الموضوع: الصديق tasaka فين الفلتر ؟؟؟؟

المشاركة الأصلية كتبت بواسطة waga

الصديق tasaka
7- المهم انا كنت شاري فلتر بيقولوا عليه مصفي هو بلاستيك علشان نغير القديم
ملقناش اي حاجه شبهه ولا فيه فلتر.....
هل حضرتك تعرف مكانه فين في النوبيرا ؟؟؟؟؟؟؟؟؟؟؟؟
لاني ها نزل الزيت تاني وها نضف الكرتيره تاني

الزميل tasaka
وضح... ابن ... افصح ...
فين فلتر فتيس النوبيرا الاوتو ؟؟؟؟؟




....
....

المشاركة الأصلية كتبت بواسطة waga

الصديق tasaka

الحمد لله اني لقيتك انا قعدت ادور علي اي موضوع ليك علشان اكملك اللي حصلي
وعرفتش اوصلك والحمد الله علشان انا نيتي خالصه لقيت حضرتك لانه كان مهم اني
الاقيك. ..
اولا انا اسف جدا لانك اتوقفت بسببي معلش ماينوب المخلص الا تقطيع هدومه
ارجوك تقبل اعتذاري...

ثانيا: اديني فرصه بس الاول ارد علي الاصدقاء اللي بعتولي وها اوافيك بكل اللي
عملته في العربيه الاسبوع اللي فات بالتفصيل الممل في رد منفصل

ثالثا: ها ستاذنك انه حضرتك تروح للبريد بتاعك هتلاقي الرد اللي انت كتبته لي
في الموضوع اللي اتشطب في الرساله اللي المراقب اياه بعتهالك علشان
يقول لك سبب الوقف ايه من فضلك اعمل كوبي لردك وحطه هنا وان شاء الله
تكمل هنا في قسم الدايو
واسف مره تانيه علي ايقافك

ده الجزء اللى جاء فى رساله الايقاف ( و ليس كامل الردود )

انا موش خبير .. و لكن فيه دوره تبريد للفتيس و بتمر داخل الراديتير .. راجع الدوره الكامله لتبريد الفتيس بدقه بالكامل

و بعدين الاهم من كده ان الفتيس بيكون جزء من زيته فى الكرتيره .. و لكن ايضا هناك جزء كبير تانى داخل الفتيس نفسه لا يخرج عند تفريغ الكرتيره من الزيت ..و ده برضه اكيد كمان كان وصله ميه .. و عندما استعملت الفتيس سيبدأ الزيت فى الدوران داخل الفتيس و يختلط الزيت القديم الذى به ماء مع الزيت الجديد .. ده لازم يخرج بعمل تفريغ كامل للفتيس بطريقه معينه

لازم تشوف كتالوج عربيتك بتأخذ كام لتر زيت فتيس .. و شوف اللىى نزل من الكرتيره كام لتر زيت ( عايره عن طريق زجاجه مثلا ) علشان تعرف هل الزيت كله نزل ام لا

و ربنا يسهل لك امورك


و اعتقد انك لو لحقت تقرأ الرد ده قبل حذف الموضوع ما كنتش غيرت زيت الفتيس بدون داعى ( ثلاث مرات و عايز تغيره الرابعه ) بدون ما تحل الموضوع بالطريقه الصح

انتظر منى رد كمان ساعه كده ..

6- المهم نضف الكرتيره بالجاز وشطفها بميه ونشفها وطبعا ماعندوش وقت يستني يصفي
الزيت اللي نازل من الفتيس راح نافخ هوا من الكمبرسور علشان ينضف الزيت من
اجزاء الفتيس اللي بيسموه العقل وطبعا انا كنت مرعوب اقول له ياسطي يمكن غلط راح
مزعق فيا وقالي انت ها تعلمني شغلي ؟؟؟

مهم جدا .. كام لتر زيت نزلوا من عقل الفتيس ؟؟ مهم جدا لان ده الفيصل فى توقف ظهور الطحينه .. و كميه الزيت فى غقل الفتيس لاى اتوماتيك عاده تقترب من نصف كميه زيت الفتيس الكامله ( يعنى كميه محترمه )

كام لتر نزلوا من الكرتيره ؟؟

هل مقاس زيت الفتيس كان مظبوط قبل البدأ فى التنظيف

فى كتالوج العربيه .. الفتيس بيأخذ كام لتر زيت ؟؟ مهم جدا لان الرقم ده هو اللى خا يخليك متأكد ان كل الزيت نزل ( مجموع اللى نزل من الكرتيره و عقل الفتيس )

