السادة ملاك BYD l3 أرجوا من حضراتكم سرد كماليات السيارة فى شكلها المانيوال، وهل هى مزودة بتليفزيون وكاميرا خلفية ولا لا؟؟:hrm_prv::hrm_prv::hrm_prv: وهل يا ترى قطع الغيار للشكل الجديد اتوفرت ولا لسة واخبار اسعارها ايه؟
عرض للطباعة
السادة ملاك BYD l3 أرجوا من حضراتكم سرد كماليات السيارة فى شكلها المانيوال، وهل هى مزودة بتليفزيون وكاميرا خلفية ولا لا؟؟:hrm_prv::hrm_prv::hrm_prv: وهل يا ترى قطع الغيار للشكل الجديد اتوفرت ولا لسة واخبار اسعارها ايه؟
الكماليات وده اللي فكره : فتحة سقف جنوط سبور زجاج كهرباء مرايات كهرباء مالتي فنكشن تكيف طبعا حساسات نور حساسات ركن حساسات مطر شاشة hd 7 inch تاتش كاميرا خلفية gps وبلوتوث وusb وaux تلفزيون ديجيتال 2 ايرباج abs ebd و مفتاح بصمة و العربية بتدور بزر start stop engine وبتفتح بشريحة من غير مفتاح املينوزير ضد السرقة زجاج فيميه كمبيوتر رحلات السعر مانيول 93 اوتو 104
بعد اذن حضرتك الكماليات دى فى المانيوال برضه كلها ولا بعضها؟؟؟ ممكن تحددلى اللى فى المانيوال فقط؟؟؟؟؟
الف شكر لاهتمام حضرتك يا ا/ احمد عماد
كل الاوبشنز دي موجوده فعلا معايا في المانيوال .. بس البلوتوتث ده ياستاذ احمد عماد تقريبا مش موجود او انا مش عارف الاقيه لانه مش موجود ضمن المنيو الرئيسيه في الشاشه .. ياريت لو حضرتك تدلني علي كيفية عمله !!!!!!
بصراحة انا ممتلكتش العربية دي ، انا بفكر اجيبها فمش متاكد من وجود بلوتوث فيها ، بس هو المفروض يكون فيها لكن فيه بعض الكماليات الوكيل شالها من العربية ، وبما ان العربية مع حضرتك انا عاوز اعرف هيا عاملة ايه معاك ، وهل ظهر فيها مشاكل ولا لا ، وتقيمك لاداء الموتور والسيارة كلها و هل السيارة فيها اتصال بالموبايل عن طريق الشاشه ولا لأ
والله يا مستر Ahmed emad انا جديد في عالم السيارات ودي اول مرة اركب واشتري عربيه زيرو بفضل الله .. بس الحمد لله مافيش حد من الخبراء صحابي ركبها الا وشكر فيها من جميع النواحي وانا عن نفسي مش حاسس باي حاجه غير طبيعيه .. اللهم الا صوت صفاره كده خفيف لما بلف الدركسيون لما باجي باطلع وتقريبا ده تراب او حاجه علي تيل الفرامل غير كده مافيش اي حاجه نهائيا الحمد لله ... وموضوع البلوتوث ده ماشفتش اي اشارة ليه من قريب او بعيد في كتالوج العربيه وكمان الشاشه عليها زراير الاوبشنز زي السي دي او التليفزيون او الراديو ومافيش حاجه مكتوب عليها بلوتوث ... الموبايل بيتوصل بالعربيه عن طريق AUX وده بيشغل الاغاني مش اتصال