حد سبق له الخبره فى اصدار سجل صناعى فى مصر دلوقتى لمصنع ؟
لان ناس كتير قالتلى بقا صعب ومعقد دلوقتى لو حد عنده خبره سابقه فى صدار سجل صناعى يوضح تجربته وكام كلفه تقريبا
لان محامين كتير قالولى كلام متضارب وعكس بعضه فى الاجراءات والتكلفه
عرض للطباعة
حد سبق له الخبره فى اصدار سجل صناعى فى مصر دلوقتى لمصنع ؟
لان ناس كتير قالتلى بقا صعب ومعقد دلوقتى لو حد عنده خبره سابقه فى صدار سجل صناعى يوضح تجربته وكام كلفه تقريبا
لان محامين كتير قالولى كلام متضارب وعكس بعضه فى الاجراءات والتكلفه
خطوات تعقد انا مشغل محامى فى الترخيص وبقالى فتره كبيره جدا لسه مطلعتش الرخصه
ولازم علشان تطلع السجلالصناعى والتجارى... تبدأ فى اجراءات الترخيص من البدايه.. على ما افتكر لانى مشيت فى الاجراءات الاولى
هتروح الاول الصندق الاجنماعى علشان تطلب ترخيص المصنع الصندوق هيبقى عامل زى عسكرى المرور هيشاور لك بس !!!!!!!!!!!!!
اولا هيبعتك بورقك للحى التابع له المصنع علشان تطلع موافقات كتير منها التنظيم وكم موافقه مع معاينات
وبعدها ترجع للصندوق هيبعتك طبعا للضرايب وبعدها الامن الصناعى وهتجيب موافقه المطافى لوحدها دى ممكن تدخل فى 3 او 4 الاف جنيه...... وبعدها هيتطلب منك موافقه البيئه ودى هتقعد حوالى 6 شهور ........ هتترفض الاول وبعدين يتحدد لك جلسه وفى الاخر هتاخد موافقه البيئه .وبعدين قياس شده ضوضاء وبعدين ييجى مهندسين (لجنه من الحى) يشوفوا انت نفذت الاشتراطات ولا لا.... ويحطوا لك اشتراطات جديه........ وبعدين هيبعتوك للتامينات .. ومنها للسجل الصناعى والتجارى............. والسجل هيبعتك لهيئه الصناعات ومنها معاينه وبعدين مبلغ وبعدين يدولك الشهاده
وبعدين......... انا منتظر الشهاده دى علشان استكمال الاجراءات..................... وحاليا بفكر اقفل المصنع لان الوضع شبه حاله موت فى السوق ........ ومش عارف اكمل ولا اقفل
على فكره متتعقدش حط فى ذهنك انهم بيشجعوا القطاع الخاص وفتح فرص عمل جديده ............ ملعون ابو الروتين.. على موظفين معقدين نفسيا
اقولك بلاش اللى بيمشى رسمى بيتمرمط ........ كل اصحاب المصانع اللى حولى بيضحكوا على لانى ماشى رسمى وبدفع دم قلبى وهم محدش بيعبرهم ولا بيتبهدلوا بهدلتى
مش التراخيص الصناعى داخل القاهره, فى المناطق السكنيه اتمنعت؟؟
انا معايا رخصه صناعى مش عارف حتى ازود قدرة الطاقه
زى ماتوقعت ان مصر بتشجع الصناعات جدا الفتره ديه
ربنا يرحمنا برحمته
طب ادخل فى الموضوع ده وابتدى اشتغل لانى الارض هاخدها ان شاء الله فى منطقه صناعيه ؟
ولله مش عارف اقولك ايه.
الطرح الصناعي لما بينزل الناس اللى بتقدم بتكون واقفه طابور جمعيه، كأن في لحمه ببلاش.
و 90% سماسرة.
لو هتشتري من بره السعر 3 و 4 اضعاف.
لو عرفت تاخد ترخيص في منطقه سكنيه هياخد وقت طويل و فلوس كتير قوي.
في اراضي تبع المطور الصناعي، تشتري مباشر و منطقه صناعيه و تابعه للهيئة، بس مساحات كبيره، اخر مره سألت كانت 3000 متر و اكتر، تقسيط علي 4 دفعات، 1000 جنيه للمتر تقريبا.
ربنا يعينا عالبلد دي.