موت و خراب ديار

**ali ashraf** · 30-04-2015 10:26 PM

قلت ان الواحد لازم يدور على بيت القرار الاخير يعنى قلت اشترى مقبرة و الناس دلونى على مقابر 6 اكتوبر باعتبار انى من سكان القاهرة و هناك فوجئت بالاسعار المقبره 40 متر تبدأ من 85 الف جنيه و 60 متر لو على الشارع و حسب " التشطيب" تصل و بدون مبالغة الى 360 الف جنية ( اللى مش مصدق يخطف رجله و يسئل بنفسه) و قلت للراجل هناك ليه كل ده 40 متر فى الصحراء و شوية طوب ب 85 الف جنية....ضحك ضحكة صفراء و قال لى يا بيه كانت ارخص من كده لحد محافظة القاهرة منزلت مقابر ( بالقرعة) 28 متر ب 73 الف جنية ...هو احنا اغنى من الحكومة...... المهم رجعت من مقابر 6 اكتوبر و شعارى اكرام الميت حرقه ........أستغفر الله العظيم .....الواحد هيقلب هندوسى .......طب الناس دى جشعة .....الدولة تنزل مقابر بالقرعة بسعر 73 الف جنيه ليه!!!!!!! شوية رمل فى صحراء مفيش خدمات مفيش كهرباء مفيش صرف ليه السعر الغريب ده.....الاستغلال حتى فى الموت.....و سؤال اخير المبالغ الخرافية اللى شفتها بتنفق فى ديار الاموات تفتح كام بيت لفتيات و فتية و شباب و شابات ليبدؤ حياة جديدة !!!!! حتى الموت بقى صعب فيها ايه لما الدولة تخصص مقابر 40 متر فى الصحراء المتر مثلا ب 50 جنية و المحافظة منزلة المتر بحوالى 2600 جنية تخيلوا يا جماعة متر المقبرة فى الصحراء 2600 جنية بذمتوكم مش الحرق اوفر......انا معنديش تفسير اللى عنده تفسير للسعر الخرافى ده يبرد نارى و يقول لى ....نقول فى الدعاء اللهم اجعل الموت راحة لنا من كل شر.....حتى الموت كمان بقى جلب للمال و بقت الحكاية موت و خراب ديار......

**misry** · 30-04-2015 10:42 PM

موت وخراب ديار زي ما بتقول ...

**hamo81** · 30-04-2015 10:53 PM

لا حول ولا قوة إلا بالله
بصراحة معنديش تفسير للغلو الرهيب ده

**mmolazem** · 30-04-2015 10:55 PM

نصبر كمان شويه !

**طارق _عبد السلام** · 30-04-2015 11:02 PM

مش لازم ناصيه وبحرى دور على حاجه قبلى................... والله .......هم........ يبكى

**abokoko** · 30-04-2015 11:20 PM

البحر الاحمر
بفضل الله ونعمته وربنا يديمها علينا نعمه

المقابر للجميع بدون شراء
وكمان على الطريق الاسلامية
لحد
يعنى حفرة لاسفل وحفرة بالجنب
وكل ميت فى حفره لوحدة
مجانا

واللى يرغب فى صدقة ممكن يساهم باى تبرع لحفر عيون او حفر جديدة

واللى اعرفه نفس الكلام للاخوة المسيحيين ان الفن فى مقابر مجانيه - و الله اعلم

**ali ashraf** · 30-04-2015 11:22 PM

السلام عليكم صدق اللى قالوا ""شر البلية ما يضحك""" و لا حول و لا قوة الا بالله

**reda elgohary** · 30-04-2015 11:44 PM

لنا الله .

**mostafabakry** · 01-05-2015 11:27 AM

يمكن المقابر دي محجوزة في رياض الجنة و لا حاجة !!!
يعني اللي هيدخل المقبرة دي رايح الجنة مثلا

-

الموضوع: موت و خراب ديار

LinkBack

أدوات الموضوع

عرض

-

-

-

-

-

المواضيع المتشابهه

همج شركة ديار القطرية على الكورنيش

موت وخراب ديار: «أيمن» عايز يبنى بيت.. دفع «المعلوم».. والبيت برضه مااتبناش ولسة بيحل

حد يرد بسرعة فى خراب هيحصل

الكلمات الدلالية لهذا الموضوع

المفضلات

المفضلات

ضوابط المشاركة