الصديق tasaka فين الفلتر ؟؟؟؟
الصديق tasaka
1- احنا وصلنا انه انا غيرت الرادياتير ونزلت زيت الفتيس عن طريق الطبه بس..
وبعدين طحن والفتيس سخن وكان هايقفش
2- روحت للميكانيكي وخدت معايا زيت من الرخيص ابو 33 جنيه وتاني نزل الزيت الموبيل
اللي مباقس له يومين وطبعا نزل كله مطحن وحط 3 لتر من الرخيص
3- مشيت يادوب 4 كيلو علي يومين لقيت الزيت برضه طحن
طبعا ما مشيتش بالعربيه خالص وسالت ميكانيكيه كتير هل الفتيس ممكن يوصله ميه
غير من دوره التبريد بتاعته اللي في الرادياتير ؟ الجميع قالوا لا ابدا ولا من وش السلندر
4-روحت للميكانيكي تالت مره وخدت له زيت فتيس شل ب 35 جنيه اللتر
والمره دي انا صممت انه يفتح الكارتيره ويفضي الزيت اللي فيها وينضفها.. لانه كان خايف
يفتحها لانه مش ميكانيكي فتيس ...
5- المهم فضي الزيت من الطبه وبعدين فك الكرتيره ...لقينا الزيت عامل عجينه مطحنه عجينه
محترمه علشان كده اي زيت كنت بحطه بيطحن من العجينه دي
6- المهم نضف الكرتيره بالجاز وشطفها بميه ونشفها وطبعا ماعندوش وقت يستني يصفي
الزيت اللي نازل من الفتيس راح نافخ هوا من الكمبرسور علشان ينضف الزيت من
اجزاء الفتيس اللي بيسموه العقل وطبعا انا كنت مرعوب اقول له ياسطي يمكن غلط راح
مزعق فيا وقالي انت ها تعلمني شغلي ؟؟؟
7- المهم انا كنت شاري فلتر بيقولوا عليه مصفي هو بلاستيك علشان نغير القديم
ملقناش اي حاجه شبهه ولا فيه فلتر.....
هل حضرتك تعرف مكانه فين في النوبيرا ؟؟؟؟؟؟؟؟؟؟؟؟
لاني ها نزل الزيت تاني وها نضف الكرتيره تاني
8- بعد موضوع الكرتيره دي العربيه الماتور بقي خشن شويه والسحب قل والدركسيون بقي
تقيل هل فيه علاقه ؟
طبعا الحوار ده حصل اثناء فتره الايقاف