قصدك البوجيهات ؟
عرض للطباعة
نعم قصدى البوجيهات
الله ينور يا هندسة .. سؤال فنى لولبى حلزونى هو ايه درجة اللزوجة المناسبة
لعربية عاملة 250 الف كيلو مع اﻻخد فى اﻻعتبار انها الحمد لله مبتاكلس زيت وﻻ بتحرقه
يسعدني إني أنضم للمناقشة في قسم سيات، وياريت أقدر أزود بعض المعلومات..
أولا.. وزي ما إحنا متفقين.. الكتالوج هو المرجع الأساسي والوحيد لاختيار الزيت المناسب... وليس أي تجارب لأي شخص آخر.
ثانيا... مستوى الخدمة (أحيانا بيسمى "مستوى الجودة") بيوصف بأكثر من طريقة.. لإن ليه أكثر من منظمة بتصدر مواصفات للزيوت.
أقدم المنظمات دي وأشهرها هي منظمة الـAPI أو معهد البترول الأمريكي American Petroleum Institute
وأسلوب التكويد بتاعها معتمد في معظم دول العالم... وبالذات خارج أوروبا.
ثاني أشهر المنظمات العالمية اللي بتحط أكواد للزيوت هي منظمة الـACEA أو جمعية صانعي السيارات الأوروبية Association des Constructeurs Européens d'Automobiles
وحاليا... كتالوجات السيارات الأوروبية تحتوي أكواد الـACEA فقط.. ولا وجود لأكواد الـAPI في كتالوج أي سيارة داخل أوروبا إلا فيما ندر.
طبعا.. فيه منظمات تانية بتطلع مواصفات للزيوت.. ولكن بحكم إن "سيات" شركة أوروبية.. فالمؤكد إننا يهمنا كود الـACEA فقط.
ثالثا... بعض شركات السيارات في العالم بتعمل لنفسها مواصفات خاصة للزيوت.. قد تختلف عن الزيوت المعتادة المعروفة في أغلب أنحاء العالم... ومعظم الشركات دي أوروبية...
وأشهر شركة عاملة لنفسها مواصفات خاصة هي "فولزفاجن"... وطبعا.. أنتو عارفين إن "سيات" شركة تابعة لفولزفاجن.. وكل مواتيرها هي مواتير فولزفاجن بدون أي إضافة أو تعديل.
يبقى المؤكد لينا كمان إننا لازم نتأكد من إن الزيوت المستخدمة في مواتير سيات لازم تكون مطابقة لمواصفات فولزفاجن.
فولزفاجن عاملة كذا مواصفة للزيوت.. تختلف حسب أنواع المواتير (بنزين أو ديزل).. تفاصيل المواصفات دي في المشاركة الجاية..
رابعا... بالنسبة لبخر الزيوت... فالحقيقة إن مفيش حاجة إسمها "بخر الزيوت" بالمعنى اللي الناس فاهماه.. ولكن فيه حاجة إسمها استهلاك الزيت.. لإن الزيت بيستهلك مع البنزين
وده له كذا سبب..
1- الزيت غير مناسب للموتور .. أو بمعنى أصح.. غير مستوفي لمتطلبات الكتالوج.
2- أسلوب القيادة ممكن يكون رياضي أو الدوران عالي.
3- الموتور مش سخن بما فيه الكفاية.. وثرموستات الكوعة متشال.
4- بلف الـPCV فيه خلل.
فيه تفاصيل أكتر عن المسألة دي في الموضوع ده
http://www.nilemotors.net/Nile/418186-a.html
...
ده ملخص لمعاني أرقام ومواصفات فولزفاجن لزيوت المحركات
المواصفة 500.00
المواصفة دي لمواتير البنزين .. وخاصة بالزيوت بلزوجة 5W-X أو 10W-X... و X دي = أي رقم.. زي 30 أو 40 أو 50
المواصفة دي معمولة لعربيات فولزفاجن المصنوعة قبل سنة 2000.
المواصفة 501.00
المواصفة دي لمواتير البنزين .. وخاصة ببعض مواتير فولزفاجن القديمة المصنوعة قبل سنة 2000.
