الآي فون ٦ بلس بيسخن مع ارتفاع معدل استهلاك البطارية

معايا اي فون ٦ بلس من حوالي ٣ شهور
الجهاز رائع فعلا و البطارية ادائها ممتاز كنت ممكن اقضي يومي ب٥٠-٦٠ ٪ شحن البطارية
من حوالي أسبوع و مع بداية ارتفاع حرارة الجو و خصوصا عندنا في الصعيد لاحظت ان الجهاز بيسخن و خصوصا المنطقة اللي عند زر الباور !! و أداء البطارية مش زي الاول
انا استخدامي إنترنت و إيميل و فيسبوك و متابعة أخبار
ماليش لا في الجيمز و لا الأفلام و لا الموسيقي

يا تري هل دا بسبب حرارة الجو و لا بسبب سوفت وير في الجهازو لا ايه ؟؟ انا عندي iOS 8.1

الشئ الوحيد اللي احيانا بشك فيه أني اشتريت من شهر شاحن سيارة من راديوشاك ماركة enercell !! هل ممكن يكون هو اللي اثر في اداء البطارية ؟؟

الجهاز أداءه زي ما هو متغيرش يعني لا بيتقل و لا بيهنج
بس بيسخن جدا و البطارية بتخلص أسرع من الاول بشكل ملحوظ

حد عنده تفسير للموضوع دا

متابع باهميه

من خلال بحثي في الانترنت علي المشكلة دي لقيت نفس الشكري بتاعتي و بنفس التفاصيل علي منتدي خاص بالاجهزة الكفية و اللوحية و اكتشفت ان اغلب اللي بيشتكوا مصريين !!
شخص من المجموعة دي بيقول انه لاحظ التغير دا بعد ما غير الوقت في الجهاز و دا حصل فعلا في اخر شهر ابريل الساعة اتقدمت لوحدها في الجهاز و طبعا الكل اضطر للدخول في إعدادات الوقت و تأخير السلع
الشخص دا قال انه بعد ما غير إعدادات الوقت في التليفون و رجعها ساعة ظهرت مشكلة السخونة و بالتالي سرعة نفاذ البطارية !! طبعا هو رجع كل شئ زي ما كان و الوقت بقا متقدم ساعة بس وجد ان السخونة راحت و الاستهلاك أفضل بكير

انا عملت كدا فعلا واكتشفت ان السخونة فعلا راحت واستهلاك البطارية طبعا اتحسن كتير
المشكلة دلوقتي ان الوقت مقدم ساعة كاملة حاليا عندي في التليفون ١٠:١٤ !! ازاي تتحل دي ؟؟

يعني لما الحكومة ربنا هداها و عقلت و وقفت العمل بالتوقيت الصيفي الرخم يقوم الآي فون لازم يشغل التوقيت الصيفي !!!

هههههههههه

اقتباس:

---

المشاركة الأصلية كتبت بواسطة mostafabakry

من خلال بحثي في الانترنت علي المشكلة دي لقيت نفس الشكري بتاعتي و بنفس التفاصيل علي منتدي خاص بالاجهزة الكفية و اللوحية و اكتشفت ان اغلب اللي بيشتكوا مصريين !!
شخص من المجموعة دي بيقول انه لاحظ التغير دا بعد ما غير الوقت في الجهاز و دا حصل فعلا في اخر شهر ابريل الساعة اتقدمت لوحدها في الجهاز و طبعا الكل اضطر للدخول في إعدادات الوقت و تأخير السلع
الشخص دا قال انه بعد ما غير إعدادات الوقت في التليفون و رجعها ساعة ظهرت مشكلة السخونة و بالتالي سرعة نفاذ البطارية !! طبعا هو رجع كل شئ زي ما كان و الوقت بقا متقدم ساعة بس وجد ان السخونة راحت و الاستهلاك أفضل بكير

انا عملت كدا فعلا واكتشفت ان السخونة فعلا راحت واستهلاك البطارية طبعا اتحسن كتير
المشكلة دلوقتي ان الوقت مقدم ساعة كاملة حاليا عندي في التليفون ١٠:١٤ !! ازاي تتحل دي ؟؟

يعني لما الحكومة ربنا هداها و عقلت و وقفت العمل بالتوقيت الصيفي الرخم يقوم الآي فون لازم يشغل التوقيت الصيفي !!!

هههههههههه

---

يعني الموضوع دا كله بسبب الساعه اتقدمت ولي اتاخرت يا شتات الشتات :crying1::crying1::crying1:

حاجه غريبه والله
نظام ios 8.3 نزل من زماان
8.4 هاينزل قريب
نصيحة حدث جهازك دايماً ، كل اللى بيشترى أبل ويدفع فيها فلوس علشان الدعم الفنى بتاعها
والجيلبريك هاينزل على النسخه 8.4 ماتقلقشى لو إنتا من مستخدميه

غير البلد الى هاراى جنوب افريقيا هاتظب الوقت تلقائى

ايه دخل الساعة بالموضوع ؟؟؟
يعني ايه ال ممكن تعمله الساعة يسبب ان الموبيل يسخن و يستنفذ البطارية

بتهيالي الموضوع دا في حاجة غلط من ابل و عيوب سوفتوير

انا ايفون 5 و لاحظت فعلا اليومين دول ان البطارية بتخلص بسرعه و حرارته بقت عالية بشكل يدايق جداً بس مجاش في بالي خالص موضوع الساعة ده!

هاجرب كده أغيرها و أتابع تاني

فعلا حصل معايا نفس الكلام مع تغيير الساعه

أنا عندى نفس المشكلة دى هل فعلا موضوع الساعة عامل الفرق ده
ولو عايز اغير الساعة دلوقتى اعملها ايه علشان المشكلة دى تروح

دي مشكلة سوفت وير
لانها رابطه مع موضوع تغيير الساعه ........ حاجه غريبه جدا

كده اندرويد افضل