كل واحد يقولنا نوع عربيتو البيجو و بيحطها زيت ايه
انا عن نفسى بحط توتال و ممتاذ جدا معايا
عرض للطباعة
كل واحد يقولنا نوع عربيتو البيجو و بيحطها زيت ايه
انا عن نفسى بحط توتال و ممتاذ جدا معايا
بيجو 307 المحرك 1.6 واستعمل في الشتاء زيت توتال كوارتز5w30 وفي الصيف توتال 5w40
بيجو 406
آخر مرة حطيت زيت ال 10000 5w40 موبيل 1 لانى ما عثرت على شل او توتال
الزيت نقص بعد 3 آلاف كيلو---- من الحد الاقصى للمنتصف !!!
الايجابيات لم يتم عمل تنظيف للبوابة طوال هذه الفترة
بيجو 207 1.6 (نفس موتور ال307 ال110 حصان)
جربت Total Quartz 9000 5w40
Castrol Edge 5w40
Shell helix ultra 5w40
أداء الموتور: الفروق بينهم بسيطة, و ان كان الشيل أفضلهم فى رأيى
التبخير كله زى بعضه, بينقصوا حاجة بسيطة
مدة الخدمة: كلهم أخرهم 8000 كيلو و اللزوجة بتخف و اللون بيتحول أسود
مع التوضيح انى بحط 3.25 لتر كل مرة حسب المكتوب فى الكاتلوج
و تغيير فلتر الزيت (أصلى)
سواقتى متغيرة ما بين طرق بطيئة و سريعة و حرق على الغيارات
انا جربت توتال وشيل وموبيل
افضلهم من راي زيت شيل واللي بحطه هوا 5w40
اخر مرتين ملاقتهوش بسبب ان شيل للبترول استحوذت عليها توتال وكنت بشتري الزيت من البنزينة أضمن من التجار
بس لاقيت مراكز خدمة ل شيل بدأت تفتح مؤخراً بتبيع زيوت بس ودي اللي هتعامل معاها بعد كدا
الحمدلله ويارب تكون في أحسن حال دايماً :original:
وربنا يخليك انت كمان من الناس المحترمة والزوق اللي انا مفتقد الكلام معاها.
الزيوت التخليقية بالكامل نسبة البخر فيها اكتر من المعدني لانه اخف من المعدني
والمؤسر او معيار الزيت بيخوف الناس لما بيلاقوه قليل وبيفكرو الموتور بياكل زيت كتير او الزيت وحش
بس المعيار بيشير لمعدل لتر واحد بس لي الموتور مش ٣ ولا ٤
يعني لما المعيار ينزل للنص بعد ٣٠٠٠ ل ٥٠٠٠ كيلو بيكون اتبخر تلت لتر ولا حاجة
انت متزودش نص كيلو زيت كل ١٠٠٠ كيلومتر
انت راجع معيارك كل اسبوع او اسبوعين علي حسب استهلاكك للعربية وزود شوية لما تلاقيه وصل للنص
وكدا هتبقي في السليم ان شاء الله
وخليك مع لزوجة 5w40 دي أفضل حاجة لموتورك.
أيوة, فيه مركز في خدمة بس المعادي
ودا لنك صفحتهم علي الفيس وفيه الرقم بتاعهم
https://www.facebook.com/pages/Shell...369382?fref=nf
ازيك الاول استاذ احمد
هوا لازم اتابع الزيت على المقاس ولا كفايه الاحظ الرساله اللي على الداش بورد في بداية الدواره
مع العلم اني لقيت زيت الفابريقه ناقص نص كيلو بعد استهلاك 8500 كم
ده اولا
ثانيا عندي بخر زيت خفيف جدا على الموتور من و هوا زيرو تحس ان التراب مش نفس اللون على الموتور و الموضوع ده مضايقني عشان معظم العربيات اللي شفتها مفيهاش كده و في التوكيل طبعا طنشوا و اوتوسيرفس قالوا ان ده تبخير خفيف جدا فأيه رأي حضرتك
الحمدلله يا استاذ هاني
اخبار حضرتك ايه ؟
لا مش لازم تتابع انا عن نفسي بكتفي برسالة الداش بورد ولما بكون في يوم فاضي او نازل بدري وعندي وقت وبفتكر ابص عال مقياس بشيك عليه.
وهوا فعلاً بيقل في حدود نص كيلو بعد ٨ الاف كيلو ودا معدل بخر طبيعي جداً
ونفس الموضوع اللي عندك علي الموتور عندي برضه وهوا بخر الزيت كان بيضايقني برضه زيك بس مبقتش اركز معاه لاني مش بفتح الكبوت تقريباً
ولو عايز تخليه نضيف ممكن مع كل صيانة تغسل الموتور بالفوم بتاع غسيل الموتور بيرجع فابريكه
ايه اخبار العربية معاك
العربيه في رائيي اسطورة بيجو على مر العصور الواحد زي ما يكون عمره ما ركب عربيات اصلا قبل كده
بالمناسبه محدثك ادمن جروب ال 508 على الفيس و عايز اقولك ناس معانا معاها مرسيدس و فولفو بيفضلوها عليهم
لدرجة ان اللي كان شاري من 3 سنين و عايز يغيرها مستحرم فرق الفلوس الرهيب اللي هيدفعه على تمنها عشان يجيب مرسيدس e او البي ام الفئه الخامسه في فرق عربيات لا يرقى للمبلغ المطلوب و فيه ناس باعت الشكل القديم و جابت برضه الفيس لفت اللي هيا نفس العربيه بالمللي ما عدا الشاشه و الاضاءه الليد
الصراحه كان ليك حق لما قلت لي قبل ما اشتري من 9 شهور ان ال 508 هتنسيني الايام السوده بتاعة الباسات
انا عضو في الجروب بس مكنتش اعرف انك الادمن بتاعه :)
وهيا فعلاً عربية تستاهل تمنها وبتدي أكتر من قيمتها المدفوعة فيها
عشان كدا حبيت أعرف إنطباعك تاني بعد المدة اللي عدت من وقت الشراء لدلوقتي
والحمدلله انك مرتاح معاها ونستك ايام العذاب القديمة
ربنا يديمها نعمة :original: