عرض للطباعة
السلام عليكم ورحمة الله وبركاته ،،
إن شاء الله هغير اول تغييرة زيت للعربية بعد ما اشتريتها ومحتار فى نوع الزيت اللى هستخدمة ما بين كاسترول وموبيل وانتظر اقتراحاتكم من واقع تجربتكم .. محتاج زيت ثباته عالى لا يتبخر بسرعة ويهدى صوت المحرك مع اداء واستجابة عالية وفعالة ..!!
العربية ابيزا 2000 محرك 1.4 عاملة 215000 كيلو .
شكراً للجميع ..!
مبدئيا شل الاصفر او توتال ٥٠٠٠
لكن الموضوع ممكن يفرق حسب حالة المحرك ونوع الزيت المستخدم قبل كده
زيت كاسترول زيت معتمد من سيات ومحترم
فى بردوا زيت كويس ألمانى اسمه ولفر
بس لو موتورك بياكل زيت خليك فى كاسترول احسن
عشان ولفر هيتاكل بسرعه
كاسترول افضل لكن من راي استعمل شل
كاسترول طبعاً
وممكن تجرب وولفر
وزادو
الأنواع كتير اوي
اهم حاجة لازم في البداية تكون التجربة بالأخف ثم الأثقل
يعني جرب ب10-30
ثم 10-40
ثم 15-50
ثم 20-50 أخر حاجة
جزاكم الله خير جميعاً ، الحمد لله تم تغيير الزيت والفلتر وغيرت بـ كاسترول ايدج 5w-40 وسعره 320 جنيه والفلتر علامات الفولكس وسعره 60 جنيه من عند فاخورى موزع معتمد فى شارع الاربعين خلف حديقة بدر عين شمس .
ملاحظاتى :
- الزيت اللى نزل كان عفى عليه الزمن ونازل اسود وخفيف نوعاً ما ( اللى اشتريت منه العربية واضح انه مهمل ) .
- بعد تغيير الزيت صوت الموتور اهدى بكتير والعربية فاقت عن الاول بمراحل وده طبيعى لأن الزيت لسه بحالته وان شاء الله مع الوقت هخرج بتقييم نهائى عنه .
مرة تانية اشكركم جميعاً على الردود والمساعدة وسعيد انى موجود فى قسم السيات ..!! :)
تحياتى
الف مبروك الزيت
برجاء المتابعة الأسبوعية للمستوي وتسجيل الكيلومتر وكتابة الملاحظات
انت ممكن تعمل موضوع هنا وتكتب فيه كل اللي انت عايزه بحيث يكون مرجع مؤرخ ليك ولينا جميعاً
تحياتي واهلاًبيك في قسم سيات نايل موتورز
كلام سليماقتباس:
المشاركة الأصلية كتبت بواسطة syd
لازم تشيك عالزيت كل اسبوع بالكتير عشان الماتور عامل كيلومتر عالي وممكن تحتاج بعد كده تغير زيت لزوجته اعلى
بيزول المانى
ابيزا 2002 .. 1000 سي سي
تم تجربة زيت موبيل .. شيل الاصفر .. توتال
بعد المتابعه الدقيقه ( توتال افضلهم )
لزوجة كام ؟اقتباس:
المشاركة الأصلية كتبت بواسطة hnabil6
وأفضلهم من حيث ايه ؟
شكراً ليكم جميعاً اخوانى الافاضل على المساعدة وان شاء الله هرجعلكم بتقرير وانطباعى عن الزيت قريب جداً لانى كنت منتظر اخلص من بعض المشاكل خصوصاً طرمبة البنزين اللى غيرتها النهاردة بفضل الله .
دايماً بكشف على مستوى الزيوت والمياة يومياً او يوم بعد يوم .!
لنا عودة ان شاء الله .. تحياتى ..!
ربنا يوفقك