المواصفة 502.00
المواصفة دي لمواتير البنزين .. وديمواصفة حديثة (للعربيات بعد سنة 2000) وتلغي المواصفتين اللي فوق، ومعمولة لعربيات فولزفاجن اللي بتشتتغل في ظروف شاقة، وما ينفعش تتحط في أي مواتير تانية غير المنصوص عليها في الكتالوج.
المواصفة 503.00
المواصفة دي لمواتير البنزين .. وخاصة بالزيوت طويلة العمر .. وتطابق مواصفات الـACEA بكود A1 ، واللزوجة = 0W-30 أو 5W-30
المواصفة 503.01
دي مواصفة كانت معمولة لعربيات معينة من "أودي" اللي هي: Audi RS4 و Audi TT و S3 و Audi A8 6.0 V12، خاصة اللي مواتيرها بقوة أكبر من 180 حصان
حاليا المواصفة دي اتلغت .. وحل محلها مواصفة 504.00
مواصفة 504.00
المواصفة دي لمواتير البنزين .. وحلت محل مواصفات 503.00 و 503.01، ومتوافقة مع متطلبات الاتحاد الأوروبي لتقليل انبعاثات العادم Euro 4 .
المواصفة 505.00
دي مواصفة خاصة بمواتير الديزل.. وتكافي مستوى جودة CCMC PD-2 .. ويدخل تحتها كذا لزوجة..
SAE 5W-50, 10W-50/60, 15W-40/50, 20W-40/50 بمعدل تبخر حوالي 13%
أو
SAE 5W-30/40, 10W-30/40 بمعدل تبخر حوالي 15%
(ملحوظة: معدل التبخر هنا بيتقاس على درجة حرارة 250 مئوية لمدة ساعة) وفي أوضاع التشغيل الفعلية.. الزيت مش بيوصل للحرارة دي إلا في النادر.
المواصفة 505.01
دي مواصفة خاصة بمواتير الديزل (التربوديزل تحديداً) مع طلمبة حقن أو مواتير الـV8 التربوديزل.
تتطابق مع مواصفات الـACEA بكود B4 مع لزوجة 5W-40
المواصفة 506.00
دي مواصفة خاصة بمواتير الديزل اللي فترات تغيير الزيت فيها طويلة جدا (50 ألف كيلومتر أو سنتين)، وما ينفعش تستخدم مع المواتير اللي فيها طلمبة حقن واحدة.. والتغيير بيتم اعتمادا على لمبة بيان في العدادات.
لزوجة الزيت 5W-30
المواصفة 506.01
دي مواصفة خاصة بمواتير الديزل اللي فيها طلمبة الحقن من نوع Pumpe-Düse، والي فترات تغيير الزيت فيها 30-50 ألف كيلومتر أو سنتين.. والتغيير بيتم اعتمادا على لمبة بيان في العدادات.
المواصفة 507.00
دي مواصفة خاصة بمواتير الديزل بشكل عام اللي انتجت بعد سنة 2000.. والزيوت اللي عليها الكود ده بيبقى محتوى رماد الكبريتات فيها قليل Low SAPS.. وتتطابق مع متطلبات الاتحاد الأوروبي لتقليل الانبعاثات Euro 4..
بس بعض مواتير الديزل من فولزفاجن ما ينفعش تستخدمها .. ولازم تستخدم الـ506.01.
المواصفة 508.00
لسه ما طلعتش
أرجو إن المعلومات دي تكون مفيدة
مصدر المعلومات:
http://www.oilspecifications.org/volkswagen.php
...
الف شكر يا بشمهندس أحمد علي مشاركاتك في الموضوع
وبصراحة انا شخصياً اتعلمت من حضرتك كتير في تكوين معلوماتي حول الزيوت
تحياتي لحضرتك
وشكراً علي مرورك الطيب
موضوع رائع بس اعذرنى انا مش فاهم الجمله دى
طب ورقم 40 ؟؟؟!!!
الرقم الكبير زي 40 او 50 دي بيعني درجة لزوجة الزيت عند درجة حرارة 100 مئوية وبيسموها درجة انهيار الزيت
وكل ما كان الرقم الكبير صغير كل ماكان أخف
يعني 30 أخف من 40 و 40 أخف من 50
وكل الدرجات عموماً بتتقاس اللزوجة بتاعتها عند درجة الأنهيار 100 درجة مئوية
الف شكر