عرض للطباعة
انا ناوي ان شاء الله اشتري ارض 330 متر في مدينة نصر والموضوع هيدخل اطار التنفيذ قريب جدا
بس حابب اعرف تكاليف البناء هتبقى قد ايه
الارض مترخصة ارضي + 9 أدوار وهيتبنوا كلهم ان شاء الله
يعني 10 أدوار الدور المكرر فيه شقتينن والارضي هيبقى تجاري
تقريبا كدة هيكلفوا كام العشر أدوار كلهم والدور لوحدة تقريبا كام
وشكرا مقدما لاعضاء المنتدى
حضرتك لوحدك و لا معاك شركاء و هل تحتاج شريك ؟
حضرتك الارض دي هيتأسس لها اتحاد ملاك
كل فرد هيدفع 200 الف للارض + البناء
في حد قاللي ان البناء هيدخل في 300 الف الدور يعني الشقه بناء 150 الف
يعني كل مشارك هيدفع 350 الف وياخد شقة بعد انتهاء العمارة
مشروع اتحاد ملاك يعني
لو حابب تشارك وتاخد شقة او اكتر كلمني على 01020945432
ماشاء الله مشروع جميل
بس هي فين الارض الفاضيه في مدينه نصر
330 متر شامله حرم العماره في 4 اتجاهات ولا صافي المباني نهائي
لو شامله حرم العماره يبقي الارض دي مش هاتصفي 150 متر
لو مش شامله الحرم يبقي هاتعدي ال600 متر
ولا البناء هايكون علي الصامت في 3 اتجاهات
وفي الحاله دي تبقي مش في مدينه نصر نهائي
مش فاهم حضرتك قصدك ايه بس انا قلتله هو البناء على 60% من الارض قاللي لا على الـ 330 متر كلهم
قصدي ان المشروع غير مفهوماقتباس:
المشاركة الأصلية كتبت بواسطة youssef helmy
ومين اللي قال لحضرتك
السمسار اللي هيبيعلي الارض
هي الارض عليها فيلا صغيرة هتتهد ونبني عليها عمارة في مشروع اتحاد ملاك
سامحنياقتباس:
المشاركة الأصلية كتبت بواسطة youssef helmy
حضرتك محتاج معاك حد فاهم
بدل ماتتورط وفلوسك تضيع
لاءن واضح من كلامك ان السمسار بينصب عليكم من الاخر
انا اكيد ساعة الجد هاخد معايا حد فاهم
بس انت شايف انه بيضحك علينا ليه ؟؟
مبدئيا ف مدينه نصر سعر المتر لن يقل عن15 الاف جنيهاقتباس:
المشاركة الأصلية كتبت بواسطة youssef helmy
يعني الارض بس هاتعمل يعني الارض بس هاتعمل مش اقل 5مليون
دا اول يء
ثاني شيء 330 متر زي ماوضحت في اول مشاركه لو صافي مساحه الارض صافي المباني مش هايكمل 150 متر
لو صافي المباني 330 متر يبقي الارض هاتعدي ال500 متر
ياما الارض مش في مدينه نصر من الاساس
انا بعون الله هنزل اتأكد من الارض بكرة او بعده
هقابل السمسار واشوف الارض والورق وان شاء الله هبقى اعرف حضرتك وصلت لايه
بالتوفيق ان شاء الله
ان شاء الله
اوفق حضرتك تماما فى الاسعار علشان كده توقعت شركاء, وجود الارض على فيلا قديمة معناه مخالفة كمان و ده بيرخص سعر الارض شوية بس بيعوز " تعاملات خاصة" مع الحى لا انصح بالخوض فيها, وزى ما حضرتك بتقول انت بتكلم على الاقل فى 3-4 مليون و عموما انا متابع .اقتباس:
المشاركة الأصلية كتبت بواسطة hugan
على فكرة اللون الاحمر مخالف لقواعد المنتدى وممنوع الكتابة بيه
عندى سؤال مش غريب انك تسجل في منتدى عربيات عشان تسال عن العقارات ؟
بالمناسبه ال60% بتوع ال330 متر هندسيآ فمصر مينفعش تطلع 9 ادوار تخيلها كده ! ومفيش المساحات دى فى القاهره ممكن فى المحافظات والقري ومتتطلعش الارتفاع ده برضو تكلفة القواعد والروتس هتتكلف اكتر من سعر الشقق
استاذ سامح السلام عليكم انا مش فاهم كلامك بالنسبة للون الاحمر ...مين اللى كاتب باللون الاحمر ؟ و بعدين اسمح لى اجاوب على سؤال حضرتك الثانى ...بالنسبة لى مش غريبة انه يسجل فى منتدى عربيات و يسأل عن العقارات لسببين الأول ان فى المنتدى الاجتماعى بتكلم عن كل ما لا يخص العربيات و ده يتماشى مع قواعد المنتدى و التى نحرص عليها جمعيا و السبب الثانى هو الاستفادة من اراء و خبرات و افكار الاعضاء من خلال تواصلهم مع بعض لأى فكرة او مشروع مادام حلال و مشروع و لا يتعارض مع قواعد المنتدى ( مثل عمل اعلان مثلا), أخيرا فرصة علشان اشكرك شخصيا و كل القائمين على المنتدى للجهد و التفانى من اجل استمرار المنتدى بالشكل الراقى و المشرف و تقبل خالص تحياتى.اقتباس:
المشاركة الأصلية كتبت بواسطة samah abdallah
حضرتك 90% من زوار القسم ضيوف واما واحد يسجل فى المنتدى عشان يستفيد مفروض نشيله فوق دماغنا المنتديات مهجورة والى زوال فى العالم كله مواقع التواصل الاجتماعى غطت عليهااقتباس:
المشاركة الأصلية كتبت بواسطة samah abdallah
ممكن حضرتك تشرح لنا الحرم والصافى وطريقه الحساب بمثال :hrm_prv:اقتباس:
المشاركة الأصلية كتبت بواسطة hugan
سامح مين :bonappetit:اقتباس:
المشاركة الأصلية كتبت بواسطة ali ashraf
عالعموم حضرتك كل مشاركات العضو كانت بالاحمر وتم تغييرها من الاشراف
محدش قال انه يتعارض مع قواعد المنتدى ده مجرد استفسار
يعنى حضرتك كعضو في المنتدى طبيعى تسال الناس في اى موضوع
لكن مش هتروح تسجل في منتدى عقاراتمثلا عشان تسال الناس عن العربيات
Reminderاقتباس:
المشاركة الأصلية كتبت بواسطة mk3
hugan
حد عنده فكره عن متوسط الارباح فى مشروع اتحاد الملاك .. يعنى لو حد مشترك مثلا ب 10 جنيه .. بعد البناء و البيع ال10 يبقو كام ؟؟