- المهم فضي الزيت من الطبه وبعدين فك الكرتيره ...لقينا الزيت عامل عجينه مطحنه عجينه محترمه علشان كده اي زيت كنت بحطه بيطحن من العجينه دي

ده بقى " عجينه محترمه " كلمه تقلقنى سواء فى زيت موتور او طبعا فتيس .. ما اعرفشى مدى تأثيرها او كيفيه اخراجها .. و هل حصل نفس الشيئ جوه عقل الفتيس ام لا ؟؟

و على فكره ده نتيجه البدايه الخطأ لحل الموضوع .. و ان شاء الله يكون خير .. بس كفايه عند كده .. و الاول حدد خطوات الحل و حيكون عند مين

الزميل tasaka
وضح... ابن ... افصح ...
فين فلتر فتيس النوبيرا الاوتو ؟؟؟؟؟

انا معنديش نوبيرا علشان اعرف مكانه فين بس هو احد احتمالين بصفه عامه
1- يكون فى قلب الفتيس من جوه و عاده النوع ده ما بيتغيرش او كل سنيين طويله جدا
2- او بيكون اول حاجه ظاهره امامك بعد فك الكرتيره و تغييره بيكون سهل

و عموما لابد الاول من تنظيف الفتيس بالطريقه الصح و بعدين موضوع الفلتر

هل طحينه الزيت توقفت خلاص و لا لسه ؟؟

العربيه عامله كام الف .. وهل المالك السلبق وضح لك اى حاجه عملها فى الفتيس ؟؟

انا بسأل الاسئله دى علشان توفر عليه لما اكتب الرد لانى ساحاول اعاده كتابه كل ما كتبته فى الموضوع الذى تم حذفه

لذا ارجو الاجابه

خطوات الحل الان من وجهه نظرى

الكتالوج

1- لابد من معرفه الفتيس بيأخذ كام لتر من الكتالوج ..

2- و ايضا معرفه اللزوجه و الرقم المطلوب للزيت من الكتالوج و يكون الزيت النهائى بعد التنظيف هو نفس المواصفه المطلوبه

3- اذهب لقسم الكتالوجات فى المنتدى و حمل كتالوجك

عجينه محترمه

- بالوضع الحالى ( عجينه محترمه ) .. لازم تروح لصنايعى فتيس تفهم الفتيس حالته ايه بصفه عامه ( يعنى استشاره فقط بدون اى شغل ) .. و برضه اسأل الميكانيكى اللى نفخ لك عقل الفتيس بالهوا عن حاله فتيسك ايه دلوقتى بالتقريب .. و الافضل يسوقوا العربيه بنفسهم علشان يحكم كويس

- و تسألهم برضه هل العجينه دى دخلت جوه عقل الفتيس .. و ايه طريقه تنظيفها ؟؟ و لا موش حاتخرج الا لو فك االفتيس بالكامل مثلا ؟؟

مهم جدا

النوبيرا مشهوره اصلا بمشاكل الفتيس الاوتوماتيك .. و الحمد لله ان انت فتيسك كان كويس .. بس ده كان لازم يخليك حذر فى البدء فى الاصلاح .. و ده محصلشى

اى فتيس قديم حتى فى عربيات بى ام .. لو كان مهمل مثلا لم يغير زيته مثلا 100 الف كيلو .. لو قرر انه يغير زيت الفتيس ممكن جدا ان الفتيس يعطل بعد ما كان ماشى كويس

و ده بسبب ان الزيت اصبح فيه رايش و غيره ( بيخلى الفتيس يعشق بالرغم من التأكل ) .. و بعد التنظيف و نزول الرايش تبدأ المشاكل .. و برضه ممكن تعدى على خير من غير مشاكل ( و الغلطه اصلا اهمال و تصرف غير سليم بعدم تغيير الزيت مثلا حتى 100 الف )

فيه عضو فى المنتدى معاه نوبيرا اشتكى انه لما راح التوكيل رفضوا نهائى يغيروا له زيت فتيس كامل .. و ده طبعا اكيد لظروف عربيته و خوفهم انه يحصل حاجه .. و فيه موديلات محترمه و المانى بينصحوهم انه لا يغير زيت الفتيس حتى لو الكتالوج طالب كده .. و ده بيكون بناء على تجارب تعرضوا لها مع الموديل المعين ده

