الموضوع: تقـــــــــــرير صيانة 80.000 كم :: النترا 2012 ::

هو حضرتك غيرت قطمة الدريكسيون ولا اية بالظبط

المشاركة الأصلية كتبت بواسطة BUNSH

السلام عليكم ورحمة الله وبركاتة


أرجو من الله أن تكونوا فى اتم الصحة والعافيـــــة ويعدى فترة النوم اللى احنا فيها دى ع خير
** أنا مش عارف الناس زهقت مننا ومن القسم ولا أى ؟! فين الايام الذهبية بمجرد ماحد يكتب موضوع ولا مشاركة تلاقي الف من يرد علية ويساعدة والا قهوة هونضاى كنا فية لايقل 72 * 7 محدش كان بيقفل الا للنوم بس , دة أنا كان بيبقى صابح عليا امتحان فى الكلية وتلاقينى فاتح وقاعد *ايام البركة راحت*




فلـــــــة *العنوبيـة* بقالها فترة متبهدلة معانا من السخنة للعبور لشرقية لوسط البلد لوادى نطرون لتجمعات ومديتنى للاسكندرية لهرم ودهاليزها للمعادى * الصراحة استويت وكلة كان وراء بعض *


وجـــة ميعاد صيانتها الـــ 80 وطبعا عديتها بــ4000 كيلو ومكنش فية وقت لأى حاجة الصراحــة فبمجرد مالقيت وقت وفرصــة حجزت وطيرت ع مركز سبيد سيرفيس (( بشمهندز هانى )) .






يوم الاثنين الموافق 27-4-2015 فى تمام الساعة 2:25 دقيقة كنت فى المــــركز :
وكان معايا :











# فلتر هواء .
# فلتر زيت .
# فلتر بنزين .
# زيـــــت ولف 10.000 كم .
# وكدة ناقصلى تغيير فلتر التكييف ونسيت اغيرة وبصراحة اتعدم تراب نفضتة مؤقتا لغاية لما اشتري .




واخدت البوجيهــات من مركز سبيد سيرفيس .




عقبال ماشربت الكزوزة ودردشنـــــا شووية أنا والبشمهندس هانى كانـــوا الرجالة خلصـــوا وكلة تمام وهوة بنفســـة شييك ع العربيــة وعمل برمجــة قطمة الدريكسيون وقالى افصل العربيــة لمـــدة عشرون ثانيــة ودور وطير واطلع جرب ع طريـــــق وقولى ع رأيك ..











# انطبــــــــــاعاتى عن الاداء #


1 :: دواســـــة بنزين بقت ملبن والعربيــة استجابتها بقيت اســـرع وتحس أنها فاقت وبقت فيرانــــة لدرجة لو ريحت ع دواسة الكاوتش بيفرك فى الارض =(بسم الله ماشاء الله ولاحول ولاقوة الا بالله العلى العظيم)= ربنــا يدينى خيرها ويكفينى شرهـــأ .


2 :: الدريكسيون تـــــــقل عن الأول .


3 :: مجموعة الفرامل اتحسنت عن الأول بكتيير .






# انطبــــــــــاعاتى عن المركــــز #


1 :: يأريت تسفلت الحتــــة اللى من أول الشارع لغاية المركز ( يأما تتحمل تكاليف تظبيط العفشة ) .


2 :: عدم وجود واى فــــاى .


3 :: يرجى عمل تعاقد مع الشيف سرحــان لتزويــد العملاء بكل ماهوة لذ وطــاب


4 :: المصنعيــــة نـــار مش عارف هلاحق عليها منين يعنى دفعت 85 جنيها مصــريا فقط لاغير قيمــة ( تغيير فلاتر وبوجيهات وزيت وبرمجة قطمة دريكسيون ورجلشــة )



مش عارف الصــراحة لو قاصد تخســـر نفسك مش هتعمل كدة الا لو بتربى عميــــــل بس اسعارك غالية برضــة لحسن تزودها عليــا فى الفاتورة اللى جاية وتبقى مجمعة من أولة أهوة مش دافع !









جزاك الله كل خير يابشمهندس هانى وربنــا يجعلة فى ميزانك يارب ويكرمك ويعينك وعقبال ماتسحب الوكالة من هبـــــــــــــــــــور
== فكرتنى بهبور بعتلولى مسج من يومين متقولش حاسين بميعاد صيانتى قربتة وتعالا هنعملك صيانة وخصم خمساشتر% ( طيبين أووى ياخال وقلبهم علينــا ) ==

الاخ الفاضل و الصديق الخلوق
شوف انت المره اللي فاتت زلتني و فضلت موقف العربيه 5 ساعات و العربيات مش عارفه تتطلع منك و لا ندخل عربيات تانيه علشان انت واخد المفتاح بس اعمل ايه فيك ؟؟ بحبك و بعزك بس كده
دايما يديك خيرها و يكفيك شرها يا صديقي و عقبال صيانه المليون
بس انا ليا تعقيب صغير علي موضوع الشيف سرحان هنقدم فوار حموضه مع الوجبات

مبروك الصيانة وعقبال صيانة 80 مليون
ياريت تفاصيل في موضوع ( عمل برمجــة قطمة الدريكسيون )
وكانت ايه الشكوى ؟؟
وهل عملت تنظيف للحساسات وبوابة الثروتل بادي ؟؟

هو الاخ الفاضل صاحب الموضوع لية مبيردش على الاستفسارات .!!!!!