فى فئه العربيات المتوسطه يعنى زيها زى الاوبترا وزى التيدا وزى الصنى القديمه
انا لو فى مكانك هجيب سوزوكى سياز او رينو لوجان وبالتوفيق