انا باقول لك ده علشان كل شيئ تضعه فى اعتبارك ( تقييم الصنايعيه لحاله الفتيس .. العجينه المحترمه .. هل فيه مواد للتنظيف ام لا و هل من الصح استعمالها ام لا )

الصح

لو تقييم الفتيس انه مازال كويس .. لازم تتعمل تغيير دوره كامله و بعدين الفلتر الجديد و الزيت حسب الكتالوج

تغيير الدوره الكامله اما فى التوكيل .. و لو اسعاره مبالغ فيها يبقى فى مراكز الصيانه المحترمه حتلاقى عندهم الماكينه دى و تعملها عندهم .. او صنايعى فتيس يكون محترم و يكون عارف يعنى ايه تغيير دوره كامله .. و افضل مرامز الصيانه المحترمه بالماكينه و السعر حيكون معقول

او بطريقه الفيديو اللى وضعته لك و تفهمها للصنايعى و دى حتكون تكلفه بسيطه

انت دفعت لحد دلوقتى اكتر من لو رحت عملت الشغل الصح من اول مره .. و ما خدتش غير العجينه .. و الحل الاول كان بسيط و بدون مضاعفات و اى ضرر على الفتيس

و شغل الفتيس يكون عند صنايعى فتيس محترم موش ميكانيكى زى اول واحد رحت له اول مره

المطلوب التأكد من اخراجه من الزيت

1- زيت الكرتيره .. و يتم معايره الخارج فى زجاجه لتر مثلا لتعرف الكميه .. و ده بيكون تقريبا حوالى نصف كميه الزيت الاجماليه
2- زيت عقل الفتيس .. و يتم معايره الخارج فى زجاجه لتر مثلا لتعرف الكميه .. و ده بيكون تقريبا حوالى نصف كميه الزيت الاجماليه
3- فيه شويه زيت حيكونوا فى المواسير اللى داخله على الراديتير .. دول برضه لازم نفخهم نفخ ضعيف علشان الماسوره تفضى و ينزلوا للكرتيره
4- يتم حساب اجمالى الزيت اللى نزل و لازم يكون مساوى للكميه المكتوبه فى الكتالوج .. لان غير كده يبقى ده معناه انه لسه فاضل زيت مطحن جوه الفتيس

فى ماكينه الدوره الكامله ( انا لم استعملها قبل كده ) و لكن اعتقد حاتشوف ان الزيت ابتدأ يبقى صافى و شفاف و ده سبين ان كل شيئ خرج ( بس موضوع العجينه ده انا معرفش عنه حاجه .. اسأل صنايعى فتيس )

فى جميع الاحوال تغيير الزيت لازم و الموتور فى درجه حراره التشغيل و زيت الفتيس اصبح سخن و اخذ دورته

فيديو التنظيف

ده فيديو تغيير دوره كامله لزيت فتيس لعربيه هوندا قديمه ( موش دوره راديتر زى ما انت رديت )
فى اخر الفيديو .. اثناء خروج الزيت حتى اصبح شفاف .. صاحب السياره كان بيزود زيت باستمرار اثناء خروج الزيت القديم الى جردل الزيت البلاستيك .. لان لو لم يتم اضافه زيت اثناء خروج الزيت القديم .. الفتيس يبوظ

[youtube]https://www.youtube.com/watch?v=MsdPAadc9fY[/youtube]

بالتوفيق

الصديق tasaka

اشكر ردك المفصل

1- انا فهمت فكره الفديو لتغير الزيت بالكامل طريقه مدهشه بس لما
راجعت علي وصلات زيت الفتيس اللي رايحه التبريد وراجعه لقيتهم متبرشمين
بلحام مش زي الفديو خراطيم بافيز خساره لانها هي الحل الوحيد لمشكلتي

2- التوكيل ما بيصلحش فتيس اتوماتيك دلوقتي انا سال لان خلاص ماعدش توكيل لنوبيرا
انا روحت وسالت قالوا لا ...
3- انا عندي كتالوج النوبيرا الفتيس كله بياخد 4.5 لتر لو ها تفضيه كله
و 2.5 لو ها تغير من الطبه او الكرتيره انا بحط 3 لتر decsceron 111 ATF

4- انا رايح الجمعه برضه احل الكرتيره وانضف واحط زيت جديد دي رابع مره