شراء اطارات جديدة للفيرنا

**7awadeet** · 30-04-2015 02:18 PM

بسم الله الرحمن الرحيم

معلش انا محتاج مساعدة فى اختيار اطارات جديدة لعربيتى الفيرنا لانى هضطر اغير الكاوتش اللى مسببلى رعشة فى الدريكسيون حتى بعد عمل ترصيص وزوايا وبعد ما كذا حد شافها حتى بتاع العفشة وقالى ان الكاوتش خلاص وفيه عالى وواطى ... المهم انى قررت اغير الاربعة ان شاء الله مع العلم ان اللى راكب فيها جنطها الحديد الاصلى مقاس 13 .. 70 .. 175 بس انا فكرت فى كذا حاجة

اولا : فكرت انى اغير لجنط 14 وناس كتير نصحتنى بكدة بس لقيت ان دة هيبقى مكلف علية جدا فتوكلت على الله وقولت هجيب كاوتش نفس المقاس بتاعى وخلاص
ثانيا : يا ترى اى نوع الكويس فى المقاس دة ومريح ليه بغض النظر عن السعر ... انا عاوز حاجة مريحة خصوصا انى بسافر بالعربية كل اسبوع او اتنين
ثالثا : ازاى اتاكد من الكاوتش اللى بشتريه انه اصلى وكويس وايه الرموز اللى ابص عليها واتاكد ..

معلش طولت عليكو واتمنى من اصحاب الخبرة اللى هنا يساعدونى ...

وشكرااااا مقدما

**7awadeet** · 03-05-2015 10:14 PM

ايه يا جماعة ... هو الموضوع صعب ولا ايه ؟ ياريت لو حد يقدر يفيدنى لانى خلاص هشترى بكره او بعده ان شاء الله ...

**khmshry** · 05-05-2015 10:53 PM

لو مقاس 14 جرب بريلي p1
لو مقاس 13 جرب هانكوك او يوجوهاما

**7awadeet** · 07-05-2015 10:53 AM

شكرا على الرد ... بس جه متاخر .. خلاص انا جبت بريدج ستون b250 تايلاندى ... وركبتها اول امبارح والحمد لله الرعشة اختفت تماما والعربية هادية وكويسة والدريكسيون باة انعم كتييير ... رغم انى بعد ما جبتها مقريتش عنها كلمة كويسة :d شكرا مرة تانية