لسه جديد مع اللادا ممكن نصايح

**M o H a M e D** · 29-04-2015 04:13 PM

انا بدور العربية تفصل ففى حد قالى دور وادي بنزين لاقتها اشتغل بس لما بديلها بنزين يتقطع ومرة واحدة فصلت مش بحس بصوت الشكمان فاتقفلت وسبتها وركبت مواصلات اعمل ايه ويعنى ايه كريكلها وليه لو طلعت بتفصل

**احمد شهاب** · 29-04-2015 05:53 PM

المشاركة الأصلية كتبت بواسطة m o h a m e d

انا بدور العربية تفصل ففى حد قالى دور وادي بنزين لاقتها اشتغل بس لما بديلها بنزين يتقطع ومرة واحدة فصلت مش بحس بصوت الشكمان فاتقفلت وسبتها وركبت مواصلات اعمل ايه ويعنى ايه كريكلها وليه لو طلعت بتفصل

اهلا بلدياتى ..اولا مبروك السيارة وربنا يعطيك خيرها ويكفيك شرها
ممكن تكون العربية بتشرق بنزين ..عليك وعلى صنايعى كربراتير اسمة ابو جورج مكانة شارع متفرع من شارع العاشر من رمضان بس تروح بدرى الناس بتاخد دور من 9 صباحا وخلية يظبط الكربراتير و شيك على الابلاتين واعمل حسابك فيما بعد تركب اسبراتير اليكترونى روسى جديد من البلغارى اللى فى السيوف سعرة 350 وتريح دماغك من قصة الابلاتين والكوندنسر اللى كل شوية يضربوا

**mossallem** · 29-04-2015 07:01 PM

تعالا في ريح اخواتك
اولا الف مبروك علي العربيه
تاني حاجه الحوار ده كربراتير روح ل اي حد بتاع كربراتير ممكن يكزن محتاج تنظيف بس
لانه احيانا البنزين بيكون في شوائب وممكن يكون في عيب ربنا معاك

**M o H a M e D** · 29-04-2015 10:27 PM

المشاركة الأصلية كتبت بواسطة احمد شهاب

اهلا بلدياتى ..اولا مبروك السيارة وربنا يعطيك خيرها ويكفيك شرها
ممكن تكون العربية بتشرق بنزين ..عليك وعلى صنايعى كربراتير اسمة ابو جورج مكانة شارع متفرع من شارع العاشر من رمضان بس تروح بدرى الناس بتاخد دور من 9 صباحا وخلية يظبط الكربراتير و شيك على الابلاتين واعمل حسابك فيما بعد تركب اسبراتير اليكترونى روسى جديد من البلغارى اللى فى السيوف سعرة 350 وتريح دماغك من قصة الابلاتين والكوندنسر اللى كل شوية يضربوا

حبيبى ربنا يخليك انا من الاسكندرية
معلش اعذرنى هو الكاربراتير دة وظيفته ايه
ولو ركبت اسبراتير ونضفت الكاربراتير مش هتقرفنى كل شويا تقف زهقت من القصة دى

المشاركة الأصلية كتبت بواسطة mossallem

تعالا في ريح اخواتك
اولا الف مبروك علي العربيه
تاني حاجه الحوار ده كربراتير روح ل اي حد بتاع كربراتير ممكن يكزن محتاج تنظيف بس
لانه احيانا البنزين بيكون في شوائب وممكن يكون في عيب ربنا معاك

الله يبارك فيك يا غالى
تمام متشكر جدا
اصل انا نفسى اسخن العربية امشى ع طول مش تقرفنى زهقت

**mossallem** · 30-04-2015 02:36 AM

ان شاء الله يا باشا الدنيا هتبقي تمام معاك بس انت اظبط الكربراتير
وبعد كده انت من اسكندريه
يعني اكتر ناس بيحبو الادا في مصر

**احمد شهاب** · 30-04-2015 08:40 AM

حبيبى ربنا يخليك انا من الاسكندرية
معلش اعذرنى هو الكاربراتير دة وظيفته ايه
ولو ركبت اسبراتير ونضفت الكاربراتير مش هتقرفنى كل شويا تقف زهقت من القصة دى
وانا ايضا من اسكندرية ..الكربراتير فوق منة العمة السوداء اللى فيها فلتر الهوا ودة وظيفتة خلط الهواء مع البنزين بنسبة 1 بنزين الى 15 هواء تقريبا... لو نسبة قلت العربية بتستهلك بنزين زيادة عن معدلها بكتير والبوجيهات تهبب
عارف شارع القاهرة سيدى بشر متفرع منة شارع 30 خش شارع 30 كأنك رايح ش 45 تالت شارع شمال هو شارع العاشر من رمضان خش فية واسأل على ابو جورج بتاع اكربراتير وروح بدرى عشان تاخد دور
لو ركبت اسبراتير اليكترونى روسى ان شاء اللة مش ها تتعبك مفيش كل شوية ابلاتين يلدع او كوندنسر يضرب والاسبراتير انا جبتة من البلغارى فى السيوف بالمشط بالضفيرة ب350 وفية هناك كهربائى خلف معهد السياحة اسمة مجدى ركبة عشان لازم صنايعى فاهم يركبة عشان المشط ما يضربش .. وخلى الاسبراتير القديم فى الشنطة
احتياطى ,,,لو العربية فيها rpm شغال الغية وشيل السلك بتاعة لانة فى اللادا احيانا بيكون سبب فى برجلة العربية وربنا معاك